MALUHREINA 8:8 - Mara Bible RV (BSI)

⁸ Chatawhcha viahchao tôh dawpa pô kha, niepa hlâna viahdie dipa sathaw pahlaopa chhaota a chhi aw ei ta, moleina hlâna châta viahchao tôh dawpa pô kha nâ chhi pâ aw.

MALUHREINA 8:8 ပူးပေါင်းရင်းမြစ်များ

PUASAINA 29:1

“Arawna nata a sawchapawzy ta theihthaipa rai hriapa ta eina chakao thei nawpa ei ta, âmo cha pathaisa awpa châ ta, ama chô liata hetana heta na tao awpa a châ. Viahchao tôh dawpa pô kha nata mietaku tôhpa seina hnei leipa pô no la aw chi ta,

PUASAINA 29:3

Chazy cha hrâbyh miakha liata khô aw chi ta, viahchao tôhpa nata mietaku tôhpa pô no chhao chata viahchhâ hrâbyh cha na vaw cheih aw.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

THEIHTHAINA 1:3

“A hmohlâpa cha viahchao hri tawhta raopa hlâna a châ khiahta cha, a chapawpa seina hnei leipa a hlâ awpa a châ. A hmohlâpa cha Abeipa hmiakô liata a pyhpa a châ thei nawpa ta, ahmaohna poh o chhikao thaby liata a hlâ awpa a châ.

THEIHTHAINA 16:3

Arawna cha Su Pathaihpa lâ â ngia tita, moleina hlâna châta viahchao tôh dawpa nata raopa hlâna châta mietaku tôhpa chhaota â ngia awpa a châ.

THEIHTHAINA 2:1

“Chyhsa ta Abeipa lâ niepa hlâna a hlâ tita, viahdie dipa a hlâ awpa a châ. Sathaw bao aw ta, a chô liata deiryh soh aw ta,

THEIHTHAINA 4:14

Moleina hmo ama taopa cha pahnopa a châ khiahta cha, moleina hlâna châta zawpi ta viahchao tôh dawpa ama hlâ awpa châ ta, cha cha ahmaohna poh o tlyhmia liata amâ vaw chhi awpa a châ.

THEIHTHAINA 4:3

moleina a taotuhpa cha sathawthupa theihthaipa a châpa vâta, Izarei phopi chô liata thaileichâna a patlôsa awpa a châ khiahta cha, a moleina chatlai nawpa ta, viahchao tôh dawpa seina hnei leipa cha, moleina hlâna châta Abeipa lâ a hlâ awpa a châ.

THEIHTHAINA 8:2

“Arawna kha a sawchapawzy chhaota a chhi la, chysiazy, sathaw pathaihpa, moleina hlâna viahchao tôhpa, mietaku tôhpa pô no nata viahchhâ thinô pahlao leipa hrâbyh hmo kha cheih la,

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.