2 Chatawhcha Izarei ta Abeipa lâta bietai tao ta, “He phopi he ei ku liata eina pie khiah chi ta cha, ama khihpizy tlokhuh ei pahleipadia khai aw,” tah ta.
cha khihpi liata a pahrâpazy cha zaozi ta nama thie thlyu awpa châ ta, khihpi chhôh liata a ypa zydua nata sahroh zydua zaozi ta nama pahleipadia khai awpa a châ.
Hraona sôh zydua khihpi tlyliah khophie liata pahmaoh aw ei chi ta, khihpi nata hraona sôh zydua cha Abeipa nama Khazohpa lâta raopa hlâna ta tlokhuh mei ta nama rao khai aw. Cha khihpi cha chhâzaw ta lei byuhpa ta y aw ta, sa pathi heihpa châ khao aw vei.
Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.
Khihpi he a chhôh liata a ypa zydua chhaota Abeipa lâ hlâ ta, parao khai awpa a châ. Âzuahnô Rahâbi deikua cha, eima tuapa lyuhchâpazy a vaw nyupa vâta, ano nata a o liata a ypa zydua pahlôh awpa a châ.
Cha daihti liata, Zawsua ta zawpi cha chhie sakhâh ta, “Thyu ta, he Zerikô khihpi a paduapathipa maih cha Abeipa hmiakô liata chhiesapa ta y mawh sy. “A sawchapaw uhtheipa hrona ta Khihpi abôna lô bô sala, A sawchapaw seihnaipa hrona ta A chhikaozy padua mawh sy,” tah ta.
Abeipa lâta bietai miakha tao ta, a hnohta, “Hy Pheisaihzy Abeipa, na seichanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.