MALUHREINA 5:18 - Mara Bible RV (BSI)

¹⁸ Theihthaipa ta chanô cha Abeipa hmiakô liata paduasa aw ta, a sâ pathliahsa aw ta, atheithlâhna niepa hlâna cha a ku liata a chabasa aw. Cha cha hiatliana niepa hlâna châ ta, theihthaipa ta chhiesana a patlôsapa ti khapa a ku liata â chaba aw.

MALUHREINA 5:18 ပူးပေါင်းရင်းမြစ်များ

BIESOZY 5:4

Achhâna lâ deikua cha hmo khapa hawhta kha ta, Zaozi hâh nopa hawhta a châ.

BIECHHOTUHPA 7:26

Chatanachata thina hlâta a kha viapa ei hmô haw: Cha cha khoheih palôh nata sao palôh a phaohpa chanô châ ta, a ku keihrai ta a hmâhpa chanô a châ. Khazohpa a palysapa cha, cha chanô tawhta a boh aw ta, moleipa deikua cha a patu aw.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

THEIHTHAINA 13:45

“Phawhpa hri a ohpa cha chysia a hriepa a ky aw ta, a sâ pathliah aw ta, a hmao chô lâ khu aw ta, ‘Pathaih leipa, pathaih leipa,’ tahpa ta a awh awpa a châ.

MALUHREINA 5:15

a lapinô cha theihthaipa hnohta a chhi aw ta, a lapinô châta hmo hlâ awpa bâli sâh kachu su hrawh su kha a cheipa aw. Hiatliana niepa hlâna châ ta, paraona atheithlâhna niepa hlâna a châpa vâta, bâli sâh cha sathaw a bao awpa châ leipa ta, deiryh chhao a chô liata a soh awpa châ vei.

MALUHREINA 5:17

Theihthaipa ta alei beih chhôh liata ti pathaihpa ryh aw ta, achhyna byureih siphiah liata buchadoh la aw ta, ti liata a mia aw.

MALUHREINA 5:19

Chatawhcha theihthaipa ta chanô cha bie pataihsa aw ta, a hnohta, ‘Nâ vahpa ry liata na y thlâh ha nota chapaw hropa ahy hmahta ama châ ziakhei leipa khiahta nata pathaih leipa ta na y leipa khiahta cha, he ti khapa, chhiesana a patlôsapa heta na chô liata biehnei aw vei.

MALUHREINA 5:22

He chhiesana a patlôsapa ti he na py chhôh lâ a ngia sala, na py pathlohsapa ta, na byhpi a pazaohsa mawh sy,’ tah aw ta, chanô ta, ‘Amen, Amen,’ a tah aw.

1 KAWRINI 11:15

Chanô châta deikua cha, a sâ â paseih khiahta cha, a rônahna a châ. A sâ cha â khu awpa ta piepa châ tlôh ta.

1 KAWRINI 11:6

Chanô cha a luh â khu khoh leipa khiahta cha, a sâ ngyu lâlao mawh sy. Châhrasala chanô châta sâ ngyupa nata luh pôlôpa cha nozachhihpa a châpa vâta, a luh a khu mawh sy.

RYHPACHANEINA 29:18

A vaih teh u, chataleipatala nama hry liata chapaw tlyma, chanô tlyma, pho tlyma, chi tlyma, tanoh Abeipa eima Khazohpa tawhta ama palôh tleisaipa ta, cha phopizy a chhypa khazohzy cha ngaipa ta chakao aw ei ta, nama hry liata châmaih khapa thari a thla pathlei aw.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

1 SAMUELA 15:32

Samuela ta, “Amale bei Akâ kha kei lâ a vaw chhi teh u,” tah ta. Akâ cha ano lâta thathyu kawpa ta vawh ta. “Thina chichhihpa ei khôkhâh ha thlyu aw hih,” tahpa ta pachâ ta.