MALUHREINA 3:7 - Mara Bible RV (BSI)

⁷ Âmo ta theihthaipa Arawna nata zawpi zydua chakaona rai ahmaohna poh o hmiakô liata hria aw ei ta, achhyna byureih chakaona rai ama hria aw.

MALUHREINA 3:7 ပူးပေါင်းရင်းမြစ်များ

1 THÂTIHZYRONA 26:20

Livai pathla Ahiza cha Khazohpa sôh sopakhyna o nata hmo pathaihpa sopakhyna o vaituhpa a châ.

1 THÂTIHZYRONA 26:22

Zehieli sawchapawzy cha Zethâ nata a unawhpa Zôela châ ei ta, âmo cha Abeipa o liata sôh sopakhynazy a vaotuhpa ama châ.

1 THÂTIHZYRONA 26:26

Selômô nata a unawhzy cha Bei Dâvi, pho pawhrâhpazy, pheisaih sâh kha hyutuhpazy, pheisaih za kha hyutuhpazy nata pheisaih hyutuh chaipazy ta ama hlâpa, hmohlâpa pathaihpa sopakhyna zydua avaotuhpa ama châ.

THEIHTHAINA 8:35

Ahmaohna poh o chhikao liata noh sari chhôh chhô nah zâ ta y aw ei chi ta, nama thi lei nawpa ta, Abeipa biepiepa cha nama zyh awpa a châ. Cha cha ei hnohta biepiepa a châ,” tah ta.

MALUHREINA 1:50

Livai pathlazy cha Biehrai byureih mohôhtuhpa nata a hmobaoh zydua nata cha liata hmo a ypa zydua a mohôhtuhpa ta na rao awpa ei a châ. Achhyna byureih nata a hmobaoh zydua a sy tyh aw ei ta, mohôh aw ei ta, achhyna byureih kiapâh liata a rie aw ei ta, ama ypâ tyh aw.

MALUHREINA 1:53

Livai pathlazy deikua cha, Izarei zawpi chô liata hiehâhna a vaw tlô lei nawpa ta, Biehrai byureih chheipâh liata ama poh o ama rai aw. Livai pathlazy cha Biehrai byureih mohôhtuhpa ama châ aw,” tahpa ta a rei hapa vâta a châ.

MALUHREINA 3:32

Theihthaipa Arawna sawchapawpa Eliaza cha Livai chi hyutuhpazy hyutuhpa châ aw ta, supathaihpa mohôhtuhpazy mohôhtuhpa a châ aw.

MALUHREINA 3:8

Ahmaohna poh o hmobaoh zydua a vao aw ei ta, achhyna byureih chakaona rai hriapa ta Izarei sawzy ama mohôh aw.

MALUHREINA 31:30

Izarei sawzy ta khophie ama topa tawhta, sypangawh liata miakha lymâ ta, chyhsapazy, viahchaozy, alâzy, mietakuzy, miezy nata sahroh zydua khei aw ei chi ta, Abeipa achhyna byureih mohôhtuhpa Livai chizy nama pie aw,” tah ta.

MALUHREINA 8:11

Arawna ta Livai pathlazy cha, Izarei sawzy tawhta chaluahpa hlâna ta Abeipa hmiakô liata hlâ aw ta, chatanachata Abeipa chakaona rai ama hria thei aw.

MALUHREINA 8:15

Âmo cha pathaisapa ta chaluahpa hlâna ta na chaluah khai tawh ei ta, Livai pathlazy cha chakaona rai hria awpa ta ahmaohna poh o liata amâ ngia aw.