MALUHREINA 3:41 - Mara Bible RV (BSI)

⁴¹ Izarei pathla sawchapaw uhtheipazy vyuhpa ta Livai pathlazy na lapa aw chi ta, Izarei sawzy sahroh pataw tuapazy vyuhpa ta Livai sahrohzy eina lapa aw chi. Kei he Abeipa ei châ,” tah ta.

MALUHREINA 3:41 ပူးပေါင်းရင်းမြစ်များ

MALUHREINA 18:15

Chhi a pahypa, chyhsapa chhao, sahroh chhao, Abeipa lâta ama hlâpa maih nâ eih a châ aw. Chyhsapa sawchapaw uhtheipa deikua chatlai aw chi ta, sahroh pathaih leipa a pataw tua chaipa chhao na chatlai aw.

MALUHREINA 3:12

“Pachâ teh, Livai pathlazy cha Izarei sawzy hry liata chhi a pahy tuapa sawchapaw uhtheipazy vyuhpa ta Izarei sawzy tawhta ei lapazy ama châ. Chavâta Livai pathlazy cha kei eih ama châ aw.

MALUHREINA 3:13

Sawchapaw uhtheipa zydua cha kei eih ama châ. Izi râh liata sawchapaw uhtheipa zydua ei thie khai nona khata, Izarei sawzy hry liata sawchapaw uhtheipazy deikua cha, chyhsapa chhao sahroh chhao, ei châta ei pathaisa ei. Chavâta kei eih ama châ aw. Kei he Abeipa ei châ,” tah ta.

MALUHREINA 3:42

Mawsi ta Abeipa biepiepa hawhta Izarei sawzy hry liata sawchapaw uhtheipa zydua reih ta.

MALUHREINA 3:45

“Izarei pathla sawchapaw uhtheipazy vyuhpa ta Livai pathlazy la la, ama sahroh vyuhpa ta Livai pathlazy sahroh la mah y. Livai pathlazy cha kei eih ama châ aw. Kei he Abeipa ei châ.

MALUHREINA 8:16

Âmo cha Izarei sawzy hry tawhta kei lâta tlokhuh hlâpa châ ei ta, chhi a pahypa, Izarei pathlazy sawchapaw uhtheipa zydua vyuhpa ta kei eih châ awpa ta ei la ei.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

1 TIMAWTHY 2:6

Krista Zisu cha chyhsa zydua chatlai nawpa ta anosasyh ta a pie ta, a daihtita liata chatlaina bie a phuah haw.