MALUHREINA 1:4 - Mara Bible RV (BSI)

⁴ Chi kha tawhta pakha lymâ ta, chi hyutuhpazy ta ama cha bao aw.

MALUHREINA 1:4 ပူးပေါင်းရင်းမြစ်များ

1 ABEIZY 8:1

Sawlawmaw ta Abeipa Biehrai Byh cha, Dâvi khihpi Zaio tawhta la papua awpa ta, Izarei pathla chhituhpa zydua, Izarei machâzy nata Izarei chi hyutuhpa zydua cha, Bei Sawlawmaw hmiakô liata a luah awpa ta Zerusale liata awpakhy ta.

PUASAINA 18:21

Cha thota, chyhsa hmâ tlâhpa, Khazohpa a chipa, ngâchhihpa nata avyuhna a haopa chyhsazy zawpi hry tawhta a tlyh aw chi ta, âmo cha sâh kha chô liata hyutuhpa ta zy, za kha chô liata hyutuhpa ta zy, sypangawh chô liata hyutuhpa ta zy, pahrawh chô liata hyutuhpazy ta na rao aw ei.

PUASAINA 18:25

Mawsi ta Izarei saw zydua hry tawhta hmâ tlâhpa chyhsazy a tlyh ta, âmo cha Izarei phopi hyutuhpazy ta tao ta, a sâh chô liata hyutuhpa ta zy, a za chô liata hyutuhpa ta zy, sypangawh chô liata hyutuhpa ta zy nata pahrawh chô liata hyutuhpa zy ta a rao ei.

MALUHREINA 1:16

“Âmo cha zawpizy hry tawhta atlypazy châ ei ta, âmo pathlatuhpa chi liata hyutuhpa, Izarei pho luhpazy ama châ,” tah ta.

MALUHREINA 1:44

Chazy cha ama maluh rei theipa, Mawsi nata Arawna ta Izarei chi hrawh hleinozy vyuhpa ta atlypa hyutuhpazy chhaota ama reipa maluh a châ.

MALUHREINA 17:3

Livai chi chôchahrei liata Arawna moh na roh aw. Cha hawhna chata chi chhituhpazy châta chôchahrei miakha chyu a y aw.

MALUHREINA 25:14

Izarei chyhsa ama thiepa, Midia chanô nata hmaohkha ama thiepa moh cha Salu sawchapawpa Zimri châ ta, Simeôna chi liata pho kha hyutuhpa a châ.

MALUHREINA 25:4

Abeipa ta Mawsi hnohta, “Izarei phopi chhituhpa zydua a chhi la, Abeipa pathiiana ru ngaitapa he Izarei chô tawhta a pai nawpa ta, âmo cha Abeipa hmiakô liata nohchhô sawhvaw ta paaosao teh,” tah ta.

MALUHREINA 30:1

Mawsi ta Izarei chi hyutuhpazy chho ta, “He he Abeipa biepiepa a châ:

MALUHREINA 4:34

Kôhâ pathlazy maluh cha, Mawsi nata Arawna nata zawpi hyutuhpazy ta a pho pho ta nata a chhôh chhôh ta reih ei ta,

MALUHREINA 7:2

Chatawhcha Izarei chhituhpazy ta hmohlâpa hlâ ei ta. Âmo cha Izarei chi nata pho maluh reipazy chô liata chhituhpazy ama châ.

RYHPACHANEINA 1:15

Chatanachata nama chi to tawhta chyhsa sopa nata novâhna ta a biepa hyutuhpazy a chhi ei na ta, nama chô liata hyutuhpazy ta ei tao ei. A sâh chô liata hyutuhpazy, a za chô liata hyutuhpazy, sypangawh chô liata hyutuhpazy, pahrawh chô liata hyutuhpazy nata nama chi chhituhpazy ta ei tao ei.

ZAWSUA 22:14

A hnohta chhituhpa pahrawh, Izarei chizy hry tawhta chhôhkha pawhrâh chaipa pakha lymâ ta pasiesa ei ta. Âmo cha Izarei sâh hluhpi hry liata chhôhkha pawhrâh chaipazy ama châ.