MALUHREINA 6:3 - Mara Bible RV (BSI)

³ kresawhti nata paritheipazy â taih awpa a châ. Kresawhti thaopa nata hmo thaopa tizy a doh awpa châ leipa ta, kre ti a doh awpa châ hra leipa ta, kre thei hrohpa nata chawhpazy a nie awpa châ vei.

MALUHREINA 6:3 ပူးပေါင်းရင်းမြစ်များ

THEIHTHAINA 10:9

“Nâ tlyma, na hnohta a ypa na sawchapawzy tlyma, ahmaohna poh o chhôh lâ namâ ngia tita, kresawhti tlyma, sahma thatlôpa tlyma nama doh awpa châ vei. Chataleipatala nama thi pathlei aw. Cha cha nama chhâ zydua châta chhâzaw ryhpa a châ aw.

AMÔSÂ 2:11

Nama sawchapaw thokha hrohsopazy ta padua ei na ta, Nama thyutlia thokha Nâzarai ta ei padua ei. Hy Izarei sawzy saih u, Cha hawhna tlai chata châ vei ma?” Abeipa ta a tah.

AMÔSÂ 2:12

“Châhrasala Nâzaraizy cha kresawhti padosapa ta, Hrohsopazy biepie ei chi ta, ‘Bie nama phuah awpa châ vei,’ nama tah tyh.

MALUHREINA 6:4

Nâzarai a châ chhôh zydua cha kre zôh tawhta a puapa kheihawhpa rai a nie awpa châ leipa ta, kre hmô nata a hyh zy chhao a nie awpa châ vei.

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

EPHESI 5:18

Kresawhti paripa ta y khah u, parina liata a sohsi leina y tlôh ta, Thlahpa ta biepa ta tlao y teh u.

1 THYSALAWNIKA 5:22

moleina chi to a heihsai teh u.

1 TIMAWTHY 5:23

Ti deita doh khao leipa la, na pavyhpi châta nata na pasa tyhpa vâta, kresawhti chhao a chyhta do tyh mah y.

HEBRAI 9:10

Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.

RYUREITUHPAZY 13:14

Kre zôh tawhta a puapa khâpa hmah a nie awpa châ leipa ta, kresawhti tlyma, sahma patapa tlyma, a do awpa châ hra leipa ta, hmo pathaih leipa khâpa hmah a nie awpa châ vei. Bie ei piepa zydua kha a phapa ta a zyh awpa a châ,” tah ta.

RYUREITUHPAZY 13:4

Chavâta a sohsi teh, kresawhti nata sahma patapa rai doh leipa la, hmo pathaih leipa khâpa hmah na nie awpa châ vei.