MALUHREINA 5:9 - Mara Bible RV (BSI)

⁹ Theihthaipa lâta ama cheipa Izarei sawzy hmohlâpa pathaihpa zydua cha theihthaipa eih a châ aw.

MALUHREINA 5:9 ပူးပေါင်းရင်းမြစ်များ

PUASAINA 29:28

A phei cha Arawna nata a sawchapawzy ta Izarei sawzy tawhta chhâzaw ta ama to awpa a châ. Cha cha chalopa hlâna a châ. Aryhna hlâna atheihnazy tawhta Izarei sawzy ta ama hlâ awpa chalopa hlâna châ ta, Abeipa lâta ama hmohlâpa a châ aw.

THEIHTHAINA 10:13

Abeipa lâta mei ta hmohlâpa tawhta nâ nata na sawchapawzy tovyuh a châpa vâta, su pathaihpa liata nama nie awpa a châ. Cha hawhta tao awpa ta biepiepa ei châ.

THEIHTHAINA 10:14

A palôh chaluahpa nata a phei chachâh lâ chalopa cha, nâ nata na hnohta a ypa na sawchapawzy nata sawchanôzy ta su pathaihpa liata nama nie aw. Cha cha Izarei sawzy châta aryhna hlâna atheihnazy tawhta, nâ nata na sawzy tovyuh châta raopazy a châ.

THEIHTHAINA 10:15

A phei chalo awpa nata a palôh chaluah awpazy cha, chaluahpa hlâna châta Abeipa hmiakô liata chaluahpa a châ thei nawpa ta, mei ta hlâ awpa a thawzy chhaota ama vaw cheih aw. Abeipa biepiepa hawhta, cha cha nâ nata na sawchapawzy châta chhâzaw ta nama tovyuh a châ aw,” tah ta.

THEIHTHAINA 6:26

Moleina hlâna châta a hlâtuhpa theihthaipa ta nie aw ta, ahmaohna poh o dôhpachhôh tlyhmia su pathaihpa liata nie awpa a châ.

THEIHTHAINA 7:32

Aryhna hlâna atheihna sa phei chachâh lâ cha, chalopa hlâna châta theihthaipa nama pie awpa a châ.

THEIHTHAINA 7:34

Izarei sawzy aryhna hlâna atheihna sazy tawhta a palôh chaluahpazy nata a phei chalopazy la na ta, theihthaipa Arawna nata a sawchapawzy hnohta ei pie. Cha cha Izarei sawzy tawhta chhâzaw ta ama tovyuh a châ aw,” tah ta.

MALUHREINA 18:19

Izarei sawzy ta chalopa hlâna ta Abeipa lâta ama hlâpa hmo pathaihpa zydua cha, nâ nata na sawchapawzy nata na sawchanôzy hnohta chhâzaw ta nama tovyuh châta ei cha pie ei. Cha cha nâ nata na hnohta a ypa na sawchapawzy nata na sawchanôzy châta, Abeipa hmiakô liata chhâzaw alôh biehrai a châ aw,” tah ta.

MALUHREINA 31:41

Abeipa ta Mawsi bie a piepa hawhta, Abeipa châta thyupa râhpaw cha, Mawsi ta theihthaipa Eliaza hnohta a pie.

MALUHREINA 5:8

Hmo paraona ty thô awpa chyhsa cha thi ha sala, a ryu a to awpa ama y vei khiahta deikua cha, moleina ty thôna sôh cha Abeipa eih châ aw ta, a molei chatlaina taona mietaku tôhpa chhaota theihthaipa hnohta a pie aw.

RYHPACHANEINA 12:26

Nama hlâ awpa hmo pathaihpazy nata pie awpa ta bie namâ taihpazy deikua cha cheih aw chi ta, Abeipa ta su a rao awpa lâ nama sie aw.