MALUHREINA 3:13 - Mara Bible RV (BSI)

¹³ Sawchapaw uhtheipa zydua cha kei eih ama châ. Izi râh liata sawchapaw uhtheipa zydua ei thie khai nona khata, Izarei sawzy hry liata sawchapaw uhtheipazy deikua cha, chyhsapa chhao sahroh chhao, ei châta ei pathaisa ei. Chavâta kei eih ama châ aw. Kei he Abeipa ei châ,” tah ta.

MALUHREINA 3:13 ပူးပေါင်းရင်းမြစ်များ

NEHEMIAH 10:36

Ryhpa liata ropa hawhta, eima sawchapaw uhtheipazy, eima sahroh a pataw tuapazy, eima viahchao hri nata mietaku zaw hry ta a pataw tuapazy cha, eima Khazohpa o liata chakaotuhpa theihthaipazy pie awpa ta, eima Khazohpa o lâ eimâ chhi tyh aw.

PUASAINA 13:12

chhi a pahy tuapa maih cha Abeipa châta nama panano lymâ awpa a châ. Nama sahroh a pataw tuapa a chapawpa maih cha Abeipa châta a châ aw.

PUASAINA 13:15

Phiraoh ta palôh lai kawpa ta eima sie awpa a pasai lei no kha, Abeipa ta Izi râh liata sawchapaw uhtheipa zydua, chyhsapa sawchapaw uhtheipa nata sahroh chapawpa a pataw tuapa maih a thie khai ha ei. Chavâta a chapawpa chhi a pahy tuapa zydua cha Abeipa lâta atheihna ta hlâ pi ta, eima sawchapaw uhtheipa zydua deikua cha eima chatlai,’ nama tah aw.

PUASAINA 13:2

“Sawtuapa zydua kei châta na panano awpa a châ. Izarei sawzy hry liata chhi a pahy tuapa sawchapaw uhtheipa nata sahroh chapawpa a pataw tua chaipa maih kei eih a châ,” tah ta.

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 34:19

Chhi a pahy tua chaipa maih keima eih a châ. Na sahroh a pataw tuapa a chapawpa zydua, viahchao chhao, mietaku chhao, kei eih a châ khai.

EZEKIA 44:30

Thei hmiatuapazy hry liata a pha chaipa maih nata nama hmohlâpa to tawhta a pha chaipa maih cha theihthaipazy tovyuh a châ aw. Nama o liata byhnâ a y lymâ thei nawpa ta, viahdie pahlypa pha chaipa cha theihthaipazy hnohta nama pie awpa a châ.

THEIHTHAINA 27:26

“Sahroh a pataw tuapa deikua cha, Abeipa eih a châ chhielie hapa vâta, chyhsa ta a hlâ awpa châ vei. Viahchao tôhpa tlyma, mietaku tlyma, a pataw tuapa maih cha Abeipa eih a châ.

MALUHREINA 18:15

Chhi a pahypa, chyhsapa chhao, sahroh chhao, Abeipa lâta ama hlâpa maih nâ eih a châ aw. Chyhsapa sawchapaw uhtheipa deikua chatlai aw chi ta, sahroh pathaih leipa a pataw tua chaipa chhao na chatlai aw.

MALUHREINA 18:6

Pachâ teh u, kei tlai ta nama unawhpa Livai pathlazy cha Izarei sawzy hry tawhta a tlyh ei na ta, ahmaohna poh o liata chakaona rai hria awpa ta, âmo cha Khazohpa lâta hmosaipiepa châta nama hnohta ei cha pie ei.

MALUHREINA 3:41

Izarei pathla sawchapaw uhtheipazy vyuhpa ta Livai pathlazy na lapa aw chi ta, Izarei sawzy sahroh pataw tuapazy vyuhpa ta Livai sahrohzy eina lapa aw chi. Kei he Abeipa ei châ,” tah ta.

MALUHREINA 33:4

Izi mo ta Abeipa ta ama sawchapaw uhtheipa a thie khai hapazy ama pabu hai nota, Izarei sawzy cha pua ei ta. Abeipa ta Izi mo khazohzy chô liata chhao hriena a patlôsa ha hra.

LUKA 2:23

He he Abeipa ryhpa bie liata, “Chapaw saw chhi a pahy tuapa maih cha, Abeipa châta pathaihpa bipa a châ aw,” tahpa ta ropa hawhta tao ei ta,

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.