MATHAI 1:16 - Mara Bible RV (BSI)

¹⁶ Zakaw cha Zawsi paw a châ. Zawsi cha Mâri vahpa châ ta, Mâri cha Mesia ama bipa Zisu nô a châ.

MATHAI 1:16 ပူးပေါင်းရင်းမြစ်များ

MATHAI 1:15

Elidâ cha Eliaza paw châ ta, Eliaza cha Mâthanâ paw a châ. Mâthanâ cha Zakaw paw châ ta,

MATHAI 16:16

Saimaw Pity ta, “Mesia, Khazohpa hrohpa Sawchapawpa na châ,” tahpa ta a chhy ta.

MATHAI 16:20

Zisu ta Mesia a châ tahpa cha ahy hmah chho lei awpa ta pachupazy cha â ipa ta zikyu a râ ta.

MATHAI 2:13

Ama sie tawhta, Abeipa vâlyuhchâpa cha Zawsi hnohta a mâ lâta a vaw luah ta, a hnohta, “Thyu la, hawsaih nata a nô kha a chhi la, Izi râh lâ a râ teh. Herawda ta hawsaih kha pahleipadia awpa ta a tlua awpa vâta, ei cha chho heih hlâlei cha, cha liata y thlâh ha mah y,” tah ta.

MATHAI 27:17

Amâ vaw pôhpakhy nahta, Pilâ ta ama hnohta, “Ahy ma cha papuapa aw ei sah la nama khoh, Bârabâ ma, Krista ama tahpa Zisu maw?” tah ta.

MATHAI 27:22

Pilâ ta ama hnohta, “Cha khiahta la, Krista ama tahpa Zisu he zaw, kheihta ei tao aw?” tah ta. Ama zydua ta, “Khaipâ teh,” tah ei ta.

MÂKA 6:3

He chyhsa he Zâmie, Zôse, Zudâh nata Saimaw zy unawhpa, Mâri sawchapawpa, tho zôthaipa kha châ vei ma? A sietanôzy chhao, he liata eima hnohta y thlâh ha veih ei ma?” tah ei ta. Chavâta a chô liata ama palôh châ leipa ta.

LUKA 1:27

laihsa kôpa lâ tuah ta. Laihsa kôpa cha Dâvi pathla Zawsi ta hnei awpa ta â pahawhpa châ ta, a moh cha Mâri a châ.

LUKA 2:48

A nôpawzy ta ama hmô nahta, ama noâh ngaita ta, a nô ta a hnohta, “Ei sawchapawpa, khazia he hawhta miah na tao? Na paw nata thlazoh ngaitapa ta thata eima cha tlua,” tah ta.

LUKA 2:7

Saw tuapa ta chapaw sa ta, poh pahlyna ta pahly ta, khichhai riebu liata amâ tlôh leipa vâta, sachâki liata pazia ta.

LUKA 3:23

Zisu cha chakaona rai â thao nota, kô sythôh rachhôhpa châ ta, chyhsapa lâ tawhta cha Zawsi sawchapawpa a châ. Zawsi cha Heli sawchapawpa châ ta,

LUKA 4:22

Chyhsa zydua ta Zisu cha reithai ei ta, ngiachhiena bie a pakah tawhta a puapazy vâta ama noâh kaw ta, “He chyhsa he Zawsi sawchapawpa kha châ vei ma?” tah ei ta.

ZAWHÂNA 4:25

Chanô ta a hnohta, “Krista ama tahpa Mesia cha, â vy aw tahpa ei pahno. Â vy tita, hmo to zydua miah a chho aw,” tah ta.