MALUHREINA 18:3 - Mara Bible RV (BSI)

³ Na raihria cha bao aw ei ta, poh o liata rai zydua ama hria aw. Supathaihpa hmobaoh nata maisâh deikua amâ hnia awpa châ vei. Chataleipatala âmo chhao, nâmo chhao, nama thi pathlei aw.

MALUHREINA 18:3 ပူးပေါင်းရင်းမြစ်များ

EZEKIA 44:13

Theihthaipa chakaona rai hria awpa ta nâ vaw hnia leipa aw ei ta, ei hmo pathaihpa kheihawhpa hmahta a hnia hra leipa aw ei ta, hmo pathaih chaipazy a hnia aw veih ei. Hmo pasichhihpa ama taopazy vâta, ama nohzaona maoh ama phaoh tlai aw.

MALUHREINA 1:51

Achhyna byureih pasie awpa a châ khiahta cha, Livai pathlazy ta phie aw ei ta, achhyna byureih parai awpa a châ tita chhao, Livai pathlazy ta ama parai tyh aw. Chyhsa zawrâpa ta achhyna byureih â hnia khiahta cha thie awpa a châ.

MALUHREINA 1:53

Livai pathlazy deikua cha, Izarei zawpi chô liata hiehâhna a vaw tlô lei nawpa ta, Biehrai byureih chheipâh liata ama poh o ama rai aw. Livai pathlazy cha Biehrai byureih mohôhtuhpa ama châ aw,” tahpa ta a rei hapa vâta a châ.

MALUHREINA 16:40

Abeipa ta Mawsi hmâpa ta Eliaza hnohta a reipa hawhta, cha cha Izarei sawzy zikyurâna châta taopa a châ. Arawna pathla a châ leipa chyhsa ahy hmahta Abeipa hmiakô liata ropahâhpa rao awpa ta amâ hnia awpa châ vei. A tao raruahpa cha, Kôrâ nata a sahlaozy hawhta ama châ aw.

MALUHREINA 18:4

Chakaona rai na hriana liata a hlao hra aw ei ta, ahmaohna poh o mohôhna rai ama hria aw. Poh o rai zydua âmo hria awpa châ ta, chihropazy ta ama châ hnia awpa châ vei.

MALUHREINA 18:7

Nâ nata na hnohta a ypa na sawchapawzy ta maisâh nata pohraipa chhôh liata theihthaina rai hria awpa zydua hria thei aw ei chi ta, nama chakao aw. Theihthaipa chakaona raihria cha, hmosaipiepa ta nama hnohta cha pie ei na ta, chihropa a vaw hniapa maih cha thie awpa ama châ,” tah ta.

MALUHREINA 3:25

Kesao sawchapawzy ta ahmaohna poh o liata ama mohôh awpazy cha, achhyna byureih, poh o nata khuna pohzy, ahmaohna poh o chhikao pohraipazy,

MALUHREINA 3:31

Ama mohôh awpazy cha Biehrai Byh, tlâhkhai, meiôh sona, maisâh, supathaihpa liata theihthaipa chakaona chhaichhizy nata pohraipa zy châ aw ta, chazy nata a zaokhipa chakaona rai zydua ama mohôh khai aw.

MALUHREINA 3:36

Merâri sawchapawzy ta ama mohôh awpazy cha achhyna byureih thophiazy, a tlâhzy, a tôhzy, a patyunazy nata chazy châta a chhaichhi zydua châ aw ta, chazy nata a zaokhipa chakaona zydua ama mohôh aw.

MALUHREINA 31:30

Izarei sawzy ta khophie ama topa tawhta, sypangawh liata miakha lymâ ta, chyhsapazy, viahchaozy, alâzy, mietakuzy, miezy nata sahroh zydua khei aw ei chi ta, Abeipa achhyna byureih mohôhtuhpa Livai chizy nama pie aw,” tah ta.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.