MALUHREINA 18:7 - Mara Bible RV (BSI)

⁷ Nâ nata na hnohta a ypa na sawchapawzy ta maisâh nata pohraipa chhôh liata theihthaina rai hria awpa zydua hria thei aw ei chi ta, nama chakao aw. Theihthaipa chakaona raihria cha, hmosaipiepa ta nama hnohta cha pie ei na ta, chihropa a vaw hniapa maih cha thie awpa ama châ,” tah ta.

MALUHREINA 18:7 ပူးပေါင်းရင်းမြစ်များ

ZAWHÂNA 3:27

Zawhâna ta a chhy ta, “Vârâh tawhta piepa a châ vei khiahta la, chyhsapa ta khâpa hmah hnei thei vei.

MALUHREINA 3:10

Arawna nata a sawchapawzy cha theihthaipa châta rao aw chi ta, ama theihthai châna ama pazao lymâ aw. Khôtho chyhsa ta theihthaipa chakaona rai hria awpa ta achhyna byureih â hnia khiahta cha, thie awpa a châ,” tah ta.

MALUHREINA 18:20

Abeipa ta Arawna hnohta, “Ama râh liata ryuto hnei leipa aw chi ta, ama hry liata tovyuh hnei hra aw va chi. Izarei sawzy hry ta na tovyuh nata na ryuto cha kei he ei châ.

MALUHREINA 16:40

Abeipa ta Mawsi hmâpa ta Eliaza hnohta a reipa hawhta, cha cha Izarei sawzy zikyurâna châta taopa a châ. Arawna pathla a châ leipa chyhsa ahy hmahta Abeipa hmiakô liata ropahâhpa rao awpa ta amâ hnia awpa châ vei. A tao raruahpa cha, Kôrâ nata a sahlaozy hawhta ama châ aw.

HEBRAI 5:4

Cha palyupalihna cha ahy hmahta anosasyh ta a patosa thei vei. Arawna hawhta Khazohpa ta a awpa a châ khiah dei ta a to thei.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

1 SAMUELA 2:28

Châ pathlatuhpa kha ei theihthaipa châ awpa ta Izarei chi zydua hry tawhta a tlyh na ta, ei maisâh kiah ta, ropahâhpa rao awpa nata ei hmiakô liata ephaw a ky awpa ta ei tlyhpa a châ. Izarei sawzy tawhta mei ta raopa hlâpa zydua chhao châ pathlatuhpa pathlazy hnohta ei pie khai ei

MALUHREINA 3:38

Nochhi lâ chhâh ta achhyna byureih hmia lâ, ahmaohna poh o laihmia lâta noh vaw chhi tyhna dady ta poh o a parai awpa cha, Mawsi nata Arawna nata a sawchapawzy châ aw ei ta, âmo ta supathaihpa mohôh aw ei ta, Izarei sawzy ama mohôh aw. Khôtho chyhsa theihthaipa chakaona rai hria awpa ta achhyna byureih a hniapa maih cha thiepa a châ aw.

MALUHREINA 1:51

Achhyna byureih pasie awpa a châ khiahta cha, Livai pathlazy ta phie aw ei ta, achhyna byureih parai awpa a châ tita chhao, Livai pathlazy ta ama parai tyh aw. Chyhsa zawrâpa ta achhyna byureih â hnia khiahta cha thie awpa a châ.

THEIHTHAINA 16:2

Abeipa ta Mawsi hnohta, “Na unawhpa Arawna chho teh. A khona daihti maihta Byh chô liata patyupa zawngiahna dyuchhai hmiakô liata pohraipa chhôh Su Pathaihpa lâ â ngia awpa châ vei. Zawngiahna dyuchhai chô liata meihdo hry liata a vaw luah tlôh aw na ta, chavâta a thi pathlei aw.

PUASAINA 29:9

Arawna nata a sawchapawzy cha chaisaihna ta ama chai saih aw chi ta, lakhu pakhu aw chi ta, chatanachata theihthaipa châna cha chhâzaw ta âmo eih châ awpa ta bieraopa ta chahnaopa a châ aw. Cha hawhna chata Arawna nata a sawchapawzy cha na chahnao aw ei.

MATHAI 10:8

Tlâhleipazy patlâh u la, athipazy pathyu u la, phawhpazy pathaisa u la, ahripazy papua teh u. A saipa ta hmô ei chi ta, a saipa ta pie teh u.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

1 PITY 5:3

Nama mohôhpa mietakuzy chô liata a pabeisa leipa u la, mietaku zaw châta a mopâ tlâhpa ta tlao y muh vy.

PUASAINA 28:1

“Na unawhpa Arawna cha, a sawchapawzy chhaota, Izarei sawzy hry tawhta pananopa ta na hnohta a chhi aw chi ta, chatanachata Arawna nata a sawchapaw Nâdâ, Abihu, Eliaza nata Ithamâ zy cha ei theihthaipa rai hriapa ta eina chakao aw ei.

MALUHREINA 18:3

Na raihria cha bao aw ei ta, poh o liata rai zydua ama hria aw. Supathaihpa hmobaoh nata maisâh deikua amâ hnia awpa châ vei. Chataleipatala âmo chhao, nâmo chhao, nama thi pathlei aw.

RYHPACHANEINA 18:2

Ama unawhzy hry liata ryuto hnei aw veih ei. Abeipa ta bie â taihpa hawh ei ta, Abeipa cha ama ryuto a châ.

ZAWSUA 18:7

Livai chi deikua cha, Abeipa theihthaina raihria cha ama ryuto a châpa vâta, nama hry liata tovyuh hnei aw veih ei. Kâdâ, Rubena nata Manase chi khophie chhao Zawdâh haosâ nochhi lâ liata Abeipa chakaotuhpa Mawsi ta ama ryuto râh a vaw piepa kha ama to hra,” tah ta.

EZEKIA 44:8

Nâmo ta hmo pathaihpazy mohôh leipa ei chi ta, mohropazy cha nâmo vyuhpa ta ei supathaihpa nama pamohôhsa.

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

EZEKIA 44:16

Ei supa­thaihpa liata a ngia aw ei ta, na chakao awpa ta ei tlâhkhai a hnia aw ei ta, nâ mohôtuhpa ama châ aw.

THEIHTHAINA 7:35

Cha cha Abeipa châta theihthaipa chakaona rai hria awpa ta, Arawna nata a sawchapawzy raopa ama châ noh tawhta, Abeipa lâta mei ta hmohlâpazy tawhta ama tovyuh châta panano eihpa a châ.

HLAZY 115:10

Hy Arawna pathlazy saih u, Abeipa cha ngâ teh u! Abeipa cha Arawna pathlazy baotuhpa nata vyhphao a châ.