MALUHREINA 3:8 - Mara Bible RV (BSI)

⁸ Ahmaohna poh o hmobaoh zydua a vao aw ei ta, achhyna byureih chakaona rai hriapa ta Izarei sawzy ama mohôh aw.

MALUHREINA 3:8 ပူးပေါင်းရင်းမြစ်များ

1 THÂTIHZYRONA 23:27

Dâvi biepiepa hnôhchaipa hawhta, kô kih tawhta chô lâ Livai pathla maluh cha reipa a châ.

2 THÂTIHZYRONA 29:11

Ei saw saih u, diathlâpa ta y khuh vy. Abeipa ta a hmiakô liata a duah ta, ano chakao ta, ano châta chakaotuhpazy châpa ta, atheihnazy hlâ awpa ta a châ tlyh ei hih,” tah ta.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

MALUHREINA 10:17

Cha khai tawhta achhyna byureih phie ei ta, Kesao sawchapawzy nata Merâri sawchapawzy ta achhyna byureih cha a sy ei ta, ama sie.

MALUHREINA 10:21

Chatawhcha Kôhâ pathlazy ta hmobaoh pathaihpazy a sypa ta pua ei ta, zawpi ama tlô hlâta achhyna byureih cha padua khaipa a châ.

MALUHREINA 3:7

Âmo ta theihthaipa Arawna nata zawpi zydua chakaona rai ahmaohna poh o hmiakô liata hria aw ei ta, achhyna byureih chakaona rai ama hria aw.

MALUHREINA 3:9

Livai pathlazy cha Arawna nata a sawchapawzy hnohta na pie aw ei. Âmo cha Izarei sawzy hry tawhta Arawna hnohta pie khaipa ama châ.

MALUHREINA 31:30

Izarei sawzy ta khophie ama topa tawhta, sypangawh liata miakha lymâ ta, chyhsapazy, viahchaozy, alâzy, mietakuzy, miezy nata sahroh zydua khei aw ei chi ta, Abeipa achhyna byureih mohôhtuhpa Livai chizy nama pie aw,” tah ta.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

MALUHREINA 4:28

Chazy cha ahmaohna poh o liata Kesao chi nata phozy chakaona rai hria awpa châ ta, theihthaipa Arawna sawchapawpa Ithamâ chhihthana ry liata ama hria aw.

MALUHREINA 4:33

Chazy cha ahmaohna poh o liata Merâri chi nata phozy chakaona rai hria awpa châ ta, theihthaipa Arawna sawchapawpa Ithamâ chhihthana ry liata ama hria aw,” tah ta.