MALUHREINA 18:2 - Mara Bible RV (BSI)

² Nama hnohta chakao awpa ta Livai chi, na paw chipathla nama unawhzy a vaw chhi aw ei chi ta, Biehrai Byh poh o hmiakô liata nama chakao nota ama cha bao tyh aw.

MALUHREINA 18:2 ပူးပေါင်းရင်းမြစ်များ

ÂTHAONA 29:34

Saw phaoh heih ta, sawchapaw sa ta, “Tahmâ la sawchapaw pathôh ei sapa hapa vâta, ei vahpa ta eina tlaichhai ha aw,” tah ta, a moh Livai a bi.

2 THÂTIHZYRONA 30:16

Khazohpa chyhsa Mawsi ryhpa hawhta, âmo su chyu liata a duah ei ta. Theihthaipazy ta Livai pathlazy tawhta amâ hlâpa thisaih cha thia ei ta.

EZEKIA 44:11

Ei supathaihpa liata chakaotuhpa châ aw ei ta, Achhyna o chhikaozy vaih aw ei ta, Achhyna o chhôh liata chakaona rai ama hria aw. Zawpi ta raona hlâna nata atheihna ama hlâpa sazy thiepa aw ei ta, zawpi chakao awpa ta ama hmiakô liata amâ duah tyh aw.

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

MALAKHAI 2:4

Livai hnohta ei biehrai â dua lymâ thei nawpa ta, he biepiepazy he ei cha pie ei tahpa pahno teh u,” Pheisaihzy Abeipa ta a tah.

MALUHREINA 1:53

Livai pathlazy deikua cha, Izarei zawpi chô liata hiehâhna a vaw tlô lei nawpa ta, Biehrai byureih chheipâh liata ama poh o ama rai aw. Livai pathlazy cha Biehrai byureih mohôhtuhpa ama châ aw,” tahpa ta a rei hapa vâta a châ.

MALUHREINA 16:40

Abeipa ta Mawsi hmâpa ta Eliaza hnohta a reipa hawhta, cha cha Izarei sawzy zikyurâna châta taopa a châ. Arawna pathla a châ leipa chyhsa ahy hmahta Abeipa hmiakô liata ropahâhpa rao awpa ta amâ hnia awpa châ vei. A tao raruahpa cha, Kôrâ nata a sahlaozy hawhta ama châ aw.

MALUHREINA 17:7

Mawsi ta chôchahreizy cha Biehrai Byh poh o chhôh liata Abeipa hmiakô ta soh ta.

MALUHREINA 18:4

Chakaona rai na hriana liata a hlao hra aw ei ta, ahmaohna poh o mohôhna rai ama hria aw. Poh o rai zydua âmo hria awpa châ ta, chihropazy ta ama châ hnia awpa châ vei.

MALUHREINA 3:5

Abeipa ta Mawsi chho ta,

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

MALUHREINA 8:19

Izarei sawzy châta ahmaohna poh o liata chakaona rai hria awpa nata Izarei sawzy ta supathaihpa amâ hnia tita ama hry liata potlana a y lei nawpa ta chatlaina taopa awpa ta, Izarei sawzy hry tawhta Livai pathlazy cha Arawna nata a sawchapawzy hnohta hmosaipiepa ta ei pie ei,” tah ta.

MALUHREINA 8:22

Cha khai tawhta Livai pathlazy cha Arawna nata a sawchapawzy hmiakô liata chakaona rai hria awpa ta ahmaohna poh o chhôh lâ a ngia ei ta, Livai pathlazy kyh liata Abeipa ta Mawsi bie a piepa hawhta ama chô liata ama tao.

HEBRAI 9:6

Cha hawhta ato pachhuahpanohpa a châ khai tawhta, theihthaipazy cha ama chakaona rai hria awpa ta, byureih tytuapa lâ cha noh chareih amâ ngia tyh.