MALUHREINA 21:9 - Mara Bible RV (BSI)

⁹ Cha hawhna chata Mawsi ta dawh parih tao ta, atôh liata chaluah ta. Parih pachupa maihta dawh parih cha ama moh nahta, hroh lymâ ei ta.

MALUHREINA 21:9 ပူးပေါင်းရင်းမြစ်များ

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

ZAWHÂNA 6:40

He he ei Paw khopa cha a châ, ahy rai Sawchapawpa hmô ta a ngiapâpa maih cha chhâzaw hrona hnei aw ei ta, noh chhâna noh liata ei pathyu aw ei,” tah ta.

2 ABEIZY 18:4

Su sâhpazy parao ta, lôbôzy pacho ta, Aseri tôhzy a chhawh pachhô khai haw. Mawsi ta dawh parih a taopa chhao kha a pakeichheih khai haw, cha daihti taihta Izarei sawzy ta Nehustâ ama tahpa dawh parih lâ cha atheihnazy ama hlâ thlâh ha chypa vâta.

ZAWHÂNA 12:32

Kei he alei tawhta chaluahpa ei châ tita, chyhsa zydua kei lâta ei sy aw ei,” tah ta.

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!