MATHAI 1:12 - Mara Bible RV (BSI)

¹² Hezy he Babylaw lâ sei ta a chhipa ama châ tawhta a pihpazy ama châ: Zekôniah cha Salâtia paw châ ta, Salâtia cha Zerubâbe paw a châ.

MATHAI 1:12 ပူးပေါင်းရင်းမြစ်များ

2 ABEIZY 24:14

Zerusale khihsaw zydua, beimachâ zydua nata pasaipha zydua siekhei khai ta, sei 10,000 tlai a siekhei ei. Zôthaipa nata syudaihpa zydua chhao a siekhei khai ha ei. Chyhsa dyhchhie chaipazy tah leipa ta cha, râh liata ahy hmah y khao veih ei.

2 ABEIZY 25:27

Babylaw bei Evimerôdâ ta a ryureina â thaona kô liata, Zudâh bei Zehôkhi cha, seichâna lâ a sie tawhta kô sythôh nata kô sarina, thla hrawh hleinona, noh kih nata noh sarina noh ta patâhna o tawhta papua ta.

1 THÂTIHZYRONA 3:17

Sei ta amâ chhipa Zekôniah sawchapawzy cha Siatie,

EZRÂ 3:2

Zôzadâ sawchapawpa Zesua nata theihthaipa chakaona rai a hrialâhpazy nata Siati sawchapawpa Zerubâbe nata a heinawhzy thyu ei ta, Khazohpa chyhsa Mawsi Ryhpa liata ropa hawhta, raopa hlânazy hlâ nawpa ta, Izarei Khazohpa maisâh tao ei ta.

EZRÂ 5:2

Siati sawchapawpa Zerubâbe nata Zôzadâ sawchapawpa Zesua cha thyu ei ta, Zerusale liata Khazohpa o paduapathina rai cha hria pathao heih ei ta. Khazohpa hrohsopazy chhao, âmo bao awpa ta ama hnohta y ei ta.

NEHEMIAH 12:1

Hezy he Siati sawchapawpa Zerubâbe nata Zesua hnohta a vaw liepa theihthaipazy nata Livai pathlazy ama châ. Theihthaipazy cha Seriah, Zeremiah, Ezrâ,

ZEREMIAH 22:24

“Ei hrona reipa ta ei reih,” Abeipa ta a tah. “Zudâh bei Kôniah, Zehôki sawchapawpa cha ei ku chachâh lâta chahnaona kusadi châ hra la, cha pahluh aw na ta,

ZEREMIAH 22:28

He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

ZEREMIAH 22:30

Abeipa ta hetana heta a tah: “He chyhsa he saw hnei leipa ta roh la, A hro chhôh ta hlaotlohna a hnei lei awpa ta roh teh. Dâvi beidyuchhai liata a tyuhpa ta, Zudâh râh liata ryureih heih awpa ta, A chipathla ahy hmahta ama hlaotloh khao aw vei.”

ZEREMIAH 27:20

Chazy cha Babylaw bei Nebukaneza ta Zehôki sawchapawpa Zudâh bei Zekôniah nata Zudâh nata Zerusale nôpawpa zydua, Zerusale tawhta Babylaw sei ta â chhi no ei ta a la leipazy a châ.

HÂKAI 1:1

Bei Dâria abeina kô nona, thla charuna, noh khana noh ta, hrohsopa Hâkai hmâpa ta Siati sawchapawpa Zudâh râh ryureituhpa Zerubâbe nata Zehôzadâ sawchapawpa theihthai beichaipa Zawsua hnohta Abeipa bie vaw tlô ta.

HÂKAI 1:12

Siati sawchapawpa Zerubâbe nata Zehôzadâ sawchapawpa theihthai beichaipa Zawsua nata phopi laibâhpa zydua ta Abeipa ama Khazohpa ao cha thei ei ta, hrohsopa Hâkai chhao cha, Abeipa ama Khazohpa tuapa a châpa hawhta, a bie nathlie ei ta. Chyhsazy ta Abeipa ama hnohta a ypa cha chi ngaita ei ta.

HÂKAI 1:14

Abeipa ta Siati sawchapawpa Zudâh râh ryureituhpa Zerubâbe palôh nata Zehôzadâ sawchapawpa theihthai beichaipa Zawsua palôh nata phopi laibâhpa zydua palôh cha pathyu ta. Chatanachata pua ei ta, Pheisaihzy Abeipa ama Khazohpa o cha,

HÂKAI 2:2

“Siati sawchapawpa Zudâh râh ryureituhpa Zerubâbe hnohta nata Zehôzadâ sawchapawpa theihthai beichaipa Zawsua hnohta nata phopi laibâhpazy hnohta hetana heta reih la, âmo cha hiahri teh,

HÂKAI 2:23

Hy Siati sawchapawpa, nâ chakaotuhpa Zerubâbe y, cha noh liata cha la aw na ta, ei tlypa na châpa vâta, chahnaona kusadi hawhta ei cha tao aw,’ Pheisaihzy Abeipa ta a tah,” tah ta.

MATHAI 1:11

Zôsia cha Zekôniah nata a unawhzy paw châ ta, âmo he Babylaw lâ a chhipa ta ama y no rachhôh ta a pihpa ama châ.

MATHAI 1:13

Zerubâbe cha Abinadâ paw châ ta, Abinadâ cha Eliakima paw a châ. Eliakima cha Azô paw châ ta,

MATHAI 1:17

Chatanachata chhâ zydua cha, Abarahâ tawhta Dâvi taihta chhâ hrawh hleipalih châ ta, Dâvi tawhta Babylaw lâ sei ta a chhipa ama châna taihta chhâ hrawh hleipalih châ ta, Babylaw lâ sei ta a chhipa ama châ tawhta Mesia pina taihta chhâ hrawh hleipalih a châ.

LUKA 3:27

Zôdâ cha Zôanâ sawchapawpa châ ta, Zôanâ cha Resâ sawchapawpa a châ. Resâ cha Zerubâbe sawchapawpa châ ta, Zerubâbe cha Salâtia sawchapawpa a châ. Salâtia cha Neri sawchapawpa châ ta,