MATHAI 10:14 - Mara Bible RV (BSI)

¹⁴ Ahy rai châ ly leipa tlyma, nama biezy a nathlie leipa tlyma cha, cha o tawhta tlyma, cha khih tawhta tlyma nama pua tita, nama phei liata buchadoh chatho thlu teh u.

MATHAI 10:14 ပူးပေါင်းရင်းမြစ်များ

NEHEMIAH 5:13

Ei poh pai chatho na ta, ama hnohta, “He bietai a tao leipa maih cha, he poh pai chathopa hawhna heta, Khazohpa ta a o tawhta nata a rai tawhta chatho pathlah mawh sy. Chatho pathlahpa châ sala, parua khaipa châ mawh sy,” tah na ta. Zawpi zydua ta, “Amen”, tah ei ta, Abeipa cha reithai ei ta. Zawpizy ta ama bietai hawhta tao ei ta.

MATHAI 10:13

Cha o liata chyhsazy cha a naoh tlâh ama châ khiahta cha, nama thlapalôhna bie ama chô liata tlô sala, a naoh tlâh ama châ vei khiahta deikua cha, nama thlapalôhna bie cha nâmo lâ vaw kua heih mawh sy.

MATHAI 18:5

“Ahy rai ei moh ta he hawhpa hawti pakha chhao a lypa cha, keima nâ lypa a châ.

MÂKA 6:11

Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta.

MÂKA 9:37

“Ahy rai ei moh ta he hawhpa hawti pakha chhao a lypa cha, keima nâ lypa a châ. Keima nâ lypa cha, keima nâ lypa châ leipa ta, nâ tuahtuhpa a lypa tlao a châ,” tah ta.

LUKA 9:48

ama hnohta, “Ahy rai ei moh vâta he hawti a lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ. Nama zydua hry liata a chyh chaipa cha, ano tlai cha a rônah chaipa a châ,” tah ta.

LUKA 9:5

Châ ly leipa maih cha, cha khih tawhta nama pua tita, ama thaileichâna pahnosa nawpa ta nama phei liata buchadoh chatho thlu teh u,” tah ta.

ZAWHÂNA 13:20

Hmeiseihta ta, hmeiseihta ta ei cha chho ei, ahy rai ei tuapa a lypa cha, keima nâ lypa châ ta, ahy rai keima nâ lypa cha, nâ tuahtuhpa a lypa a châ,” tah ta.

HMOTAOPAZY 13:51

Pawla nata Bânabâ ta âmo cha ama phei buchadoh chatho thlu ei ta, Ikônia khih lâ ama sie haw.

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.