MALUHREINA 11:12 - Mara Bible RV (BSI)

¹² He zawpi zydua he ei phaopa ma ama châ? Ei sapazy ma ama châ? Khazia nawh apyhpa ta sâhpi a bâhpa hawsaih â pyhpa hawhta, âmo cha ei kalachhôh liata a pyh laih ta, ama pathlatuhpazy hnohta bie nâ taihpa râh lâ siekhei awpa ta eina chho chi?

MALUHREINA 11:12 ပူးပေါင်းရင်းမြစ်များ

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 24:7

Avâ Khazohpa Abeipa, ei paw o tawhta nata ei pina râh tawhta na chhihthapa ta, bie na chho ta, ‘He râh he na pathlazy ei pie aw,’ tahpa ta bie nâ taihtuhpa tlai chata a vâlyuhchâpa na hmia lâta pasiesa aw ta, cha tawhna chata ei sawchapawpa châta lapinô na hiapa aw.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

2 ABEIZY 10:1

Ahabâ ta Samâri liata sawchapaw sysari hnei ta. Zehu ta Samâri lâ châ paphao ta, khihpi ryureituhpazy, machâzy nata Ahabâ pathla mohôhtuhpazy hnohta,

2 ABEIZY 10:5

Abei o avaotuhpa nata khihpi avaotuhpa ta, machâzy nata hawti mohôhtuhpazy chhaota a paraohpa ta, Zehu lâ chyhsa tuah ei ta, a hnohta, “Châ chakaotuhpazy eima châ. Tao awpa miah na tahpa maih eima tao aw. Ahy hmah abei ta tao aw ma pi. Pha na tahpa hawhta tao mah y,” tah ei ta.

PUASAINA 13:11

“Abeipa ta nâmo nata châ pathlatuhpazy bie a châ taihpa hawh ei ta, Kâna mo râh cha tlôkheipa ta, cha râh cha a cha pie ti ei ta,

PUASAINA 13:5

Abeipa ta nâmo cha pie awpa ta châ pathlatuhpazy hnohta bie â vaw taihpa Kâna mo, Hiti mo, Amawri mo, Hivi mo nata Zebu mozy pahrâna râh, sâhpiti nata kheihti lona râh a cha tlôkhei ti ei ta, he thla liana heta, he chakaona he nama hmâ tyh awpa a châ.

PUASAINA 33:1

Abeipa ta Mawsi hnohta, “Izi râh tawhta nâ kaw chhi papuapazy chhao khata, he su tawhta pua u la, Abarahâ, Aisika nata Zakaw hnohta, ‘Na pathlazy hnohta ei pie aw,’ tahpa ta bie ei vaw taihpa râh lâ khy teh u.

PUASAINA 6:8

Abarahâ, Aisika nata Zakaw zy hnohta pie awpa ta ei ku chaluahpa ta bie ei taihpa râh lâ châ chhi aw ei na ta, cha râh cha nama ryuto châta ei cha pie aw ei, kei he Zehôvâh ei châ,’ tahpa ta chho mah y,” tah ta.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ISAI 49:15

“Chanô ta a saw sâhpi a ngiehpa a my thei aw ma? A chhi tawhta a puapa ngiachhie leipa ta a y aw ma? Chanôzy ta la ama sawzy ama my ngyu na, Kei deikua ta la cha my aw va na.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

EZEKIA 34:23

Nâ chakaotuhpa Dâvi cha âmo vaituhpa ta soh aw na ta, ano ta âmo cha a pasa aw. Âmo cha pasa aw ta, âmo vaituhpa a châ aw.

ZAWHÂNA 10:11

Kei he mietaku vaituh phapa ei châ. Mietaku vaituh phapa cha mietakuzy châta a hrona a pie.

1 KAWRINI 4:15

Krista liata chhituhpa thy kha hnei hra u la, Paw deikua a hluhpi hnei veih ei chi. Kei he thâtihpha vâta Krista Zisu liata nama paw ei châ.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

RYHPACHANEINA 1:31

Chyhsa ta a sawchapawpa a pipa hawhta, Abeipa nama Khazohpa ta râhchawhpa liata cha pi laih ei ta, he su nama vaw tlôna taihta lâpi tlykha ta a cha pi lymâpa ei nama hmôpa hawhna khata,’ tah na ta.

1 THYSALAWNIKA 2:7

Nô ta a sawzy a mohôhpa hawhta, nama hry liata nônaipa ta tlao eima y tyh.