MATHAI 1:2 - Mara Bible RV (BSI)

² Abarahâ cha Aisika paw châ ta, Aisika cha Zakaw paw a châ. Zakaw cha Zudâh nata a unawhzy paw châ ta.

MATHAI 1:2 ပူးပေါင်းရင်းမြစ်များ

ÂTHAONA 25:19

Hezy he Abarahâ sawchapawpa Aisika pathlazy ama châ: Abarahâ ta Aisika sa ta,

ÂTHAONA 25:26

Cha khai tawhta a ku ta Esaw phei ngavâhmaothy patuna chôta a nawhta vaw pih ta, a moh Zakaw bipa a châ. Rebekâ ta âmo a sa nota, Aisika cha kô sycharupa a châ.

1 THÂTIHZYRONA 1:28

Abarahâ sawchapawzy cha Aisika nata Ismela zy ama châ.

1 THÂTIHZYRONA 1:34

Abarahâ ta Aisika sa ta. Aisika sawchapawzy cha Esaw nata Izarei ama châ.

ISAI 41:8

Nâ deikua cha, Hy Izarei, Nâ chakaotuhpa na châ; Hy Zakaw, ei tlyhpa châ chi ta, Ei viasapa Abarahâ chipathla na châ.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

MALUHREINA 1:26

Zudâh pathlazy ama chhâ yzie hawhta, a pho pho ta nata a chhôh chhôh ta moh pakipa châ ta, kô kih tawhta chô lâ adyuhna lâ sie thei awpa zydua cha,

MATHAI 1:1

He he Zisu Krista thyutôna châbu a châ. Zisu Krista cha Dâvi pathla châ ta, Dâvi cha Abarahâ pathla a châ.

MATHAI 1:3

Zudâh cha Pereza nata Zerâ paw châ ta, ama nô cha Tâmâri a châ. Pereza cha Hezrô paw châ ta, Hezrô cha Aramâ paw a châ.

HMOTAOPAZY 7:8

Khazohpa ta Abarahâ cha chopawtaina biehrai pie ta. Abarahâ cha Aisika sa ta, a noh chariena noh ta a chopaw tai ta, Aisika ta Zakaw sa ta, Zakaw ta pathlatuhpa pahrawh hleinozy kha sa ta.

HEBRAI 11:11

Ngiapâna ta Sârâ cha saw phaoh thei ta, ano bie a taihtuhpa cha ngâchhihpa ta a raopa vâta, a nôpi tawhta saw a phaoh theipa a châ.

HEBRAI 7:14

Eima Beipa cha Zudâh chi tawhta a vaw puapa a châzie pahnopasiapa châ ta, cha chi nata a zaopa ta Mawsi ta theihthaipazy kyh khâpa hmah reih vei.

BIEPHUAH 7:5

Zudâh chi 12,000, Rubena chi 12,000, Kâdâ chi 12,000,