MATHAI 10:2 - Mara Bible RV (BSI)

² Lyuhchâpa pahrawh hleinozy moh cha hezy he ama cha: A hmiatua chai ta, Saimaw, Pity ama bipa nata a unawhpa Adaru; Zebâdi sawchapawpa Zâmie nata a unawhpa Zawhâna;

MATHAI 10:2 ပူးပေါင်းရင်းမြစ်များ

MATHAI 17:1

Noh charu khai tawhta Zisu ta Pity nata Zâmie nata a unawhpa Zawhâna zy a chhi ta, âmo cha anano ta tlâh sâhpa lâ kiakhei ta.

MATHAI 20:20

Chatawhcha Zebâdi sawchapawzy nô cha, a sawchapawzy chhaota Zisu lâ a vy ta, Zisu cha a naoh ta, khokheina hiah ta.

MATHAI 26:37

A hnohta Pity nata Zebâdi sawchapaw pano a chhi ta, pachârôhpa ta a nôpo ngaita ta.

MATHAI 4:18

Kâlili Tipo kiah liata a sie hai nota, unawh pano, Saimaw, Pity ama tahpa nata a unawhpa Adaru zy cha tilaipi liata sao ama vaw ngâpa hmô ta. Âmo cha nga patutuhpazy ama châ.

MATHAI 4:21

Cha tawhtapa cha sie lymâ ta, unawh hropa pano, Zebâdi sawchapawpa Zâmie nata a unawhpa Zawhâna zy cha ama paw Zebâdi chhaota saozy balyh liata ama taopathi ngâpa hmô ta, âmo cha aw ta.

MÂKA 1:29

Pakhyna o tawhta ama puapa nahta, Zâmie nata Zawhâna chhaota Saimaw nata Adaru o liata thlai a ngia ta.

MÂKA 13:3

Achhyna o dady ta Ôli tlâh liata â tyu thlâh ha nota, Pity, Zâmie, Zawhâna nata Adaru zy ta arulâta bie hiahri ei ta.

MÂKA 6:30

Lyuhchâpazy Zisu lâ vaw kua ei ta, ama hmotaopa nata pachupa kyh zydua Zisu chho ei ta.

LUKA 11:49

Chavâta Khazohpa sona chhao ta, ‘Ama hnohta hrohsopazy nata lyuhchâpazy tuah aw na ta, thokha thie aw ei ta, thokha ama taola aw,’ a tahpa kha a châ.

LUKA 22:14

A daihti a vaw tlô nahta, Zisu cha lyuhchâpazy chhaota tlâhkhai liata pati dôh ta.

LUKA 22:8

Zisu ta Pity nata Zawhâna cha, “Zawpakhô kyhchhi eima nie awpa a kei chhuanoh teh u,” tahpa ta tuah ta.

LUKA 5:10

Saimaw pyheih, Zebâdi sawchapawpa Zâmie nata Zawhâna zy chhao ta noâh tah kaw hra ei ta. Zisu ta Saimaw hnohta, “Chi khah y, tahmâ tawhta la chyhsa na patu bâ aw,” tah ta.

LUKA 9:10

Amâ vaw lie nahta, lyuhchâpazy ta ama hmotaopa zydua Zisu chho ei ta. Zisu ta âmo cha a chhi ta, Besaidâ khih ama tahpa lâ ânano ta siekhei ta.

ZAWHÂNA 12:22

Phili ta Adaru kei chho ta, Adaru nata Phili ta Zisu cha kei chho ei ta.

ZAWHÂNA 13:23

Pachupazy hry liata pakha, Zisu ta kyh a pachâpa cha, Zisu kiapâh liata tlâhkhai dôhpa ta a tyuh ta.

ZAWHÂNA 20:2

A râ ta, Saimaw Pity nata pachupa hropa Zisu ta kyh a pachâpa lâ vawh ta, ama hnohta, “Abeipa kha thlâ tawhta thaoh ha ei ta, khataih liata ma ama pazia tahpa pahno khao ma pi,” tah ta.

ZAWHÂNA 21:2

Saimaw Pity, Maphieh ama tahpa Thawma, Kâlili chyhsa Kena khihpa Nâthaniah, Zebâdi sawchapawzy nata a pachupa hropa panozy chhaota hmaohkha ta y ei ta.

ZAWHÂNA 21:20

Pity cha a heih ta, Zisu kyhpachâpa pachupa, zâ pati nie nota a chachôhna a hniehpa ta ano lâ a heih ta, “Abeipa, châ patusa awpa cha ahy ma a châ?” a tahtuhpa khata a vaw zipa hmô ta.

ZAWHÂNA 21:24

Cha pachupa cha, he biezy a pahnotuhpa nata a rohtuhpa he a châ. A bie pahnopa cha biedopa a châ tahpa eima pahno.

ZAWHÂNA 6:67

Zisu ta pahrawh hleinozy hnohta, “Nâmo chhao na siesai awpa nama khoh hra ma?” tah ta.

ZAWHÂNA 6:70

Zisu ta ama hnohta, “Nâmo pahrawh hleinozy chi he, keima ta ei châ tlyhpa châ veih ei chi ma? Châhrasala nama hry liata pakha cha ahripa a châ,” tah ta.

ZAWHÂNA 6:71

Saimaw Iskari sawchapawpa Zudâh, pahrawh hleinozy hry liata a hlao hrapa ta, ano a patusa nawpa kyh a reipa a châ.

ZAWHÂNA 6:8

A pachupazy hry liata pakha, Saimaw Pity unawhpa Adaru ta a hnohta,

HMOTAOPAZY 1:13

O amâ ngia nahta, Pity, Zawhâna, Zâmie, Adaru, Phili nata Thawma, Bâthawlawmu nata Mathai, Alphu sawchapawpa Zâmie nata Saimaw, Zilô py liatapa nata Zâmie sawchapawpa Zudâh zy cha ama yna chhôhpadâhpa chô chaipa lâ khy ei ta.

HMOTAOPAZY 1:26

Chatawhcha nuby a dao ei ta, nuby cha Mâthia chô liata tlu ta. Chatanachata ano cha lyuhchâpa pahrawh hleikhazy hry liata pahlaopa a châ.

HMOTAOPAZY 12:2

Zawhâna unawhpa Zâmie cha zaozi ta thie ta.

HMOTAOPAZY 3:1

Pity nata Zawhâna cha noh kia râhsâ ta thlahchhâ daihti nota Achhyna o lâ khy ei ta.

1 KAWRINI 15:7

Cha khai tawhta Zâmie hnohta a luah ta, lyuhchâpa zydua hnohta â luah heih.

EPHESI 4:11

Chatanachata thokha lyuhchâpa châ awpa ta, thokha hrohsopa châ awpa ta, thokha biechhotuhpa châ awpa ta, thokha mietaku vaituhpa châ awpa nata thokha pachutuhpa châ awpa ta Krista ta a rao ei.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

1 PITY 1:1

Zisu Krista lyuhchâpa Pity ta Pawntu, Kalatia, Kâpadôkia, Asia nata Bithunia râhzy liata paipatlapa ta a ypa atlyhpa sahlao,

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

2 ZAWHÂNA 1:1

Awnanopa chhituhpa ta biehmeiseihpa liata kyh ei pachâpa chanô atlyhpa nata a sawzy ei châ naoh ei. Keima dei châ leipa ta, biehmeiseihpa a pahnopa zydua ta ama châ naoh hra.

3 ZAWHÂNA 1:1

Awnanopa chhituhpa ta biehmeiseihpa liata kyh ei pachâpa, kho ngaitapa Kaiâ ei châ naoh.

BIEPHUAH 1:1

He he Zisu Krista ta a chakaotuhpazy hnohta hmo thlai a vaw tlô awpazy a pahnosa thei nawpa ta, Khazohpa ta a hnoh ta a piepa biephuah a châ. Cha biezy cha Krista ta a vâlyuhchâpa tuah ta, a chakaotuhpa Zawhâna hnohta a vaw pahnosa.

BIEPHUAH 1:9

Kei, Zawhâna, nama unawhpa nata Zisu liata rietheina nata khinarâh nata tao hualuana kyh liata châ taokheituhpa ei he, Khazohpa bie nata Zisu pahnokheina bie vâta Pâtamô liahpahlô ama tahpa liata y na ta.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 22:8

Kei, Zawhâna he, cha hmozy a theituhpa nata a hmôtuhpa ei châ. Cha hmozy cha theipa ta ei hmô nahta, nâ pahmôtuhpa vâlyuhchâpa cha a chhy awpa ta, a phei thaby liata kei pao na ta.