MALUHREINA 24:1 - Mara Bible RV (BSI)

¹ Izarei châta byhnâ awpa cha Abeipa a palysa tahpa Bâlâma ta a pahno nahta, a noh hro ta a tao tyhpa hawhta pachao awpa ta sie khao leipa ta, râhchawhpa lâ tlao a pangai haw.

MALUHREINA 24:1 ပူးပေါင်းရင်းမြစ်များ

MALUHREINA 22:13

Bâlâma cha my ta thyu ta, Bâlâka beimachâzy hnohta, “Nama râh lâ a lie teh u. Nama hnohta ei sie awpa Abeipa ta pasaih vei,” tah ta.

MALUHREINA 22:7

Môabâ machâzy nata Midia machâzy cha pachaona ty a cheipa ta pua ei ta. Bâlâma kô ama tlô nahta, Bâlâka bietapa cha chho ei ta.

MALUHREINA 23:15

Bâlâma ta Bâlâka hnohta, “Hao liata Abeipa bie ei kei chho chhôh ta, raopa hlâna kiapâh liana heta a vaw duah thlâh ha mah y,” tah ta.

MALUHREINA 23:20

Pachâ teh, Byhnâ aw awpa ta biepiepa ei dao; Byhnâ awpa ha ta, Panano thei khao va na.

MALUHREINA 23:23

Dyuthaina ta Zakaw tiah leipa aw ta, Pachaona ta Izarei hria thei aw vei; Zakaw nata Izarei thâtih rei tita, Khazohpa hmotaopa kyh reih tyhpa a châ aw.

MALUHREINA 23:28

Chatanachata Bâlâka ta Bâlâma cha râhchawhpa lâ a heihpa Peô tlâh laki lâ a chhi ta.

MALUHREINA 23:3

Bâlâma ta Bâlâka hnohta, “Raopa hlâna na hlâpa kiapâh liata a vaw duah la, kei deikua cha ânano ta kei y na ta, Abeipa a vy aw ta, einâ vaw tyh ngyu aw. Eina pahmôsapa maih ei cha chho aw,” tah ta. Chatanachata tlâh laki lâ khy ta.

MALUHREINA 23:30

Bâlâka ta Bâlâma reipa hawhta tao ta, maisâh to liata viahchao tôhpa pô kha nata mietaku tôhpa pô kha lymâ hlâ ta.

MALUHREINA 31:16

Pachâ teh u, âmo kha Bâlâma ryhraona ta Peô liata Izarei sawzy Abeipa chô liata paraona a pataosatuhpazy châ ei ta, âmo vâta Abeipa chyhsazy chô liata potlana a vaw tlôpa kha.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.

1 SAMUELA 24:20

Pachâ teh, abei châ tlai aw chi ta, Izarei khinarâh cha nâma ku liata paduapa a châ aw tahpa tahmâ ei pahno haw.

1 SAMUELA 26:2

Sawla cha thyu ta, Izarei pheisaih pha chaipa sâh thôh a chhipa ta, Dâvi tlua awpa ta Ziphi râhchawhpa lâ zu ta.

1 SAMUELA 26:25

Sawla ta Dâvi hnohta, “Ei sawchapawpa Dâvi y, vânoh topa ta y mah y! Hmo hluhpi tao aw chi ta, na hlao a tloh lymâ aw,” tah ta. Chatawhcha Dâvi cha ano lâpi lâ sie ta, Sawla chhao a yna su lâ a lie ha hra ta.