MALUHREINA 15:3 - Mara Bible RV (BSI)

³ Abeipa châta ropahâhpa tao nawpa ta, Abeipa lâta mei ta hmohlâpa raopa hlâna tlyma, bietai patlô nawpa ta atheihna tlyma, lôhthai hmohlâpa tlyma, nama châta kyhchhi raopazy liata hmohlâpa tlyma nama hlâ tita, viahchao hri tawhta tlyma, mietaku zaw tawhta tlyma nama hlâ awpa a châ.

MALUHREINA 15:3 ပူးပေါင်းရင်းမြစ်များ

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

EZRÂ 7:17

Cha sôhzy cha hmâpa ta, viahchao tôhpazy, mietaku tôhpazy, mietakutawzy nata ama niepa hlânazy nata dopa hlânazy phahnai khoh ngaitapa ta chalei aw chi ta, Zerusale liata nama Khazohpa o liata maisâh liata na hlâ aw.

HLAZY 54:6

Lôhthai hlâna ta nâ lâ atheihna hlâ aw na ta, Hy Abeipa, na moh ei reithai aw, Cha cha hmo phapa châ tlôh ta.

PUASAINA 29:18

Mietaku tôhpa cha a zydua ta maisâh liata rao aw chi ta, cha cha Abeipa châta raopa hlâna châ ta, Abeipa lâta mei ta hmohlâpa ropahâhpa a châ.

PUASAINA 29:25

Cha khai tawhta ama ku tawhta la aw chi ta, maisâh liata raopa hlâna chô liata na rao aw. Cha cha Abeipa hmiakô liata ropahâhpa châ ta, Abeipa lâta mei ta hmohlâpa a châ.

PUASAINA 29:41

Mietakutaw hropa cha zâlâ ta hlâ aw chi ta, my ta niepa hlâna taozie hawhta nata dopa hlâna taozie hawhta tao aw chi ta, cha cha Abeipa lâta mei ta hmohlâpa ropahâhpa a châ aw.

THEIHTHAINA 10:13

Abeipa lâta mei ta hmohlâpa tawhta nâ nata na sawchapawzy tovyuh a châpa vâta, su pathaihpa liata nama nie awpa a châ. Cha hawhta tao awpa ta biepiepa ei châ.

THEIHTHAINA 27:2

“Izarei sawzy chho la, ama hnohta hetana heta reih teh: Chyhsa ta Abeipa lâta chyhsapa hlâ awpa ta bie a siapa ta a taih sala, chyhsapa vyuhpa ta â phuhpa ta sôh pie awpa a châ khiahta cha,

THEIHTHAINA 7:16

 theihna hlâna cha bietai hlâna tlyma, lôhthai hlâna tlyma a châ khiahta deikua cha, atheihna a hlâ noh ta nie awpa châ ta, nie laipa cha a mylâ ta nie theipa a châ.

MALUHREINA 28:27

Raopa hlâna ta viahchao tôh dawpa pô no, mietaku tôhpa pô kha, mietakutaw chapawpa kô khapa pô sari nama hlâ aw. Cha cha Abeipa châta ropahâhpa a châ.

MALUHREINA 29:8

Abeipa châta ropahâhpa raopa hlâna deikua cha hlâ aw ei chi ta, viahchao tôhpa pô kha, mietaku tôhpa pô kha, mietakutaw chapawpa kô khapa seina hnei leipa pô sari nama hlâ aw.

MALUHREINA 6:15

Niepa hlâna nata dopa hlânazy chhao hlâ aw ta, cha liata thinô pahlao leipa viahchhâ nata viahdie dipa sathaw pahlaopa ta pakâhpa viahchhâzy nata thinô pahlao leipa viahchhâ apapa sathaw hniapa zy hrâbyh hmo kha a hlâ aw.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

2 KAWRINI 2:15

Pachha haipazy nata leidia haipazy hry liata Khazohpa châta Krista ropahâhpa châ pi ta,

2 KAWRINI 2:16

py kha châta thina tawhta thina lâ ropahâhpa châ pi ta, py hropa châta hrona tawhta hrona lâ ropahâhpa eima châ. Chazy châta ahy a tloh thei aw?

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:17

Nama sâh, nama kresawhti, nama sathaw nata nama viahchao hri nata mietaku zaw hry liata a pataw tua chaipazy tawhta su hrawh su kha, nama bietai hmopiepazy, nama lôhthai hmopiepazy nata hmohlâ eihpazy chhao nama khih liata nama nie awpa châ vei.

RYHPACHANEINA 12:6

Cha liana chata nama raopa hlânazy, namâ theihnazy, nama su hrawh su khazy, nama chalopa hlânazy, nama bietaizy, nama lôhthai hlânazy, nama viahchao hri nata mietaku zaw hry liata a pataw tua chaipa zy nama vaw cheih awpa a châ.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.