MALUHREINA 6:2 - Mara Bible RV (BSI)

² “Izarei sawzy chho la ama hnohta hetana heta reih teh: Chapaw tlyma, chanô tlyma ta Abeipa châta panano eihpa Nâzarai chyhsa châ awpa ta bietai a ipa a tao khiahta cha,

MALUHREINA 6:2 ပူးပေါင်းရင်းမြစ်များ

PUASAINA 33:16

Kei nata na phopi he, na mo dypa ta eima y tahpa kheihta chyhsa ta ama pahno thei aw? Miah ypâ chi ta, eima hnohta na siena liana chata vei ma, kei nata na phopi he alei chô liata phopi hropa zydua nata eimâ nanona cha â lâ aw vei?” tah ta.

BIESOZY 18:1

Ano dei ta a y nanopa cha ano khopa sai a tluapa châ ta, Sona dopa zydua a dyuhpa a châ.

ZEREMIAH 35:6

Châhrasala âmo ta, “Kresawhti doh aw ma pi. Miah pathlatuhpa Rekhâ sawchapawpa Zônadâ ta, ‘Nâmo nata nama sawchapawzy cha chhâzaw ta kresawhti nama do awpa châ vei.

THEIHTHAINA 20:26

Ei châta nama pathaih awpa a châ. Kei, Abeipa he pathaih tlôh na ta, kei eih châ awpa ta, phopizy hry tawhta ei cha panano ei.

THEIHTHAINA 27:2

“Izarei sawzy chho la, ama hnohta hetana heta reih teh: Chyhsa ta Abeipa lâta chyhsapa hlâ awpa ta bie a siapa ta a taih sala, chyhsapa vyuhpa ta â phuhpa ta sôh pie awpa a châ khiahta cha,

MALUHREINA 30:3

“Chanô laihsa ta a paw o liata a y thlâh ha nota, Abeipa liata bietai a tao khiahta tlyma, tao awpa ta anosasyh â chahry khiahta tlyma,

MALUHREINA 6:1

Chatawhcha Abeipa ta Mawsi hnohta,

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

HMOTAOPAZY 18:18

Cha hnôhlâ ta, Pawla cha Kawrini liata bohpi y via ta, cha khai tawhta unawhzy cha reih phapa ta a chhaih ta, cha tawhna chata Suria râh lâ balyh ta sie ta. Priskilâ nata Akuilâ chhao a hnohta sie hra ei ta. Pawla cha a bietai a patlô hapa vâta, Kenkaria khih liata a sâ a ngyu ta.

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

KALATIA 1:15

Châhrasala Khazohpa ta ei nô chhi liata ei y no tawhta na vaw panano ha ta, a ngiachhiena vâta eina aw haw.

HEBRAI 7:27

Ano cha theihthai beichaipa hropazy hawhta, noh chareih ta ano moleinazy châta atheihna hlâ tuapa ta, cha khai tawhta chyhsazy moleina châta atheihna a hlâ chanei ngâ thlâh awpa byuh vei. Anosasyh ta chhâzaw châta ei kha â hlâna liata a pangoh khai haw.

RYUREITUHPAZY 13:14

Kre zôh tawhta a puapa khâpa hmah a nie awpa châ leipa ta, kresawhti tlyma, sahma patapa tlyma, a do awpa châ hra leipa ta, hmo pathaih leipa khâpa hmah a nie awpa châ vei. Bie ei piepa zydua kha a phapa ta a zyh awpa a châ,” tah ta.

RYUREITUHPAZY 13:4

Chavâta a sohsi teh, kresawhti nata sahma patapa rai doh leipa la, hmo pathaih leipa khâpa hmah na nie awpa châ vei.

RYUREITUHPAZY 13:5

Nathlie teh, saw phaoh aw chi ta, saw­chapaw na sa aw. A luh liata sâ rai ngyu awpa châ vei. Hawti cha chhi liata a y no tawhta Khazohpa châta Nâzarai châ aw ta, ano ta Philistinâ mo ku tawhta Izarei pachhana rai a pathao aw,” tah ta.

RYUREITUHPAZY 16:17

Chatanachata a palôh zydua cha chho khai ha ta, a hnohta, “Ei nô chhi liata ei y no tawhta, Khazohpa châta Nâzarai ei châ hapa vâta, ei luh liata sâ ngyuna rai hmâpa châ beih vei. Ei sâ he ngyupa a châ khiahta cha, ei thatlôna heta na puasai aw ta, ei tha vaw chhâ aw ta, chyhsa tyhpa hawhta ei vaw châ ha aw,” tah ta.

1 SAMUELA 1:28

Chavâta kei chhao ta hawtipa he Abeipa lâ ei hlâ lilaw haw. A hro chhôh zydua châta Abeipa lâ hlâ hapa a châ,” tah ta. Chatanachata hawtipa cha, cha liata Abeipa a chhypa ta y ha ta.