MALAKHAI 4:5 - Mara Bible RV (BSI)

⁵ Moh teh u, Abeipa noh rônahpa nata rarôh y ngaitapa a vaw tlô hlâta hrohsopa Elaizâh ei cha za tuapa tua aw ei.

MALAKHAI 4:5 ပူးပေါင်းရင်းမြစ်များ

ISAI 40:3

Ao vaw paro ta, hetana heta a tah: “Râhchawhpa liata Abeipa lâpi a chhuahdy u la, Râh raohpa liata eima Khazohpa châta Lâlai patlâpa tao teh u.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

ZEPHANIA 1:14

Abeipa noh rônahpa cha â hnia haw, A hnia ha ta, a vaw tlô daihmâ. Abeipa noh pyu rarôh yzie awpa cha, Pasaipha hmahta thata a sâh aw.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

LUKA 1:17

Elaizâh thlahpa nata hmotaotheina ta Khazohpa hmiakô liata sie aw ta, pawzy palôh cha sawzy lâta paheisapa ta, reingiah leipazy cha mosiapazy sona lâta paheisa aw ta, phopi pachhuahpanohpa cha Abeipa châta a mâ chiehpa ta a tao aw,” tah ta.

LUKA 9:30

Chyhsa pano ta Zisu cha bie a chho ei ta. Cha chyhsazy cha Mawsi nata Elaizâh ama châ.

ZAWHÂNA 1:21

Âmo ta, “Cha khiahta la, ‘Ahy na châ? Elaizâh na châ ma?’ tah ei ta. Ano ta ‘Châ va na,’ tah ta. ‘Hrohsopa na châ ma?’ tah ei ta. Ano ta, ‘Châ va na,’” tah ta.

ZAWHÂNA 1:25

Âmo ta a hnohta, “Mesia tlyma, Elaizâh tlyma, hrohsopa tlyma na châ tlôh leipa khiahta cha, khazia chyhsazy bâti na pachâsa ei?” tah ei ta.

BIEPHUAH 6:17

Ama hiehâhna noh rarôh y ngaitapa vaw tlô ha ta, ahy ma a duah thei aw?” tah ei ta.