MATHAI 1:11 - Mara Bible RV (BSI)

¹¹ Zôsia cha Zekôniah nata a unawhzy paw châ ta, âmo he Babylaw lâ a chhipa ta ama y no rachhôh ta a pihpa ama châ.

MATHAI 1:11 ပူးပေါင်းရင်းမြစ်များ

2 ABEIZY 23:31

Zehôahâ cha kô kih nata kô thôhpa a châ nota a bei pathao ta, Zerusale liata thla thôh â bei. A nô moh cha Hâmutâ châ ta, Libnâ khihpa Zeremiah sawchanô a châ.

2 ABEIZY 24:14

Zerusale khihsaw zydua, beimachâ zydua nata pasaipha zydua siekhei khai ta, sei 10,000 tlai a siekhei ei. Zôthaipa nata syudaihpa zydua chhao a siekhei khai ha ei. Chyhsa dyhchhie chaipazy tah leipa ta cha, râh liata ahy hmah y khao veih ei.

2 ABEIZY 25:11

Khihpi liata siesaipa chyhsazy nata Babylaw bei lâ âmo kho ta â hlâpazy nata zawpi laibâhpazy cha, abei vaituhpazy hyutuhpa Nebuzarâdâ ta sei ta â chhi khai ha ei.

2 THÂTIHZYRONA 36:10

Châhvâ daihti liata, Bei Nebukaneza ta Zerusale lâ chyhsa tuah ta, Abeipa o liata hmobaoh sôhpazy chhaota Bei Zehôkhi cha Babylaw lâ ama siekhei haw. Nebukaneza ta Zehôkhi unawhpa Zedekia cha Zudâh nata Zerusale bei ta a tao.

2 THÂTIHZYRONA 36:20

Zaozi a khôkhâhpazy cha Babylaw lâ a chhi ei ta, Persia khinarâh â duana taihta Bei Nebukaneza nata a sawchapawzy chakaotuhpazy ta ama y lymâ.

ISAI 13:1

He bie he Amôza sawchapawpa Isai ta Babylaw kyh liata aluahna a hmôpa a châ.

ZEREMIAH 27:20

Chazy cha Babylaw bei Nebukaneza ta Zehôki sawchapawpa Zudâh bei Zekôniah nata Zudâh nata Zerusale nôpawpa zydua, Zerusale tawhta Babylaw sei ta â chhi no ei ta a la leipazy a châ.

ZEREMIAH 39:9

Pheisaih hyutuhpa Nebuzarâdâ ta khihpi liata chyhsa a nguapazy, ano lâ a râpazy nata chyhsa hropa zydua cha Babylaw lâ sei ta â chhi khai ha ei.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

MATHAI 1:12

Hezy he Babylaw lâ sei ta a chhipa ama châ tawhta a pihpazy ama châ: Zekôniah cha Salâtia paw châ ta, Salâtia cha Zerubâbe paw a châ.

MATHAI 1:17

Chatanachata chhâ zydua cha, Abarahâ tawhta Dâvi taihta chhâ hrawh hleipalih châ ta, Dâvi tawhta Babylaw lâ sei ta a chhipa ama châna taihta chhâ hrawh hleipalih châ ta, Babylaw lâ sei ta a chhipa ama châ tawhta Mesia pina taihta chhâ hrawh hleipalih a châ.