MALUHREINA 19:9 - Mara Bible RV (BSI)

⁹ Chyhsa pathaihpa pakha ta viahchao zeinô raona paoh cha la aw ta, riehmo khôtho liata su sithaipa liata a soh aw. Cha cha Izarei zawpizy châta apathaina ti ta hmâ awpa ta paso awpa châ ta, moleina tawhta pathaisana châta a châ aw.

MALUHREINA 19:9 ပူးပေါင်းရင်းမြစ်များ

HEBRAI 9:13

Chyhsa pathaih leipazy chô liata mie nata viahchao tôhpazy thisaih nata viahchao zeinô raona paohpazy thiapa hmahta sapa pathaihna taihta a pathaisa thei khiahta cha,

MALUHREINA 19:13

Athihpa ri a hriapa maih, kheihawhpa chyhsa ri rai châ sala, â pathai vei khiahta cha, Abeipa achhyna byureih a papuapaleipa châ ta, cha chyhsa cha Izarei tawhta chhawh pathlahpa a châ aw. Apathaina ti a chô liata thiapa a châ leipa vâta, pathaih leipa châ ta, a pathaih leina a chô liata a y thlâh ha chypa a châ.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

MALUHREINA 19:18

Chyhsa pathaihpa ta hisaw la aw ta, ti liata ny aw ta, poh o nata hmobaoh zydua chô liata nata a chhôh liata a ypa chyhsazy chô liata a thia aw. Rupa tlyma, thiepa ri tlyma, athihpa ri tlyma, thlâ tlyma a hriapazy chô liata a thia hra aw.

MALUHREINA 9:13

Chyhsa pathaihpa châ ta, khitlyna hnei tlôh leipa ta, zawpakhô kyhchhi a chay leipa khiahta deikua cha, cha chyhsa cha a phopi tawhta chhawh pathlahpa a châ aw. Daihti raopa liata Abeipa lâta hmohlâpa a hlâ leipa vâta, cha chyhsa cha a moleina maoh a phaoh aw.

MALUHREINA 8:7

Âmo pathaisa awpa ta, hetana heta ama chô liata na tao aw: Ama chô liata pathaisana ti thia aw chi ta, ama pôhpa hmi zydua a ngyu aw ei ta, ama chysiazy pasu aw ei ta, amâ pathai aw.

MALUHREINA 6:12

Thaileichâna hlâna châta mietakutaw chapawpa kô khapa cheih aw ta, Nâzarai a châna nohzy Abeipa lâta a pazao heih aw. Â pananona papuapaleipa a châ hapa vâta, hmialâ ta â pananona nohzy reipa châ khao aw vei.

THEIHTHAINA 15:20

A pathaih lei chhôh ta â ziana maih cha pathaih leipa châ aw ta, â tyuna maih chhao pathai leipa a châ aw.

MALUHREINA 19:3

Viahchao zeinô cha theihthaipa Eliaza pie aw chi ta, riehmo khôtho lâ a chhipa châ aw ta, theihthaipa hmiakô liata thie awpa a châ.

MALUHREINA 19:8

A raotuhpa chhao ti ta a chysiazy pasu aw ta, ti liata a ngai a si aw ta, zâlâ taih pathaih leipa a châ hra aw.

MALUHREINA 19:17

Pathaih leipa châna chata raopa hlâna meipaoh la aw ei ta, beih liata soh aw ei ta, chavah ti pathaihpa ama bao aw.