MATHAI 1:3 - Mara Bible RV (BSI)

³ Zudâh cha Pereza nata Zerâ paw châ ta, ama nô cha Tâmâri a châ. Pereza cha Hezrô paw châ ta, Hezrô cha Aramâ paw a châ.

MATHAI 1:3 ပူးပေါင်းရင်းမြစ်များ

ÂTHAONA 38:11

Zudâh ta a myuhnô Tâmâri hnohta, “Ei sawchapawpa Selâh a pitloh hlâlei cha, na paw o liata nôhmei ta y chy mah y,” tah ta. Selâh chhao a unawh hropazy hawhta a thi pathlei hra aw tahpa a chipa vâta a châ. Chatanachata Tâmâri cha a paw o lâ a di ha ta.

ÂTHAONA 38:6

Zudâh ta a sawchapaw uhtheipa Erâ châta lapinô hiapa ta, a lapinô moh cha Tâmâri a châ.

ÂTHAONA 46:12

Zudâh sawchapawzy cha Erâ, Ônâ, Selah, Pereza nata Zerâ zy ama châ. Erâ nata Ônâ deikua cha Kâna râh liata ama thi haw. Pereza sawchapawzy cha Hezrô nata Hâmu ama châ.

1 THÂTIHZYRONA 4:1

Zudâh sawchapawzy cha Pereza, Hezrô, Kâmi, Hurâ nata Sôbâ zy ama châ.

1 THÂTIHZYRONA 9:6

Zerâ pathlazy cha Zue nata ama heinawh 690 zy ama châ.

MATHAI 1:2

Abarahâ cha Aisika paw châ ta, Aisika cha Zakaw paw a châ. Zakaw cha Zudâh nata a unawhzy paw châ ta.

MATHAI 1:4

Aramâ cha Aminadâ paw châ ta, Aminadâ cha Nâsô paw a châ. Nâsô cha Salmô paw châ ta,

LUKA 3:33

Nâsô cha Aminadâ sawchapawpa châ ta, Aminadâ cha Âdami sawchapawpa a châ. Âdami cha Ani sawchapawpa châ ta, Ani cha Hezrô sawchapawpa a châ. Hezrô cha Pereza sawchapawpa châ ta, Pereza cha Zudâh sawchapawpa a châ.