MALUHREINA 19:2 - Mara Bible RV (BSI)

² “He he Abeipa biepiepa ryhpa bieraopazy a châ: Izarei sawzy hnohta viahchao zeinô saihpa, pihpasina hnei leipa, seina hnei leipa nata raopaky a kyh beih leipa nâ lâ a vaw chhi awpa ta chho teh.

MALUHREINA 19:2 ပူးပေါင်းရင်းမြစ်များ

PUASAINA 12:5

Nama mietakutaw cha seina a hnei leipa, a chapawpa kô khapa a châ awpa châ ta, mietaku hry liatapa tlyma, mie hry liatapa tlyma namâ so thei.

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

CHAPHÔHTUNA 1:14

“Ei paraona cha raopaky liata chahry pâpa châ ta, Abeipa ta ano ku tlai ta a chahry pâ haw; Ei rao liata pakypa châ ta, Ei tha a pazeisa khai haw; Ei pahnie thei lei awpazy ku liata, Abeipa ta eina hlâ haw.

THEIHTHAINA 1:10

“Raopa hlâna châta a hlâ awpa cha mietaku zaw hry liata mietaku tlyma, mie tlyma a châ khiahta cha, a chapawpa seina hnei leipa a hlâ awpa a châ.

THEIHTHAINA 1:3

“A hmohlâpa cha viahchao hri tawhta raopa hlâna a châ khiahta cha, a chapawpa seina hnei leipa a hlâ awpa a châ. A hmohlâpa cha Abeipa hmiakô liata a pyhpa a châ thei nawpa ta, ahmaohna poh o chhikao thaby liata a hlâ awpa a châ.

THEIHTHAINA 14:6

Pavaw hrohpa cha la aw ta, sidy tho nata pala saihlawpa nata hisaw zy chhaota cheih aw ta, chavah ti chô liata thiepa pavaw thisaih liata a ny aw.

MALUHREINA 19:1

Abeipa ta Mawsi nata Arawna hnohta,

MALUHREINA 19:6

Theihthaipa ta sidy tho, hisaw nata pala nohsaihpa la aw ta, viahchao zeinô raona mei liata a phôh aw.

MALUHREINA 31:21

Theihthaipa Eliaza ta adyuhna lâ a siepa pheisaihzy hnohta, “He he Abeipa ta Mawsi hnohta bie a piepa ryhpa bieraopa a châ:

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

RYHPACHANEINA 21:3

Ri yna tawhta khih a hnia chaipa machâzy ta viahchao zeinô rai pahriasa mâh leipa, raopaky paky mâh leipa pô kha amâ chhi aw.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

HEBRAI 9:10

Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.

1 PITY 1:19

mietakutaw seina hnei leipa nata apuapa a bai leipa thisaih hawhta Krista thisaih sôhpa ta chatlaipa nama châpa nama pahno.

1 PITY 2:22

Ano cha hmo a parao beih leipa, a pakah liata haidihaiduana a y leipa a châ.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

1 SAMUELA 6:7

Chavâta tahmâ talailih thiehpa a chhuanoh u la, viahchao panô pô no, a taw sâhpi a pazy haipa, raopaky paky beih leipazy a vaw chhi u la, viahchao panôzy cha talailih liata paky teh u. Ama tawzy deikua cha, a panôzy tawhta la aw ei chi ta, o lâ namâ dikhei ha aw.