MALUHREINA 17:5 - Mara Bible RV (BSI)

⁵ Ei tlyhpa chyhsa chôchahrei cha a chhyh kaw thao aw ta, chatanachata Izarei sawzy paphôhna, na chô liata ama paphôhna cha ei padia aw,” tah ta.

MALUHREINA 17:5 ပူးပေါင်းရင်းမြစ်များ

2 THÂTIHZYRONA 26:16

Châhrasala thatlôpa ta a vaw y nahta, Uzia cha a palai ta, cha chata ano châta raona a tlôkhei haw. Abeipa a Khazohpa châta ngâchhih leipa ta y ta, ropahâhpa maisâh liata ropahâhpa rao awpa ta Abeipa Achhyna o lâ a ngia ta.

EZRÂ 2:62

Cha sahlaozy cha theihthaipazy thyutôna rona châbu liata ama moh tlua ei ta, châhrasala hmô leipa ei ta, chavâta pathaih leipa hawhta pachâpa châ ei ta, theihthaipazy hry liata pahlaopa châ veih ei.

HLAZY 105:26

A chakaotuhpa Mawsi tuah ta, Â tlyhpa Arawna chhao tuah ta.

PUASAINA 16:7

my ta Abeipa rônahna nama hmô aw. Keimo he khâpa ma eima châ tly, eima chô liata nama paphôhpa he?” tah ei ta.

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 27:6

Noh a vaw tlô awpazy liata, Zakaw cha thari thla aw ta, Izarei cha a chhyh thaopa ta a paw pawh aw ta, Khizaw zydua he a thei ta a pabie aw.

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

EZEKIA 16:41

Na ozy mei ta rao aw ei ta, chanô hluhpi mohmô liata na thâtih ama pachia aw. Â zuah khao lei awpa ta cha tao aw na ta, nâ zuahnaopazy hnohta hlao pie khao aw va chi.

EZEKIA 23:27

Na aohraohna nata Izi râh tawhta pathaopa ta nâ zuana zy kha pachhâsa aw na ta, chatanachata âmo lâ na mo khaih khao leipa aw chi ta, Izi chhao a thei khao aw va chi.

HÔSIA 14:5

Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

MALUHREINA 1:51

Achhyna byureih pasie awpa a châ khiahta cha, Livai pathlazy ta phie aw ei ta, achhyna byureih parai awpa a châ tita chhao, Livai pathlazy ta ama parai tyh aw. Chyhsa zawrâpa ta achhyna byureih â hnia khiahta cha thie awpa a châ.

MALUHREINA 11:1

Zawpi ta rairuna amâ tyhpazy vâta Abeipa theina liata paphôh ei ta. Cha cha Abeipa ta a thei nahta, a hiehâh ta. Chatanachata Abeipa mei ama hry liata vaw pua ta, ama riehmo chaki liata su thokhazy vaw kâ ta.

MALUHREINA 16:11

Nâ nata na sahlao zydua Abeipa a dyuh awpa ta namâ hmaohpakhypa a châ hih. Arawna cha khâpa hmo ma tao ta, a chô liata nama paphôh?” tah ta.

MALUHREINA 16:5

Kôrâ nata a sahlaozy hnohta, “Mylâ my ta Abeipa ta ahy ma ano eih a châ tahpa a pasia aw. Ahy ma a pathaih tahpa pasia aw ta, a pathaihpa ta ano a hnia thei aw ta, Abeipa ta â tlyhpa tlai chata Abeipa cha â hnia thei aw.

MALUHREINA 17:10

Abeipa ta Mawsi hnohta, “Arawna chôchahrei kha Biehrai Byh hmiakô liata soh pathi teh. Chyhsa chakhia hmâhpa sawzy ama châ tahpa ngiana châta châ aw ta, chatanachata eina chakhiana ei cha padia aw chi ta, thi aw veih ei,” tah ta.

MALUHREINA 17:6

Cha hawhna chata Mawsi ta Izarei sawzy cha chho ta. Ama chhituhpazy ta chôchahreizy a hnohta vaw pie ei ta, chhituhpa pakha ta chôchahrei miakha lymâ ta, ama chi yzie hawhta chôchahrei mia hrawh hleino pie ei ta. Arawna chôchahrei chhao ama chôchahreizy hry liata â hlao hra.

MALUHREINA 17:8

A mylâ ta Mawsi cha Biehrai Byh poh o lâ vawh ta, Livai chi Arawna chôchahrei cha a chhyh kaw thao ta, a pawzy pabyuh ta, a pawzy pakaipa ta, kuasâh thei hmohpazy a patheipa hmô ta.

1 KAWRINI 10:10

Ama hry liata thokha ta paphôh ei ta, pahleipadiatuhpa ta a pahleipadia hapa hawhna ei khata, keimo la paphôh khah ei suh u.

ZAWSUA 4:7

ama hnohta, ‘Abeipa Biehrai Byh hmiakô liata Zawdâh tizy a chie pachhôpa atheithlâhna a châ. Abeipa Biehrai Byh ta Zawdâh a chaka nota, Zawdâh tizy a chie pachhô haw. Chavâta he alôzy he Izarei sawzy ta, cha thâtih cha chhâzaw ta amâ thei thlâh nawpa châta a châ,’ tahpa ta nama chho aw,” tah ta.