MALUHREINA 1:3 - Mara Bible RV (BSI)

³ Kô kih tawhta chô lâ Izarei saw adyuhna lâ sie thei awpa zydua cha, nâ nata Arawna ta a hlao hlao ta ama maluh nama reih khai awpa a châ.

MALUHREINA 1:3 ပူးပေါင်းရင်းမြစ်များ

2 SAMUELA 24:9

Zôabâ ta Izarei phopi maluh pahlyhpakhypa cha abei chho ta. Izarei liata zaozi a chaba theipa pasaipha 800,000 y ei ta, Zudâh mo cha 500,000 ama châ.

1 THÂTIHZYRONA 5:18

Rubena chi, Kâdâ chi nata Manase chi khophiezy ta vyhphao nata zaozi a chaba theipa nata li a ka theipa pasaiphazy hnei ei ta, adyuhzie a thaipa nata adyuhna lâ a sie thei awpa pheisaih 44,760 ama hnei.

2 THÂTIHZYRONA 25:5

Amazia ta Zudâh zawpizy awpakhy ta, Zudâh nata Benzami mo zydua cha ama pho zipa ta, pheisaih sâh kha hyutuhpazy ry liata nata za kha hyutuhpazy ry liata soh ta. Kô kih tawhta chô lâ maluh reih ta, asei nata vyhphao a hmâh theipa, chariah a dyuh thei awpa ta atlyhpa zydua cha 300,000 ama châ.

PUASAINA 12:17

Cha noh lia tlai ta nama zawpizy Izi râh tawhta ei kaw chhi papuapa vâ ei ta, viahchhâ thinô pahlao leipa kyhchhi nama chay tyh awpa a châ. Cha noh cha nama chhâ zydua liata nama chay tyh awpa châ ta, cha cha nama châta chhâzaw bieraopa ta a y awpa a châ.

PUASAINA 30:14

Maluh reipazy hry liata a hlaopa kô kih tawhta a chô lâ maihta Abeipa lâta hmohlâpa cha ama pie awpa a châ.

PUASAINA 38:26

Kô kih tawhta a chô lâ maluh reipa chapaw 603,550 ta bekâ miakha chyu thyu ei ta. Bekâ miakha cha supathaihpa liata hmâpa sekel reizie ta reipa ta sekel khophie a châ.

MALUHREINA 14:29

he râhchawhpa liana he nama rizy pao aw ta, maluhpi nama reina liata kô kih tawhta chô lâ chyhsa, ei chô liata a paphôhpa zydua nama pao khai aw.

MALUHREINA 26:2

“Izarei chyhsa zydua maluh reih u la, kô kih tawhta chô lâ, a chhôh chhôh ta, Izarei râh liata a pahrâpa adyuhna lâ sie thei awpa zydua reih khai teh u,” tah ta.

MALUHREINA 3:15

“Livai pathlazy a pho pho ta nata a chhôh chhôh ta ama maluh reih la, chapaw thla kha tawhta chô lâ zydua reih khai mah y,” tah ta.

MALUHREINA 32:11

‘Izi râh tawhta a kaw puapa, kô kih tawhta chô lâ chyhsazy cha, palôh tlokhuh ta eina zi leipa vâ ei ta, ahy hmah Abarahâ, Aisika nata Zakaw zy hnohta pie awpa ta bie ei taihpa râh hmô aw veih ei.

MALUHREINA 33:1

Hezy he Izarei sawzy ta Izi râh ama puasai nota, Mawsi nata Arawna chhihthana ry liata a chhâh chhâh ta nata a py py ta ama siena su mohzy a châ.

MALUHREINA 4:3

kô sythôh tawhta chô lâ kô sypangawh taih, ahmaohna poh o liata chakaona rai a hria thei awpa maluh zydua nama reih khai awpa a châ.

RYHPACHANEINA 24:5

“Lapinô hnei dyupa cha adyuhna lâ a sie awpa châ leipa ta, rai hropa chhao pie awpa châ vei. Kô kha chhôh a o liata y aw ta, a lapinô a palysa aw.

RYHPACHANEINA 3:18

“Cha daihti liata bie cha pie ei na ta, nama hnohta, ‘Abeipa nama Khazohpa ta he râh he nama hnei awpa ta a cha pie ei. Nama pasaipha zydua chariah chhaichhi a tobipa ta nama unawhpa Izarei sawzy hmia lâta chavah ama chaka aw.