MALUHREINA 9:6 - Mara Bible RV (BSI)

⁶ Thokha deikua cha athihpa ri vâta pathaih leipa châ ha ei ta, cha noh liata zawpakhô kyhchhi chay thei veih ei. Chavâta cha noh liata Mawsi nata Arawna hmiakô liata a vy ei ta,

MALUHREINA 9:6 ပူးပေါင်းရင်းမြစ်များ

PUASAINA 18:15

Mawsi ta a puhpa hnohta, “Zawpizy he Khazohpa a saohiah awpa ta kei lâ a vypa ama châ.

PUASAINA 18:19

Ei bie nathlie mah y, ryh ei cha raokhei aw. Na hnohta Khazohpa y mawh sy! Zawpi vyuhpa ta Khazohpa hmiakô liata nâ a duah aw chi ta, biepeipazy cha Khazohpa lâ na tlôkhei tyh aw.

PUASAINA 18:26

Âmo chata zawpi cha pachia ei ta, bie rupa maih Mawsi lâ tlôkhei ei ta, bie chynawhpa deikua cha, âmo ta ama pachia lymâ.

THEIHTHAINA 21:11

Athihpa ri yna liata â ngia awpa châ leipa ta, a nô tlyma, a paw tlyma vâta chhao â papuapalei awpa châ vei.

THEIHTHAINA 24:11

Izarei chanô sawchapawpa chata Moh reipachhiepa ta chhie sa ta. Mawsi lâ a chhi ei ta, a nô moh cha Selômi châ ta, ano cha Dânâ chi Dibri sawchanô a châ.

MALUHREINA 15:33

Tho a pakhypa a hmôtuhpazy ta ano cha Mawsi nata Arawna nata zawpizy lâ a vaw chhi ei ta.

MALUHREINA 19:11

“Athihpa ri a hriapa maih noh sari chhôh pathaih leipa a châ aw.

MALUHREINA 19:14

“He he poh o liata athipa ama y tita ryhpa awpa a châ: Poh o liata a ngiapa nata poh o chhôh liata a ypa maih noh sari chhôh pathaih leipa ama châ aw.

MALUHREINA 19:16

Ahy rai lyurâhpa liata zaozi ta thiepa tlyma, pihthi ta a thipa tlyma, chyhsa rupa tlyma, thlâ tlyma a hriapa maih cha, noh sari chhôh pathaih leipa a châ aw.

MALUHREINA 19:18

Chyhsa pathaihpa ta hisaw la aw ta, ti liata ny aw ta, poh o nata hmobaoh zydua chô liata nata a chhôh liata a ypa chyhsazy chô liata a thia aw. Rupa tlyma, thiepa ri tlyma, athihpa ri tlyma, thlâ tlyma a hriapazy chô liata a thia hra aw.

MALUHREINA 27:2

Mawsi nata theihthaipa Eliaza nata beimachâzy nata zawpi zydua hmiakô liata ahmaohna poh o chhikao liata a kei duah ei ta, ama hnohta,

MALUHREINA 27:5

Mawsi ta ama bie cha Abeipa hmiakô liata tlôkhei ta.

MALUHREINA 5:2

“Izarei sawzy chho la, ama hnohta hetana heta reih teh: Phawhpa tlyma, thihniah lohpa tlyma, athihpa vâta tlyma, pathaih leipa zydua riehmo tawhta papua khai awpa a châ.

MALUHREINA 9:7

Mawsi hnohta, “Athihpa ri vâta pathaih leipa châ ha pi ta, châhrasala khazia daihti raopa liata Izarei sawzy hry liata Abeipa lâta hmohlâpa eima hlâ hra awpa cha pakhâpa ta eima y?” tah ei ta.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.