MALUHREINA 26:3 - Mara Bible RV (BSI)

³ Mawsi nata theihthaipa Eliaza ta Zerikô dady ta a ypa Zawdâh kiah liata Môabâ bypi liata Izarei sawzy cha bie chho ei ta, ama hnohta,

MALUHREINA 26:3 ပူးပေါင်းရင်းမြစ်များ

MALUHREINA 22:1

Izarei sawzy cha sie lymâ ei ta, Zawdâh khô lâ Zerikô dady liata Môabâ bypizy liata riehmo paryh ei ta.

MALUHREINA 26:4

“Abeipa ta Mawsi bie a piepa hawhta, kô kih tawhta chô lâ zydua maluh reih teh u,” tah ei ta. Hezy he Izi râh tawhta a kaw puapa Izarei sawzy ama châ.

MALUHREINA 26:63

Chazy cha Mawsi nata theihthaipa Eliaza rei theipa maluhzy châ ei ta, chazy cha Zerikô dady Zawdâh chavah kiah Môabâ bypi liata ama reipazy ama châ.

MALUHREINA 31:12

Seizy, sahrohzy nata hraopazy cha, Zerikô dady Zawdâh kiapâh ta Môabâ bypi riehmo liata a ypa Mawsi nata theihthaipa Eliaza nata Izarei zawpizy lâ vaw tlô khei ei ta.

MALUHREINA 33:48

Abari tlâhzy tawhta pua ei ta, Zerikô dady Zawdâh kiah liata Môabâ bypi liata riehmo paryh ei ta,

MALUHREINA 35:1

Zerikô dady Zawdâh kiapâh Môabâ bypi liata Abeipa ta Mawsi bie a chho ta, a hnohta,

RYHPACHANEINA 34:1

Mawsi cha Môabâ bypi tawhta Zerikô dady Nebô Tlâh liata Piskâ tlâh laki lâ khy ta. Abeipa ta râh zydua pamosa ta, Kilia tawhta Dânâ taih,

RYHPACHANEINA 34:6

Bepeô dady Môabâ râh saikao liata ama pabu. Châhrasala a thlâ yna cha ahy hmahta tanoh taihta pahno veih ei.

RYHPACHANEINA 34:8

Izarei sawzy ta Mawsi cha Môabâ bypi liata noh sythôh chakhei ei ta. Mawsi chakheipa ta ama mâchhiesana nohzy cha chhâ ta.