MALUHREINA 1:53 - Mara Bible RV (BSI)

⁵³ Livai pathlazy deikua cha, Izarei zawpi chô liata hiehâhna a vaw tlô lei nawpa ta, Biehrai byureih chheipâh liata ama poh o ama rai aw. Livai pathlazy cha Biehrai byureih mohôhtuhpa ama châ aw,” tahpa ta a rei hapa vâta a châ.

MALUHREINA 1:53 ပူးပေါင်းရင်းမြစ်များ

1 THÂTIHZYRONA 23:32

Ahmaohna poh o nata su pathaihpa mohôhna kyh liata chhao maophaohna piepa châ ei ta, Abeipa o chakaona raihria liata Arawna sawchapawzy nata ama unawhzy ama bao tyh.

2 THÂTIHZYRONA 13:10

Keimo deikua la, Abeipa cha eima Khazohpa châ ta, ano cha tleisai ma pi. Abeipa châta chakaona rai hria awpa ta Arawna pathla theihthaipazy hnei pi ta, âmo chakaona rai chyu a hria awpa Livai pathlazy chhao eima hnei.

2 THÂTIHZYRONA 13:11

Noh chareih nata zâ chareih ta Abeipa lâ raopa hlânazy nata ia-ô pahâhpa ropahâhpazy hlâ ei ta, ngôh suapa ta taopa tlâhkhai liata viahchhâ chaluahpazy soh tyh ei ta, zâ to ta a khaih thei nawpa ta meiôh patyuna nata a meiôhzy ama mohôh lymâ. Keimo la Abeipa eima Khazohpa biepiepa zyh pi ta, nâmo deikua la Abeipa nama tleisai haw.

ZEREMIAH 23:15

Chavâta hrohsopazy kyh liata, Pheisaihzy Abeipa ta hetana heta a tah: “Pachâ teh u, Zerusale hrohsopazy tawhta a thaopa ta, Râh zydua liata Khazohpa papeisa leina a tlai hapa vâta, Pati khapa paniesa aw ei na ta, Châmaih ti ei padosa aw ei.”

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

THEIHTHAINA 10:6

Mawsi ta Arawna nata a sawchapaw Eliaza nata Ithamâ zy hnohta, “Nama sâ pathliah leipa u la, nama chysiazy hrie hra khuh vy. Chataleipatala thi aw ei chi ta, zawpi zydua chô liata Abeipa hiehâhna a vaw tlô pathlei aw na. Nama chiheih Izarei chhôhkha zydua deikua ta, Abeipa ta mei ta a pakâsao hapazy cha chakhei mawh ei sy.

MALUHREINA 1:50

Livai pathlazy cha Biehrai byureih mohôhtuhpa nata a hmobaoh zydua nata cha liata hmo a ypa zydua a mohôhtuhpa ta na rao awpa ei a châ. Achhyna byureih nata a hmobaoh zydua a sy tyh aw ei ta, mohôh aw ei ta, achhyna byureih kiapâh liata a rie aw ei ta, ama ypâ tyh aw.

MALUHREINA 1:54

Cha hawhna chata Izarei sawzy ta tao ei ta, Abeipa ta Mawsi bie a piepa hawhta a zydua ta tao ei ta.

MALUHREINA 16:46

Mawsi ta Arawna hnohta, “Ropahâhpa raona na biebuh kha la la, a chô liata maisâh liata mei kha soh la, ropahâhpa mia la, zawpi lâ a râkhei para la, âmo châta chatlaina tao teh. Abeipa tawhta hiehâhna pua ha ta, potlana â thao haw,” tah ta.

MALUHREINA 16:9

Izarei Khazohpa ta nâmo cha Izarei zawpi hry tawhta cha panano ei ta, ano a hnia awpa ta a cha rao ei. Abeipa achhyna byureih liata chakao ta, zawpi hmiakô liata a duah ta zawpi chakao awpa ta a châ tlyhpa ei he, hmo chyhpa ta ma nama pachâ?

MALUHREINA 17:7

Mawsi ta chôchahreizy cha Biehrai Byh poh o chhôh liata Abeipa hmiakô ta soh ta.

MALUHREINA 2:17

“Ahmaohna poh o nata Livai pathlazy poh ozy a liah liata y aw ta, ama sie tita, ahmaohna poh o nata Livai pathlazy cha a liah liata ama sie aw. Chyhsa to ama su chyu liata ypa ta ama sie aw.

MALUHREINA 3:23

Kesao phozy cha achhyna byureih hnôh lâta notla baih lâta ama poh o rai aw ei ta,

MALUHREINA 3:29

Kôhâ sawchapawzy tawhta pho a puapazy cha achhyna byureih chho lâ chhâh ta ama poh o rai aw ei ta,

MALUHREINA 3:35

Merâri pathlazy hyutuhpa cha Abihai sawchapawpa Zurie châ aw ta, âmo cha achhyna byureih maw lâ chhâh ta ama poh o ama parai aw.

MALUHREINA 3:38

Nochhi lâ chhâh ta achhyna byureih hmia lâ, ahmaohna poh o laihmia lâta noh vaw chhi tyhna dady ta poh o a parai awpa cha, Mawsi nata Arawna nata a sawchapawzy châ aw ei ta, âmo ta supathaihpa mohôh aw ei ta, Izarei sawzy ama mohôh aw. Khôtho chyhsa theihthaipa chakaona rai hria awpa ta achhyna byureih a hniapa maih cha thiepa a châ aw.

MALUHREINA 31:30

Izarei sawzy ta khophie ama topa tawhta, sypangawh liata miakha lymâ ta, chyhsapazy, viahchaozy, alâzy, mietakuzy, miezy nata sahroh zydua khei aw ei chi ta, Abeipa achhyna byureih mohôhtuhpa Livai chizy nama pie aw,” tah ta.

MALUHREINA 31:47

Abeipa ta Mawsi bie a piepa hawhta, Izarei sawzy ta khophie ama topa tawhta, Mawsi ta chyhsapa nata sahrohzy tawhta, sypangawh liata miakha lymâ ta la ta, Abeipa achhyna byureih mohôhtuhpa Livai chizy hnohta a pie ei.

MALUHREINA 8:19

Izarei sawzy châta ahmaohna poh o liata chakaona rai hria awpa nata Izarei sawzy ta supathaihpa amâ hnia tita ama hry liata potlana a y lei nawpa ta chatlaina taopa awpa ta, Izarei sawzy hry tawhta Livai pathlazy cha Arawna nata a sawchapawzy hnohta hmosaipiepa ta ei pie ei,” tah ta.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

1 SAMUELA 6:19

Beseme khihsaw thokhazy deikua cha, Abeipa Byh chhôh lâ ama mopa vâta, Abeipa ta a thie ha ei. Ama hry liata chyhsa sysari tlai thie ta, Abeipa ta thata a thiepa vâ ei ta khihsawzy cha mâchhiesapa ta ama y.