MALUHREINA 1:16 - Mara Bible RV (BSI)

¹⁶ “Âmo cha zawpizy hry tawhta atlypazy châ ei ta, âmo pathlatuhpa chi liata hyutuhpa, Izarei pho luhpazy ama châ,” tah ta.

MALUHREINA 1:16 ပူးပေါင်းရင်းမြစ်များ

PUASAINA 18:21

Cha thota, chyhsa hmâ tlâhpa, Khazohpa a chipa, ngâchhihpa nata avyuhna a haopa chyhsazy zawpi hry tawhta a tlyh aw chi ta, âmo cha sâh kha chô liata hyutuhpa ta zy, za kha chô liata hyutuhpa ta zy, sypangawh chô liata hyutuhpa ta zy, pahrawh chô liata hyutuhpazy ta na rao aw ei.

PUASAINA 18:25

Mawsi ta Izarei saw zydua hry tawhta hmâ tlâhpa chyhsazy a tlyh ta, âmo cha Izarei phopi hyutuhpazy ta tao ta, a sâh chô liata hyutuhpa ta zy, a za chô liata hyutuhpa ta zy, sypangawh chô liata hyutuhpa ta zy nata pahrawh chô liata hyutuhpa zy ta a rao ei.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MALUHREINA 1:15

Nâthalai chi tawhta Enâ sawchapawpa Ahirâ.

MALUHREINA 1:17

Mawsi nata Arawna ta ama moh reipa sahlaozy cha a chhi ei ta,

MALUHREINA 1:4

Chi kha tawhta pakha lymâ ta, chi hyutuhpazy ta ama cha bao aw.

MALUHREINA 10:4

Chiahmie miakha deita tôpa a châ khiahta cha, chhituhpazy, Izarei chizy hyutuhpazy deita na hmiakô liata amâ vaw hmaoh aw.

MALUHREINA 11:17

Za chô aw na ta, cha liata bie ei châ vaw chho aw. Nâ liata thlahpa a ypa kha la aw na ta, ama chô liata ei soh aw. Chatanachata zawpi phaohri cha, cha phaokhei aw ei ta, nâ dei ta phaoh khao aw va chi.

MALUHREINA 16:2

Âmo chata Mawsi a dyuh ei ta. Ama py liata Izarei sawzy hry liata zawpi chhituhpa nata ryureituhpa châta a tlyhpa chyhsa moh phapa 250 amâ hlao.

MALUHREINA 26:9

Eliabâ sawchapawzy cha Nemua, Dâthâ nata Abirâ zy ama châ. Dâthâ nata Abirâ cha zawpi hry tawhta a tlyhpazy châ ei ta, Abeipa amâ dyuh nota, Kôrâ nata a pakaohpa ta Mawsi nata Arawna a chakhiapazy kha ama châ.

MALUHREINA 30:1

Mawsi ta Izarei chi hyutuhpazy chho ta, “He he Abeipa biepiepa a châ:

MALUHREINA 7:2

Chatawhcha Izarei chhituhpazy ta hmohlâpa hlâ ei ta. Âmo cha Izarei chi nata pho maluh reipazy chô liata chhituhpazy ama châ.

RYHPACHANEINA 1:15

Chatanachata nama chi to tawhta chyhsa sopa nata novâhna ta a biepa hyutuhpazy a chhi ei na ta, nama chô liata hyutuhpazy ta ei tao ei. A sâh chô liata hyutuhpazy, a za chô liata hyutuhpazy, sypangawh chô liata hyutuhpazy, pahrawh chô liata hyutuhpazy nata nama chi chhituhpazy ta ei tao ei.

RYUREITUHPAZY 6:15

Kidia ta a hnohta, “Hy ei zibeipa, kheihta ma Izarei cha ei pachha thei aw? Moh tua, ei pho he Manase chi liata thatlô lei chaipa pho châ ta, keima tlai chhao he ei chhôhkha liata a nawh chaipa ei châ hih,” tah ta.

1 SAMUELA 22:7

Sawla ta a kiapâh liata â duahpa a chakaotuhpazy hnohta, “Nâmo Benzami mozy saih u, nathlie teh u. Zese sawchapawpa heta nama zydua ta lyuzy nata kre sadôzy a cha pie aw ei ma, a pheisaih sâh kha hyutuhpa ta zy nata za kha hyutuhpa zy ta a cha tao khai aw ei ma?

1 SAMUELA 23:23

Chavâta chyhsa â nyukhâhna su zydua pahno a chhuah u la, keima lâ a vy heih u la, bie siapa na vaw chho aw ei chi ta, nama hnohta ei vaw sie hra aw. He râh liata a y tlai khiahta cha, Zudâh chyhsa sâh hluhpi hry tawhta tluapapua aw na ta, ei hmô thlyu aw,” tah ta.