MALUHREINA 10:9 - Mara Bible RV (BSI)

⁹ Nama râh liata khakhaipa châ tlybaipazy a dyuh awpa ta nama sie tita, zikyurâna chiahmiezy nama tô awpa a châ. Chatanachata Abeipa nama Khazohpa hmiakô liata a thei thlâh hapa ta y aw ei chi ta, nama khakhaipazy tawhta pachhapa nama châ aw.

MALUHREINA 10:9 ပူးပေါင်းရင်းမြစ်များ

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

2 THÂTIHZYRONA 13:12

Pachâ teh u, eima hnohta y ta, keimo miah chhituhpa cha Khazohpa châ ta, a theihthaipazy ta ama chiahmiezy tô ei ta, nâmo a dyuh awpa ama pahrua. Hy Izarei sawzy saih u, Abeipa châ pathlatuhpazy Khazohpa cha a dyuh cheita khuh vy. Nama hlaotloh aw vei,” tah ta.

2 THÂTIHZYRONA 13:14

Zudâh pheisaihzy cha a heih ei ta, ama hmia nata hnôh ta chariah ta ama chadô hapa hmô ei ta. Abeipa pado ei ta, theihthaipazy ta chiahmie tô ei ta.

HLAZY 106:4

Hy Abeipa, na phopi na khokhei tita nâ thei la, Na pachha ti ei ta na bao mah y.

HLAZY 106:42

Ama chariahpazy ta tlybai ei ta, Ama chariahpazy biehneina ry liata sopa ama châ.

HLAZY 136:23

Abeipa cha eima duahmo chhie nota miah a theituhpa châ ta, A kyhpachâna tlyzaw ta a daihpa a châ.

ISAI 18:3

Khizaw chyhsa zydua saih u, Alei chô liata a pahrâpa zydua saih u, Tlâhpizy liata ngiana poh ama chaluah tita moh u la, Chiahmie ama tô tita nathlie muh vy!

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ZEREMIAH 4:19

Ei pasa rimâ cha, ei pasa rimâ cha! Ei taikalô pâ ngâ kaw dia! Aw, ei palôh pasa rimâ cha! Ei châh-ao thata a chalyu ta, Y molo thai khao va na. Chiahmie pyu thei na ta, Adyuhna rahaopa pyu ei thei.

ZEREMIAH 4:21

Khati taih ma ngiana poh chaluahpa hmô aw na ta, Chiahmie pyu ei thei aw tly?

ZEREMIAH 4:5

Zudâh râh liata chhopa ta, Zerusale liata phuah u la, Hetana heta tah teh u: “Râh chhôh zydua liata chiahmie tôpa ta, A paro ngaitapa ta awh u la, ‘A vaw hmaoh u la, Thokhy ta dôhpa khihpizy liata a ngia suh u,’ tah teh u.

ZEREMIAH 49:2

Chavâta moh teh u, Amawna mo yna Râbâ khihpi a dyuh awpa ta, Apahôpahâna pyu thei awpa ta Ri tao nawpa nohzy a vaw tlô hai,” Abeipa ta a tah. “Râbâ khihpi cha, Raona apathluna khihpi châ aw ta; A khichapeihzy chhao, Mei ta raopa a châ aw; Ano a photuhpazy cha, Izarei ta a pho aw ei,” Abeipa ta a tah.

ZEREMIAH 6:1

Hy Benzami pathlazy saih u, Abohna su lâ a râ u la, Zerusale tawhta pua teh u! Tekô liata chiahmie tô u la, Behakere liata ngiana poh chaluah teh u! Maw lâ tawhta chhiena vaw pua ta, Raona rarôh y ngaitapa a vaw pua.

ZEREMIAH 6:17

“Riahvaituhpazy cha sopa ei na ta, Chiahmie pyu nathlie awpa ta ei cha chho ei. Châhrasala, ‘Nathlie aw ma pi,’ tah ei chi ta.

EZEKIA 7:14

“Chiahmie tô ei ta, ato a mâ chiehpa ta a y. Châhrasala ei hiehâhna cha ama zawpi zydua chô liata a ypa vâta, ahy hmahta adyuhna lâ sie veih ei.

HÔSIA 5:8

Kibia liata saki tô teh u; Râmâ liata chiahmie tô u la, Bethave liata adyuhna pyu parosa teh u; Hy Benzami, eima cha pazi.

THEIHTHAINA 23:24

“Izarei sawzy chho la, ama hnohta hetana heta reih teh: Thla sarina, cha thla noh khana noh cha nama châta apahâna zachhihpa noh châ ta, chiahmie tôpa ta atheithlâhna noh ta phuah aw ei chi ta, pakhypi pathaihpa hmâna noh a châ aw.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

ZEPHANIA 1:16

Thokhy khihpizy nata o sâhpazy a dyuh awpa ta, Chiahmie tôna noh châ aw ta, Hladyuh pathluahna noh a châ aw.

MALUHREINA 31:6

Mawsi ta âmo cha adyuhna lâ pasiesa ta, chi to hry tawhta sâh kha chyu pua ei ta, theihthaipa Eliaza sawchapawpa Phinehâ chhao, hmobaoh pathaihpazy nata biepie nawpa ta chiahmiezy chabapa ta adyuhna lâ sie hra ta.

1 KAWRINI 14:8

Chiahmie chhao he chybia hnei leipa ta a paro khiahta cha, ahy ma a dyuh awpa ta a mâ aw?

RYHPACHANEINA 20:1

“Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

ZAWSUA 6:5

Mietaku tôhpa ki cha ao pasipa ta tô aw ei ta, chiahmie pyu nama theipa nahta, zawpi zydua ao paro ngaitapa ta awh aw ei chi ta, chatanachata khihpi thokhy cha cho aw ta, zawpizy cha âmo dady chyu liata khihpi chhôh lâ amâ ngia aw,” tah ta.

RYUREITUHPAZY 10:12

Sidaw mo tawhta chhao cha pachha ei na ta, Amale mo nata Maoni mozy ta cha tlybai ei ta, na pado ei chi ta, ama ku tawhta cha pachha ha veih ei na ma?

RYUREITUHPAZY 10:8

Cha kô liata Amawna mo ta Izarei sawzy cha thata tlybaipa ta taochhie ei ta. Zawdâh haosâ Kilia liata Amawri mo râh liata a ypa Izarei saw zydua cha kô hrawh hleicharie chhôh tlai tlybai ei ta.

RYUREITUHPAZY 2:18

Abeipa ta ama châta ryureituhpazy a paduana daihti maihta, Abeipa cha ryureituhpa hnohta y ta, ryureituhpa hro chhôh zydua cha, Abeipa ta ama chariahzy ku tawhta a pachha lymâ tyh ei. Ama chariahzy ta tlybai ei ta, rie ama patheipa vâta, amâ hrôna ao ta Abeipa cha ngiachhiena a pahneisa heih tyh.

RYUREITUHPAZY 3:27

A tlô nahta, Epharai tlâh râh liata chiahmie tô ta, Izarei sawzy cha a hnohta tlâh râh tawhta zu ei ta, Ehu ta âmo cha chhihtha ta.

RYUREITUHPAZY 6:34

Abeipa thlahpa cha Kidia chô liata vaw tlô ta. Chiahmie tô ta, Abieze pathlazy cha ano zi awpa ta awpapua ta.

RYUREITUHPAZY 6:9

Izi mo ku tawhta nata nâmo châ tlybaipa zydua ku tawhta cha pachha ei na ta, nama hmiakô tawhta âmo cha papua na ta, ama râh ei cha pie ei.

1 SAMUELA 10:18

Izarei sawzy hnohta, “Zehôvah, Izarei Khazohpa ta hetana heta a tah: ‘Izarei cha Izi tawhta a kaw chhi papua na ta, Izi mo ku tawhta cha pachha ei na ta, châ tlybaituhpa abeinarâhzy ku tawhta chhao ei cha pachha ei.’