MALUHREINA 10:10 - Mara Bible RV (BSI)

¹⁰ Nama thaphana noh liata zy, nama kyhchhi daihti raopa liata zy, nama thla thiehpa liata zy, nama raopa hlâna nata nama aryhna hlâna atheihna liata zy chiahmie nama tô awpa a châ. Hezy he nâmo châta nama Khazohpa hmiakô liata atheithlâhna châta a châ aw: Kei he Abeipa nama Khazohpa ei châ.”

MALUHREINA 10:10 ပူးပေါင်းရင်းမြစ်များ

HLAZY 81:3

Thla thiehpa liata chiahmie tô u la, Thlâpâ pôlô no nata eima kyhchhi noh liata chhao tô teh u.

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

NEHEMIAH 12:35

A pazipa ta theihthaipazy pathla chiahmie tôtuhpazy hry liatapa Zawnathâ sawchapawpa Zekaria sie ta. Zekaria cha Semiah sawchapawpa châ ta, Semiah cha Mâtaniah sawchapawpa châ ta, Mâtaniah cha Mikai sawchapawpa châ ta, Mikai cha Zaku sawchapawpa châ ta, Zaku cha Asâpha sawchapawpa a châ.

EZRÂ 3:10

Osatuhpazy ta Abeipa Achhyna o lôbô ama bô nahta, theihthaipazy ta ama theihthaipa chysiazy ta a tobipa ta, chiahmiezy chabapa ta hmia lâ vaw pua ei ta, Livai chi Asâpha pathlazy chhao paotlâzy chabapa ta, Izarei bei Dâvi biepiepa hawhta Abeipa reithai awpa ta vaw pua hra ei ta.

2 THÂTIHZYRONA 29:28

Zawpi ahmaohpakhypa zydua ta Khazohpa a chhy ei ta, hlasathaipazy ta hla sa ei ta, chiahmie tôtuhpazy ta chiahmie tô ei ta. Raopa hlâna hlâ khaipa a châ hlâlei, cha hawhta tao lymâ ei ta.

2 THÂTIHZYRONA 29:26

Livai pathlazy cha Dâvi pyungiapa chhaichhizy a chabapa ta a duah ei ta, theihthaipazy chhao chiahmiezy a chabapa ta a duah ei ta.

MALUHREINA 10:9

Nama râh liata khakhaipa châ tlybaipazy a dyuh awpa ta nama sie tita, zikyurâna chiahmiezy nama tô awpa a châ. Chatanachata Abeipa nama Khazohpa hmiakô liata a thei thlâh hapa ta y aw ei chi ta, nama khakhaipazy tawhta pachhapa nama châ aw.

HMOTAOPAZY 10:4

Kawnilia ta ano cha kei moh ta, chi ngaita ta, a hnohta, “Abeipa, khâpa maw?” tah ta. Vâlyuhchâpa ta a hnohta, “Na thlahchhânazy nata na hmopiepazy avâ lâ kiah ta, Khazohpa ta a pahno thlâh haw.

MATHAI 11:28

Nâmo, hriapasapa nata phaohripa zydua saih u, kei lâ a vy u la, ei cha pahâsa aw ei.

HLAZY 89:15

Thaphana pyu a theipa phopi cha a nohlao na, Hy Abeipa, âmo cha, Na hmia khaihna liata a chareipazy ama châ.

2 THÂTIHZYRONA 7:6

Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

1 THÂTIHZYRONA 16:42

Hemâ nata Zeduthu cha pyungiapa châta chiahmiezy nata paotlâzy hnei ei ta, Khazohpa hla sa nawpa ta chhaichhizy ama hnei. Chhikao vaituhpazy châta Zeduthu sawchapawzy rao­pa ama châ.

1 THÂTIHZYRONA 15:28

Izarei saw zydua ta mietaku tôhpa ki, chiahmie nata paotlâ pyuzy chhaota thata rahaona chôta nata tlaipihzy nata totâzy a paro ngaitapa ta tôpa ta, Abeipa Biehrai Byh cha ama khykhei haw.

1 THÂTIHZYRONA 15:24

Theihthaipa sahlao, Sebaniah, Zehôsaphâ, Nethane, Amasai, Zekariah, Benai nata Elieze zy cha Kha­zohpa Byh hmiakô liata chiahmie tôtuhpazy ama châ. Obededô nata Zehiah cha Byh châta chhikao vaituhpazy ama châ.

ZAWSUA 4:7

ama hnohta, ‘Abeipa Biehrai Byh hmiakô liata Zawdâh tizy a chie pachhôpa atheithlâhna a châ. Abeipa Biehrai Byh ta Zawdâh a chaka nota, Zawdâh tizy a chie pachhô haw. Chavâta he alôzy he Izarei sawzy ta, cha thâtih cha chhâzaw ta amâ thei thlâh nawpa châta a châ,’ tahpa ta nama chho aw,” tah ta.

MALUHREINA 29:1

“Thla sarina noh khana noh liata pakhypi pathaihpa hnei aw ei chi ta, rai rupa nama hria awpa châ vei. Nama châta chiahmiezy tôna noh a châ aw.

THEIHTHAINA 23:24

“Izarei sawzy chho la, ama hnohta hetana heta reih teh: Thla sarina, cha thla noh khana noh cha nama châta apahâna zachhihpa noh châ ta, chiahmie tôpa ta atheithlâhna noh ta phuah aw ei chi ta, pakhypi pathaihpa hmâna noh a châ aw.

PUASAINA 28:29

Chatanachata Arawna cha su pathaihpa lâ a vaw tita, pachiana chachôhna vyhphao liata ropa Izarei sawzy moh cha a pathipalôh liata y aw ta, atheithlâhna châta Abeipa hmiakô liata a tlôkhei tyh aw.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.

1 THYSALAWNIKA 4:18

Chavâta cha biezy chata thlah a palôh raihrie teh u.

1 KAWRINI 15:52

Chiahmie hnôhchaipa a paro tita, sôkha ta, movi hlâta pananopa ta eima y khai aw. Cha tita, athihpazy cha thi khao lei awpa ta pathyupa châ aw ei ta, keimo chhao pananopa ta eima y ha aw.

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

HLAZY 150:3

Chiahmie pyu ta ano cha reithai u la, Tlaipih nata totâ ta ano cha reithai teh u!

PUASAINA 30:16

Hrona chatlaina sôh cha Izarei sawzy tawhta la aw chi ta, ahmaohna poh o liata chakaona rai hria nawpa châta na pie aw. Chatanachata nama hrona chatlai nawpa ta nama piepa a châzie Izarei sawzy ta Abeipa hmiakô liata namâ thei thlâhna a châ aw,” tah ta.

MALUHREINA 28:11

“Nama thla thiehpa maihta, Abeipa lâta raopa hlâna, viahchao tôh dawpa pô no nata mietaku tôhpa pô kha nata mietakutaw chapawpa kô khapa seina hnei leipa pô sari nama hlâ tyh aw.

1 SAMUELA 20:5

Dâvi ta Zawna­tha hnohta, “Pachâ teh, mylâ khi thla thiehpa noh châ ta, abei hnohta pati ei dôh nawpa noh a châ. Hânoh zâlâ taihta lyurâhpa liata a nyu awpa ta na pasiesa chy teh.

2 ABEIZY 4:23

A vahpa ta, “Khazia tanoh cheingei cha ano lâ sie nâ chhuah? Thla thiehpa chhao châ leipa ta, Pahânoh chhao châ va,” tah ta. Chanô ta, “A pha thlâh ha aw,” tah ta.

ZAWSUA 6:4

Theihthaipa pasari ta Byh hmia lâta mietaku tôhpa ki chiahmie miasari chaba aw ei ta, noh sarina noh ta khihpi cha ei sari chahlô aw ei chi ta, theihthaipazy ta chiahmie cha ama tô aw.

HLAZY 81:4

Cha cha Izarei châta bieraopa châ ta, Zakaw Khazohpa biepiepa a châ.