MALUHREINA 22:6 - Mara Bible RV (BSI)

⁶ Ngiachhiepa ta a vy la, he chyhsazy he chhie na vaw sapa mah y. Kei châta ama tha a tlô tu haw. Chatanachata âmo cha pahnie thei aw ei na ta, he râh tawhta ei papua thei ngyu aw ei. Byhnâ na awpa maih byhnâ to ei ta, chhie na sapa maih chhiesapa ta ama y tyh tahpa ei pahno,” tah ta.

MALUHREINA 22:6 ပူးပေါင်းရင်းမြစ်များ

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 27:29

Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

1 ABEIZY 22:13

Mikai aw awpa ta lyuhchâpa ama tuapa ta Mikai hnohta, “Pachâ teh, hrohsopazy ta reih kha tlapa ta abei khozie ta bie reih khai ei ta, nâma bie chhao âmo bie nata palyupa ta, abei khozie ta kei reih hra mah y,” tah ta.

1 ABEIZY 22:6

Izarei bei ta hrohsopa za palih rachhôh awpakhy ta, ama hnohta, “Ramôkilia khihpi a dyuh awpa ta ei sie aw ma, ei chalih aw?” tah ta. Âmo ta, “A kaw dyuh teh, Abeipa ta Ramôkilia khihpi cha abei ku liata a pie aw,” tah ei ta,

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

NEHEMIAH 13:2

Izarei sawzy Izi râh tawhta ama kaw pua nona khata, viahchhâ nata ti zy ta vaw dy leipa ei ta, Izarei sawzy chô liata Bâlâma chhie ama pasasapa vâta a châ. Châhrasala eima Khazohpa ta ama chhiesana cha byhnâ ta tlao a pachâsa haw.

HLAZY 109:28

Âmo cha chhiesatuhpa châ ei sala, Nâ deikua cha byhnâ pietuhpa châ mah y! Ama thyu tita maophyuhpa ta y ei sala, Châ chakaotuhpa deikua cha thaphapa ta y mawh sy!

BIESOZY 26:2

Boby a viapa hawhta nata siviah â zawpa hawhta, A chhâpa y leipa ta chhiesapa cha a pai aw.

EZEKIA 13:6

Aluahna doleipa hmô ei ta, haipa ta ama pachaopadâh tyh. Abeipa ta a tuah leipa ei tlai ta, ‘Abeipa ta a phuah,’ tah ei ta, ama bie cha Abeipa ta a vaw patlôsa awpa ama hnabeiseih.

MIKÂ 6:5

Hy ei phopi, Môabâ bei Bâlâka ta Nama chô liata tao â chhuahpazy kha a thei u la, Beô sawchapawpa Bâlâma ta  chhynazy chhao kha a thei teh u; Siti tawhta Kilkal taihta Hmo tlôpazy kha a thei teh u; Chatanachata Abeipa ta Siana ta hmo a taopazy nama pahno thei aw.”

MALUHREINA 22:12

Khazohpa ta Bâlâma hnohta, “Ama hnohta na sie awpa châ leipa ta, cha phopi cha chhie na sapa awpa châ hra vei. Âmo cha byhnâ a topa ama châ,” tah ta.

MALUHREINA 22:17

Chyhsa rônah ngaitapa ta cha tao aw na ta, ei hnohta na reipa maih ei tao aw. Chavâta a vy tlai la, he phopi he chhie na sapa mah y,’ a tah,” tah ei ta.

MALUHREINA 23:13

Bâlâka ta a hnohta, “Ngiachhiepa ta su hro lâ na vaw zi heih teh. Cha su tawhta na hmô thei aw ei. A rakhapa ta hmô aw chi ta, ama zydua ta deikua hmô aw va chi. Cha su tawhta âmo cha chhie na sapa mah y,” tah ta.

MALUHREINA 23:27

Bâlâka ta Bâlâma hnohta, “A vy teh, su hro lâ ei châ chhi aw. Cha su chhâ ta cha Khazohpa palôh patlâh thei ngyu aw ta, cha tawhna chata âmo cha chhie eina sapa thei ngyu aw chi,” tah ta.

MALUHREINA 24:9

Chakeibarôhneipa tôhpa hawhta a byu ta, Chakeibarôhneipa panô hawhta â zia; Ahy a pathyu ngâh aw? Byhnâ châ awpatuhpa cha byhnâ to sala, Chhie châ sapatuhpa cha chhiesapa châ mawh sy,” tah ta.

HMOTAOPAZY 16:16

Thlahchhâna su lâ eima sie nota, sei laihsa pakha ta miah a vaw tyh ta. Ano cha pachaothaina thlahpa a hneipa châ ta, pachaona bie a reipazy tawhta a zibeipa châta sôh hluhpi a hmô tyhpa a châ.

RYHPACHANEINA 23:4

Izi râh tawhta nama kaw pua nota, viahchhâ nata ti ta ama cha dy leipa vâta nata chhie cha sapa awpa ta Mesôpôtamia râh Pethô khih liata Beô sawchapawpa Bâlâma ama hruapa vâta, Abeipa pakhypi liata amâ hlao awpa châ vei.

ZAWSUA 24:9

Zipô sawchapawpa Môabâ bei Bâlâka vaw thyu ta, Izarei cha a vaw dyuh ta, chhie cha sapa awpa ta Beô sawchapawpa Bâlâma hnohta chyhsa tuah ta, a paawsa.

1 SAMUELA 17:43

Philistinâ chyhsa ta Dâvi hnohta, “I ma ei châ, chôchahrei ta ei nâ vyhnao chi?” tah ta. Philistinâ chyhsa ta a khazohzy moh reipa ta Dâvi chô liata chhiesa ta.