MALUHREINA 8:7 - Mara Bible RV (BSI)

⁷ Âmo pathaisa awpa ta, hetana heta ama chô liata na tao aw: Ama chô liata pathaisana ti thia aw chi ta, ama pôhpa hmi zydua a ngyu aw ei ta, ama chysiazy pasu aw ei ta, amâ pathai aw.

MALUHREINA 8:7 ပူးပေါင်းရင်းမြစ်များ

ÂTHAONA 35:2

Chatawhcha Zakaw ta a chhôhkha nata a hnohta a ypa zydua hnohta, “Nama hry liata râh hropa khazohzy kha thy khai u la, a pathai u la, nama chysia a patly teh u.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

HLAZY 51:7

Hisaw ta na pathai la, Ei pathaih aw; Na pasi la, Dâhaw hlâta ei ngyuh via aw.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

ISAI 52:15

Râh hluhpizy cha, A thisaih thiapa ta pathaisa aw ta; Ano vâta beizy hmaomopa ta ama y aw. Rei beih leipa hmozy hmô aw ei ta, Thei beih leipa hmozy ama pahno thai aw.

ZEREMIAH 4:14

Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

THEIHTHAINA 15:27

Ahy rai cha hmozy a hriapa cha pathaih leipa châ aw ta, a chysiazy pasu aw ta, ti liata a ngai a si aw ta, zâlâ taih pathaih leipa a châ aw.

THEIHTHAINA 15:6

Hniah hneipa atyuna liata a tyuhpa cha a chysiazy pasu aw ta, ti liata a ngai a si aw ta, zâlâ taih pathaih leipa a châ aw.

THEIHTHAINA 16:28

Mei ta a raotuhpa cha a chysia pasu aw ta, ti liata a ngai a si aw ta, cha khai tawhta riehmo lâ â di aw.

THEIHTHAINA 8:6

Mawsi ta Arawna nata a sawchapawzy cha a vaw chhi ta, ti ta ama ngai pasi ta.

MALUHREINA 19:13

Athihpa ri a hriapa maih, kheihawhpa chyhsa ri rai châ sala, â pathai vei khiahta cha, Abeipa achhyna byureih a papuapaleipa châ ta, cha chyhsa cha Izarei tawhta chhawh pathlahpa a châ aw. Apathaina ti a chô liata thiapa a châ leipa vâta, pathaih leipa châ ta, a pathaih leina a chô liata a y thlâh ha chypa a châ.

MALUHREINA 31:20

Chysia to, savo ta taopa hmo to, mie hmi ta taopa hmo zydua nata tho ta taopa hmo zydua nama pathaisa khai aw,” tah ta.

MALUHREINA 8:21

Livai pathlazy cha ama moleina tawhta a pathai ei ta, ama chysiazy pasu ei ta, Arawna ta âmo cha chaluahpa hlâna ta Abeipa hmiakô liata hlâ ta, âmo pathaisa nawpa ta Arawna ta chatlaina a taopa ei.

HEBRAI 9:10

Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.

HEBRAI 9:13

Chyhsa pathaih leipazy chô liata mie nata viahchao tôhpazy thisaih nata viahchao zeinô raona paohpazy thiapa hmahta sapa pathaihna taihta a pathaisa thei khiahta cha,

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.