MALUHREINA 11:1 - Mara Bible RV (BSI)

¹ Zawpi ta rairuna amâ tyhpazy vâta Abeipa theina liata paphôh ei ta. Cha cha Abeipa ta a thei nahta, a hiehâh ta. Chatanachata Abeipa mei ama hry liata vaw pua ta, ama riehmo chaki liata su thokhazy vaw kâ ta.

MALUHREINA 11:1 ပူးပေါင်းရင်းမြစ်များ

ÂTHAONA 38:10

A hmotaopa cha Abeipa mohmô liata molei ngaitapa châ ta, Abeipa ta ano chhao cha a thie ha hra.

2 SAMUELA 11:27

Mâchhiesana daihti a chhâ nahta, Dâvi ta chyhsa tuah ta, Bâsebâ cha a o lâ a chhi ta, a lapinô vaw châ ha ta. Dâvi châta sawchapaw sapa ta, châhrasala Dâvi hmotaopa ta Abeipa cha palysa leipa ta.

2 ABEIZY 1:12

Elaizâh ta a chhy ta ama hnohta, “Khazohpa chyhsa ei châ tlai khiahta cha, avâ tawhta mei za tla sala, nâ nata na pheisaih sypangawh kha cha kâ patlô khai mawh ei sy,” tah ta. Avâ tawhta Khazohpa mei za tla ta, ano nata a pheisaih sypangawh zy cha kâ patlô khai ha ta.

ZAWBÂ 1:16

Bie a rei hai nota, chyhsa hropa vaw tlô ta, Zawbâ hnohta, “Avâ tawhta Khazohpa mei za tla ta, mietakuzy nata chakaotuhpazy kâ ta, a kâ patlô khai ha ei. Kei deita he thâtih cha chho awpa ta a vaw râpa ei châ,” tah ta.

HLAZY 106:18

Ama hry liata mei vaw pua ta, Meipaleih ta hmoparaopazy a kâsao ha ei.

HLAZY 78:21

Chavâta, cha biezy cha Abeipa ta a thei nahta, A pathi ia ngaita ta; Zakaw cha mei ta vaw pua thlu ta, Abeipa hiehâhna ta Izarei cha a thyuhnao.

HLAZY 78:63

Mei ta ama satliazy kâ khai ha ta, Ama laihsazy ahneina hla sa thei khao veih ei.

PUASAINA 16:7

my ta Abeipa rônahna nama hmô aw. Keimo he khâpa ma eima châ tly, eima chô liata nama paphôhpa he?” tah ei ta.

PUASAINA 16:9

Chatawhcha Mawsi ta Arawna hnohta, “Izarei zawpi zydua hnohta, ‘Abeipa hmiakô lâ a vaw hnia teh u, nama paphôhnazy a thei haw,’ tahpa ta kei chho teh,” tah ta.

ISAI 10:17

Izarei khaihna cha mei châ aw ta, A Mo Pathaihpa cha mei palei a châ aw; Chatanachata a diahsai nata ahlohzy cha, Noh kha ta a kâ patlô khai aw.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

CHAPHÔHTUNA 3:39

Khazia chyhsa hrohpa ta paphôhpa ta, A moleinazy vâta hriena kyh liata a paphôh tly?

EZEKIA 20:36

Châ pathlatuhpazy Izi râh râhchawhpa liata ei pachiapa hawhna ei khata, nâmo chhao ei cha pachia aw ei, Abeipa Zehôvâh ta a tah.

THEIHTHAINA 10:2

Abeipa tawhta mei vaw pua ta, âmo cha kâsao ta, Abeipa hmiakô liata thi ha ei ta.

NÂHU 1:5

Ano hmiakô liata la, Tlâhpizy a sih ei ta, Tlâhthlôhzy ama zao khai; Ano mohmô liata la, Alei chhao he a chalyu ta, Khizaw nata a chhôh liata a ypa zydua amâ chalyu.

HABAKU 3:5

Hripipa a hmia lâta sie ta, Potlana ta a pazi laih.

MALUHREINA 10:33

Chatanachata Abeipa tlâh tawhta pua ei ta, noh thôh lâsie taih sie ei ta. Amâ pahâ nawpa su tlua awpa ta, Abeipa Biehrai Byh cha noh thôh chhôh ama hmia lâta sie ta.

MALUHREINA 11:18

Zawpi hnohta, ‘Mylâ châta a pathai teh u, sa cha nama nie aw. Abeipa theina liata, “Sa nie awpa ahy ma miah a pie aw? Izi râh liana kha eima phasa viapa tlai,” tahpa ta cha ei chi ta. Chavâta Abeipa ta sa cha pie aw ei ta, nama nie aw.

MALUHREINA 12:2

“Mawsi hnoh dei ta ma Abeipa ta bie a reih? Keimo hnohta chhao reih hra vei mâ?” tah ei ta. Cha cha Abeipa ta thei ta.

MALUHREINA 14:2

Izarei saw zydua ta Mawsi nata Arawna chô liata paphôh ei ta, ama hnohta, “Izi râh liana kha vaw thi ha sih la a pha via awpa tlai, cha leipa chhao ta, he râhchawhpa liana heta thi sih la tlao a pha via aw!

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MALUHREINA 14:27

“He zawpi moleipa, ei chô liata a paphôh ngâ thlâh hapazy he, khachâ ma ei chhyh thai aw ei? Izarei sawzy paphôhna, ei chô liata ama paphôhnazy he ei thei haw.

MALUHREINA 14:28

Chavâta ama hnohta, ‘Ei hrona reipa ta ei reih, ei nah theina liata nama reipa hawh tlai ta, kei chhao ta nama chô liata ei tao hra aw:

MALUHREINA 16:11

Nâ nata na sahlao zydua Abeipa a dyuh awpa ta namâ hmaohpakhypa a châ hih. Arawna cha khâpa hmo ma tao ta, a chô liata nama paphôh?” tah ta.

MALUHREINA 16:35

Chatawhcha Abeipa tawhta mei vaw pua ta, ropahâhpa a hlâ haipa chyhsa 250 cha a kâsao khai ha ei.

MALUHREINA 17:5

Ei tlyhpa chyhsa chôchahrei cha a chhyh kaw thao aw ta, chatanachata Izarei sawzy paphôhna, na chô liata ama paphôhna cha ei padia aw,” tah ta.

MALUHREINA 21:5

Zawpizy ta Khazohpa nata Mawsi chakhiapa ta bie reih ei ta, “Khazia râhchawhpa liata thi awpa ta Izi râh tawhta miah namâ kaw chhi papua? Viahchhâ y va, ti chhao y va, he pati pasichhihpa he miah a ai tu ha bâ,” tah ei ta.

1 KAWRINI 10:10

Ama hry liata thokha ta paphôh ei ta, pahleipadiatuhpa ta a pahleipadia hapa hawhna ei khata, keimo la paphôh khah ei suh u.

RYHPACHANEINA 25:18

Nama riethei thachhâ lichih ta, lâpi liata châ vaw byh ei ta, hnôh a chhâhpa, chiehleipa hnôh a khawpa zydua ama thie khai haw. Khazohpa china rai hnei veih ei.

RYHPACHANEINA 32:22

Ei hiehâhna ta mei papua ta, Athihkhih a thu chaipazy lâ taih kâ laih ta, Alei nata a kôveizy kâ khai ta, Tlâhpizy abôna chhao a kâ khai haw.

RYHPACHANEINA 9:22

“Tâberâ liata zy, Mâsâ liata zy, Kibarôhâtavâ liata zy chhao Abeipa hie pahâh ei chi ta.

HEBRAI 12:29

eima Khazohpa he a kâ patlô theipa mei châ tlôh ta.

ZÂMIE 5:4

Nathlie tua u, nama lyu rai a hriapazy hlao â doleipa ta nama patâhpazy khata nâmo leihpa ta awh ei ta, hriatuhpazy chana pyu cha, Pheisaihzy Abeipa nakhaoh liata â ngia haw.

ZUDÂH 1:16

Cha hawhpa chyhsazy cha, ama moleina hmo khopazy chadaipa ta, paphôhpalyuh thaipa nata reipasipasua a hmâhpazy châ ei ta, athôhna hmô khoh vâta khokhei viapa hneipa ta, pakah kawhpa ta a palaipazy ama châ.