MALUHREINA 12:1 - Mara Bible RV (BSI)

¹ Miria nata Arawna ta Mawsi cha Kusi zuah lapinô ta a hneipa vâta reipachhie ei ta.

MALUHREINA 12:1 ပူးပေါင်းရင်းမြစ်များ

ÂTHAONA 24:3

Lei nata vâ Khazohpa Abeipa moh ta bie cha pataihsa awpa ei khoh. Ei sawchapawpa lapinô châta ei pahrâna Kâna zuah na hiapa awpa châ vei.

ÂTHAONA 24:37

Ei zibeipa ta, ‘Ei sawchapawpa lapinô châta ama râh liata ei pahrâna Kâna zuah na hiapa awpa châ vei.

ÂTHAONA 27:46

Rebekâ ta Aisika hnohta, “Hiti chanôzy vâna heta, hro eina ai kaw. Zakaw ta âmo hawhpa Hiti chanô, he râh zuah he lapinô ta a hnei hra chhochhi khiahta cha, hro he ei châta khâpa a phahnai aw?” tah ta.

ÂTHAONA 41:45

Phiraoh ta Zawsi cha a moh Zaphenâpania bi ta, Ôni khih theihthaipa Pawtipherâ sawchanônô Asenâ cha a lapinô ta pahneisa ta. Zawsi cha Izi râh chahryh ta.

PUASAINA 2:16

Midia râh theihthaipa cha sawchanô pasari hnei ta, ti vaw thaih ei ta, ama paw mietaku zaw padosa awpa ta ti châkizy pabie ei ta.

PUASAINA 2:21

Cha chyhsa hnohta y awpa cha Mawsi ta paryhsa ta. Rue ta a sawchanô Zipôrâ cha Mawsi pie ta.

PUASAINA 34:16

Cha leipa chhao ta, nama sawchapawzy châta ama sawchanôzy hnei aw ei chi ta, ama sawchanôzy ta ama khazohzy liata sihryh aw ei ta, nama sawchapawzy chhao ama khazohzy liata ama pasihryhsa pathlei aw.

THEIHTHAINA 21:14

Nôhmei tlyma, a vahpa nata a chhaihpa tlyma, chanô papuapalei hapa tlyma, âzuahnô tlyma a hnei awpa châ vei. Ano chiheih laihsa kôpa lapinô ta a hnei awpa a châ.

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MALUHREINA 16:2

Âmo chata Mawsi a dyuh ei ta. Ama py liata Izarei sawzy hry liata zawpi chhituhpa nata ryureituhpa châta a tlyhpa chyhsa moh phapa 250 amâ hlao.

MALUHREINA 26:59

Amrâ lapinô moh cha Livai sawchanô Zôkebe châ ta, Izi râh liata Livai ta a sapa a châ. Ano chata Amrâ liata Arawna nata Mawsi nata ama sietanô Miria zy a sa ei.

MATHAI 10:36

Chyhsa chariahpazy cha ano chhôhkhapa cheingei tawhta ama châ aw.

MATHAI 12:48

Zisu ta bie a chhotuhpa cha a chhy ta, a hnohta, “Ei nô cha ahy maw, ei unawhzy cha ahyzy maw?” tah ta.

ZAWHÂNA 15:20

‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

ZAWHÂNA 7:5

A unawhzy chhao ta Zisu cha a ngiapâ leipa ei ta.

KALATIA 4:16

Biedopa ei cha chhopa vâ ei ta, nama khakhaipa ei vaw châ ha ma?