MALUHREINA 2:2 - Mara Bible RV (BSI)

² “Izarei sawzy ta ama chhôhkha ngiana poh chaluah chyupa ta, ahmaohna poh o nata a hnia tu leipa ta ahmaohna poh o chadôpa ta, a py py ta ama poh o ama rai aw.

MALUHREINA 2:2 ပူးပေါင်းရင်းမြစ်များ

HLAZY 74:4

Na phopi apakhyna liata na khakhaipazy rahao ei ta, Âmo ngianazy ama taw thlu.

HLAZY 76:11

Abeipa nama Khazohpa liata biezy a taih u la, Nama bietaizy cha patlô muh vy; Chi awpa lâna chata a chheipâh râhzy ta, Hmosaipiepazy vaw cheih mawh ei sy.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 18:3

Khizaw chyhsa zydua saih u, Alei chô liata a pahrâpa zydua saih u, Tlâhpizy liata ngiana poh ama chaluah tita moh u la, Chiahmie ama tô tita nathlie muh vy!

EZEKIA 43:7

Ei hnohta, “Chyhsa sawchapawpa y, he su he ei beidyuchhai y nawpa nata ei pheipazah tly nawpa su châ ta, Izarei sawzy hry liata chhâzaw ta ei pahrâ nawpa su a châ hih. Chatanachata ei moh pathaihpa cha, Izarei pathlazy ta papuapalei khao aw veih ei. Âmo nata ama beizy ta ama sihryhna ta papuapalei khao leipa aw ei ta, ama su sâhpazy liata ama beizy ri pabupa ta papuapalei khao aw veih ei.

ZEKARIA 9:16

Cha noh liata, A phopi mietaku zaw hawhta, Abeipa ama Khazohpa ta Âmo cha a pachha aw ei; Chatanachata beilakho liata lôsôhpazy hawhta, A râh liata ama khaih aw.

MALUHREINA 1:50

Livai pathlazy cha Biehrai byureih mohôhtuhpa nata a hmobaoh zydua nata cha liata hmo a ypa zydua a mohôhtuhpa ta na rao awpa ei a châ. Achhyna byureih nata a hmobaoh zydua a sy tyh aw ei ta, mohôh aw ei ta, achhyna byureih kiapâh liata a rie aw ei ta, ama ypâ tyh aw.

MALUHREINA 10:14

A hmiatua chaipa ta Zudâh py liata a ypazy a py py ta pua ei ta, ama hyutuhpa cha Aminadâ sawchapawpa Nasô a châ.

MALUHREINA 10:18

Chatawhcha Rubena py liata a ypazy a py py ta pua ei ta, ama hyutuhpa cha Seidia sawchapawpa Elizu a châ.

MALUHREINA 10:22

Cha khai tawhta Epharai py liata a ypazy a py py ta pua ei ta, ama hyutuhpa cha Amihu sawchapawpa Elisâmâ a châ.

MALUHREINA 10:25

A hnôh chaipa ta Dânâ py liata a ypazy a py py ta pua ei ta, ama hyutuhpa cha Amisadai sawchapawpa Ahieze a châ.

MALUHREINA 2:1

Abeipa ta Mawsi nata Arawna hnohta hetana heta chho ta:

MALUHREINA 2:10

“Chho lâta Rubena py y aw ei ta, Rubena pathlazy hyutuhpa cha Seidia sawchapawpa Elizu châ aw ta,

MALUHREINA 2:3

“Noh vaw chhina nochhi lâta poh o a rai awpazy cha Zudâh py châ aw ei ta, a py py ta poh o rai aw ei ta, Zudâh pathlazy hyutuhpa cha Aminadâ sawchapawpa Nâsaw châ aw ta,

MALUHREINA 24:2

Bâlâma cha mohmia pasaih ta, Izarei sawzy a chi chi ta riehmo ama paryhpa hmô ta. Khazohpa Thlahpa a chô liata vaw tlô ta,

1 KAWRINI 14:33

Khazohpa cha tymâna Khazohpa châ leipa ta, adyhna Khazohpa châ tlôh ta. Mopathaihpazy Awnanopa to liata taozie hawhta,

1 KAWRINI 14:40

Châhrasala hmo to zachhihpa nata chybia hneipa ta taopa châ mawh sy.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

KAOLAOSÂ 2:19

Cha hawhpa chyhsa chata Luh cha khâchâ patu vei. Luh ta pôhpa pachiahpa a pazaopakhypazy chyh ta, Khazohpa khozie hawhta ama laiseih lymâ.

ZAWSUA 3:4

Anodeikua nâmo nata Byh likawh liata dy 2,000 rachhôh â hla awpa a châ. Namâ hnia awpa châ vei. Chatanachata nama sie nawpa lâpi cha nama pahno thei aw, kha hlâta he lâpi he a chhih beih tlôh lei khâh ei chi ta,” tah ei ta.