MALUHREINA 6:5 - Mara Bible RV (BSI)

⁵ “Nâzarai châ awpa ta bie â taih chhôh zydua a luh â ngyu awpa châ vei. Abeipa châta â pananona noh â ki hlâlei a pathaih awpa châ ta, a luh sâ â paseih awpa a châ.

MALUHREINA 6:5 ပူးပေါင်းရင်းမြစ်များ

EZEKIA 44:20

“Ama luh amâ papôlô awpa châ leipa ta, ama sâ amâ paseih awpa châ hra vei. Â daih thaipa ta ama sâ amâ ngyu awpa a châ.

MALUHREINA 6:4

Nâzarai a châ chhôh zydua cha kre zôh tawhta a puapa kheihawhpa rai a nie awpa châ leipa ta, kre hmô nata a hyh zy chhao a nie awpa châ vei.

HMOTAOPAZY 18:18

Cha hnôhlâ ta, Pawla cha Kawrini liata bohpi y via ta, cha khai tawhta unawhzy cha reih phapa ta a chhaih ta, cha tawhna chata Suria râh lâ balyh ta sie ta. Priskilâ nata Akuilâ chhao a hnohta sie hra ei ta. Pawla cha a bietai a patlô hapa vâta, Kenkaria khih liata a sâ a ngyu ta.

RYUREITUHPAZY 13:5

Nathlie teh, saw phaoh aw chi ta, saw­chapaw na sa aw. A luh liata sâ rai ngyu awpa châ vei. Hawti cha chhi liata a y no tawhta Khazohpa châta Nâzarai châ aw ta, ano ta Philistinâ mo ku tawhta Izarei pachhana rai a pathao aw,” tah ta.

RYUREITUHPAZY 16:17

Chatanachata a palôh zydua cha chho khai ha ta, a hnohta, “Ei nô chhi liata ei y no tawhta, Khazohpa châta Nâzarai ei châ hapa vâta, ei luh liata sâ ngyuna rai hmâpa châ beih vei. Ei sâ he ngyupa a châ khiahta cha, ei thatlôna heta na puasai aw ta, ei tha vaw chhâ aw ta, chyhsa tyhpa hawhta ei vaw châ ha aw,” tah ta.

RYUREITUHPAZY 16:19

Delilâ ta Sâsawna cha a byh chô liata pamôsa ta, chyhsa pakha aw ta, a luh sâ phiehpa phao saripazy cha pangyusa ta. A rie vaw thei pathao ta, chatanachata Sâsawna cha a thatlôna ta puasai ha ta.

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.