MALUHREINA 11:16 - Mara Bible RV (BSI)

¹⁶ Abeipa ta Mawsi hnohta, “Izarei machâzy hry tawhta machâ nata chhituhpa ta na pahnopa sysari na awpakhypa la, âmo cha ahmaohna poh o lâ a vaw chhi la, cha liata na hnohta a duah mawh ei sy.

MALUHREINA 11:16 ပူးပေါင်းရင်းမြစ်များ

PUASAINA 24:1

Chatawhcha Abeipa ta Mawsi hnohta, “Nâma, Arawna, Nâdâ, Abihu nata Izarei machâ sysari Abeipa lâ a khy u la, lâhla tawhta a vaw chhy muh vy.

PUASAINA 24:9

Chatawhcha Mawsi nata Arawna, Nâdâ, Abihu nata Izarei machâ sysarizy cha khy ei ta,

RYHPACHANEINA 16:18

“Abeipa nama Khazohpa ta a cha piepa ei khih to liata, chi to châta ryureituhpa nata hyutuhpazy rao aw ei chi ta, âmo chata ryureina siapa ta zawpizy ryu ama reipa tyh aw.

RYHPACHANEINA 1:15

Chatanachata nama chi to tawhta chyhsa sopa nata novâhna ta a biepa hyutuhpazy a chhi ei na ta, nama chô liata hyutuhpazy ta ei tao ei. A sâh chô liata hyutuhpazy, a za chô liata hyutuhpazy, sypangawh chô liata hyutuhpazy, pahrawh chô liata hyutuhpazy nata nama chi chhituhpazy ta ei tao ei.

ÂTHAONA 46:27

Zawsi ta Izi râh liata sawchapaw pano sa ta, chatanachata Zakaw chhôhkha Izi râh lâ a ngiapazy cha ama zydua ta sysari ama châ.

LUKA 10:17

Sysari nata panozy cha a ly ngaitapa ta a vaw lie ei ta, “Abeipa, na moh vâta ahripazy eima rei sai ta ama y!” tah ei ta.

LUKA 10:1

Cha khai tawhta Abeipa ta chyhsa hropa sysari nata pano rao ta, a sie nawpa khih to nata su to liata a hmia lâta pano lymâ ta pasiesa chhielie ta.

EZEKIA 8:11

Ama hmiakô liata Izarei pathla machâzy hry tawhta sysari a duah ei ta. Ama hry liata Sâphâ sawchapawpa Zazeniah chhao a duah hra ta. Ama zydua ta ropahâhpa raona byh a chaba chyu ei ta, ropahâhpa khuh meihdo cha avâ lâ kiah ta.

PUASAINA 4:29

Chatawhcha Mawsi nata Arawna cha sie ei ta, Izarei machâ zydua awpakhy ei ta.

RYHPACHANEINA 31:28

Nama chi to machâzy nata nama hyutuhpazy kei lâ a vy awpa ta awpakhy teh u. He bie zydua he ama nah theina liata reih aw na ta, ei bie nâ pahnokhei awpa ta avâ nata alei ei aw aw ei.

PUASAINA 18:25

Mawsi ta Izarei saw zydua hry tawhta hmâ tlâhpa chyhsazy a tlyh ta, âmo cha Izarei phopi hyutuhpazy ta tao ta, a sâh chô liata hyutuhpa ta zy, a za chô liata hyutuhpa ta zy, sypangawh chô liata hyutuhpa ta zy nata pahrawh chô liata hyutuhpa zy ta a rao ei.

MALUHREINA 11:24

Chatawhcha Mawsi cha pua ta, Abeipa bie cha zawpizy chho ta. Zawpi chhituhpa machâ sysarizy cha aw ta, poh o chadôpa ta paduasa ta.

ZEREMIAH 19:1

Abeipa ta hetana heta a tah: “Sie la, beihvituhpa beihlei titheih kei chalei la, phopi machâ thokha nata theihthaipazy hry liata machâ thokha a chhi la,

MALUHREINA 16:25

Mawsi cha thyu ta, Dâthâ nata Abirâ yna lâ vawh ta, Izarei machâzy ta ano cha zi ei ta.