MALUHREINA 14:9 - Mara Bible RV (BSI)

⁹ Abeipa chô liata a ty leipa u la, cha râh liata chyhsazy cha chi hra khah u, âmo cha eima châta viahchhâ hawh deita ama châ; amâ bohna cha âmo tawhta la hapa châ ta, Abeipa eima hnohta a y mâh tâh, âmo cha chi khah u,” tah ei ta.

MALUHREINA 14:9 ပူးပေါင်းရင်းမြစ်များ

ÂTHAONA 48:21

Chatawhcha Izarei ta Zawsi hnohta, “Pachâ teh, kei cha thi daihmâ ha na ta, châhrasala Khazohpa nama hnohta y aw ta, châ pathlatuhpazy râh lâ a châ chhi heih aw ei.

2 THÂTIHZYRONA 13:12

Pachâ teh u, eima hnohta y ta, keimo miah chhituhpa cha Khazohpa châ ta, a theihthaipazy ta ama chiahmiezy tô ei ta, nâmo a dyuh awpa ama pahrua. Hy Izarei sawzy saih u, Abeipa châ pathlatuhpazy Khazohpa cha a dyuh cheita khuh vy. Nama hlaotloh aw vei,” tah ta.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

2 THÂTIHZYRONA 32:8

Ano chhâh a châpa cha sapa pheisaih châ ei ta, keimo chhâh a châpa cha Abeipa eima Khazohpa a châ. Ano ta miah bao aw ta, eima chariah miah â dyuhpa aw,” tahpa ta thapatlôna bie reih ta.

NEHEMIAH 4:14

Chatawhcha mohmia pasaih na ta, thyu na ta, nôpawpazy nata ryureituhpazy nata zawpizy hnohta, “Âmo cha chi khuh vy. Abeipa rônahpa nata chichhihpa a thei u la, nama unawhzy, nama sawchapawzy, nama sawchanôzy, nama lapinôzy, nama ozy châta a dyuh muh vy,” tah na ta.

HLAZY 106:24

Râh khochhihpa dytha ei ta, A bietai zo khao veih ei.

HLAZY 121:5

Abeipa cha châ vaituhpa châ ta, Abeipa cha na ku chachâh lâ châ pahlituhpa a châ.

HLAZY 14:4

Hmoparaopazy ama no a vâh to vei tlyma i? Viahchhâ niepa hawhta ei chyhsazy nie khai ei ta, Abeipa padona châh ama pahno leipa he!

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 46:7

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 46:8

A vy u la, Abeipa hmotaopazy he moh u la, Roryhrapa ta leilô a paysa hazie he moh tua u.

HLAZY 74:14

Leviathâ luhzy pakei chi ta, Râhchawhpa sazy nie awpa ta Leviathâ cha na pie ei.

HLAZY 91:1

Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

PUASAINA 33:16

Kei nata na phopi he, na mo dypa ta eima y tahpa kheihta chyhsa ta ama pahno thei aw? Miah ypâ chi ta, eima hnohta na siena liana chata vei ma, kei nata na phopi he alei chô liata phopi hropa zydua nata eimâ nanona cha â lâ aw vei?” tah ta.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 63:10

Châhrasala Abeipa cha a dyuh ei ta, A Thlahpa Pathaihpa pachâ thata ama parôhsapa vâta, Abeipa cha ama chariahpa lâta a lie ha ta, Ano tlai ta â dyuh ha ei.

ZEREMIAH 1:19

Cha pachha awpa ta na hnohta ei ypa vâta, châ dyuh aw ei ta, châhrasala cha pahnie aw veih ei, Abeipa ta a tah,” tah ta.

ZEREMIAH 42:11

Babylaw bei nama chi kawpa he chi khuh vy. A ku tawhta cha pachha awpa nata cha papua awpa ei ta, ei cha ypâ thlâh ha ei mâh tâh. Chavâta ano cha chi khuh vy, Abeipa ta a tah.

ZEREMIAH 48:45

“Hesbaw tawhta mei vaw pua ta, Sihaw liah tawhta meipaleih a vaw pua; Môabâ baih hmi kâ khai ta, Kalihpi a topa sahlao laki sâzy a kâ khai haw; Chavâta arâpazy cha ama thachhâ ta, Hesbaw nohpahli liata amâ duah.

DÂNIAH 9:5

molei ha pi ta, hmoparao ha pi ta, molei ngaitapa ta hroh pi ta, châ dyuh pi ta, na biepiepazy nata bieraopazy eima vaw tleisai haw.

DÂNIAH 9:9

Zawngiahna nata ngiahthaina cha Abeipa eima Khazohpa eih mâh a châ tâh; ano cha a chariah ha hra sih la,

MALUHREINA 13:30

Kâlebâ ta zawpi cha Mawsi hmiakô liata chalihsa ta, “Khy para sih la, râh cha kaw la ei suh u, eima pahnie aw,” tah ta.

MALUHREINA 17:6

Cha hawhna chata Mawsi ta Izarei sawzy cha chho ta. Ama chhituhpazy ta chôchahreizy a hnohta vaw pie ei ta, chhituhpa pakha ta chôchahrei miakha lymâ ta, ama chi yzie hawhta chôchahrei mia hrawh hleino pie ei ta. Arawna chôchahrei chhao ama chôchahreizy hry liata â hlao hra.

MALUHREINA 20:2

Zawpi châta ti y leipa ta. Chavâta Mawsi nata Arawna chakhia awpa ta zawpi a hmaohpakhy ei ta.

MALUHREINA 24:8

Izarei cha Khazohpa ta Izi tawhta a kaw chhi papua ta, Ano châta chaoliah tôhpa ki hawhta a châ; A chariahpa râhzy palâ khai aw ta, Ama ruzy a tlawh ta pakeichheihpa ta, A châtaizy ta âmo a chhô pahlie aw.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RYHPACHANEINA 1:21

Moh teh u, Abeipa nama Khazohpa ta nama hmiakô liata râh a cha sopa ei. Khy u la, Abeipa, châ pathlatuhpazy Khazohpa ta a cha chhopa hawhna ei khata, râh cha kaw pahrâ teh u. Chi leipa u la, riahchhiepa ta y hra khuh vy,’ cha tah ei na ta.

RYHPACHANEINA 1:26

“Châhrasala khy khoh leipa ei chi ta, Abeipa nama Khazohpa biepiepa cha zyh khoh veih ei chi.

RYHPACHANEINA 1:29

Kei ta nama hnohta, ‘Nama nô a papo leipa u la, âmo cha chi khuh vy.

RYHPACHANEINA 31:6

Thatlôpa nata riahphapa ta y u la, âmo cha chi leipa u la, thlazohpa ta y hra khuh vy. Nama hnohta a siepa cha Abeipa nama Khazohpa châ ta, cha my leipa aw ei ta, cha pathlua aw veih ei,” tah ta.

RYHPACHANEINA 31:8

Abeipa nama hmia lâta sie aw ta, nama hnohta y aw ta, cha siesai beih leipa aw ei ta, cha pathlua beih aw veih ei. Chi leipa u la, a ngiaroh hra khuh vy,” tah ta.

RYHPACHANEINA 32:42

Ei châtaizy thisaih pari awpa ta tao aw na ta, Ei zaozi ta sapa niepa ta, Thiepa nata patupazy thisaih doh aw ta, Chariah hyutuh sâ seihpazy luh tawhta thisaih a doh aw,’ tah ta.

RYHPACHANEINA 7:18

Âmo cha nama chi awpa châ vei. Phiraoh nata Izi râh zydua chô liata Abeipa nama Khazohpa hmotaopa kha a thei thlâh ha teh u.

RYHPACHANEINA 7:21

Âmo cha nama chi awpa châ vei. Abeipa nama Khazohpa, Khazoh rônahpa nata chichhihpa nama hnohta a y.

RYHPACHANEINA 9:7

“Râhchawhpa liata Abeipa pathi nama pa-iapa kha a thei thlâh ha u la, my beih khuh vy. Izi râh tawhta nama kaw pua noh tawhta, he su nama vaw tlôna taihta, Abeipa a dyuhtuhpazy nama châ.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

ZAWSUA 14:12

Chavâta Abeipa ta na pie awpa ta, kha noh ta a reipa tlâh râh he kei na pie mah y. Cha liata Anâki mo y ei ta, ama khihpizy lai ngaita ta, thokhyzy ta dôh khaipa ama châ tahpa chhao, kha noh ta pahno ha chi ta. Abeipa ta na bao aw ta, Abeipa ta a reipa hawhta, âmo cha ei papua aw ei,” tah ta.

RYUREITUHPAZY 1:22

Zawsi pathlazy chhao Bethel a dyuh awpa ta pua ei ta, ama hnohta Abeipa y ta.