MALAKHAI 4:1 - Mara Bible RV (BSI)

¹ “Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MALAKHAI 4:1 ပူးပေါင်းရင်းမြစ်များ

ZAWBÂ 18:16

A ry lâta a thari raoh aw ta, A chô lâta a chiahzy a uah aw.

HLAZY 119:119

Lei chyhsa moleipa zydua cha, Thua saiiepa hawhta na thy ha ei; Chavâta kei cha na bieraopazy ei pasô.

HLAZY 37:9

Hmoparaopazy cha chhawh pathlahpa châ aw ei ta, Abeipa a hâtuhpazy deikua cha, râh he ryu ta ama to aw.

PUASAINA 15:7

Nâ beina rônahna ta châ dyuhtuhpazy thy pathlah chi ta, Na hiehâhna papua chi ta, Sawphao hawhta a kâ khai ha ei.

ISAI 40:24

Lopa nata tupa châ ei ta, Alei liata thari ama thla pathaopa nahta, Âmo cha a hu ta hmô ta, Ama uah ha tyh; Chatanachata sâh sihpa hawhta, Chothyu ta a phaoh pathlah ha tyh ei.

ISAI 41:2

A siena maihta pahniena a to lymâpa Nochhi chyhsa siapa cha, Ahy ma Abeipa rai hria awpa ta a pahra tly? Abeipa ta râhzy a ku liata pie ta, A hmiakô liata abeizy a panawh haw. A zaozi ta âmo cha dohlei hawhta pazao ta, A libaw ta sâh sihpa hawhta â zawkhei ha ei.

ISAI 47:14

Moh teh, sawphao hawh dei ama châ; Mei ta âmo cha kâ ta, Meipaleih hmotaotheina tawhta Âmosasyh a pachha thei veih ei. Cha mei cha a palalôh nawpa meihei rakhapa châ leipa ta, A aih awpa mei rakhapa châ vei.

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ISAI 9:18

Paraona cha mei hawhta kâ ta, Diahsai nata ahlohzy cha ama tlôna taihta a kâ aw. Râhmâhpa chha kaluhpazy kâ aw ta, Meikhuh tôh a charihpa ta avâ lâ a kiah aw.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

EZEKIA 20:38

Chhorupazy nama hry tawhta pasipathai aw ei na ta, ei chô liata hmo a paraotuhpazy chhao ei pasipathai ha aw ei. Ama y chyna râh tawhta a chhi aw ei na ta, châhrasala Izarei râh a ngia aw veih ei. Chatanachata Abeipa ei châ tahpa nama pahno aw.

EZEKIA 21:32

Mei liata tipa châ aw chi ta, alei liata na thisaih loh aw ta, a thei thlâh hapa châ khao aw va chi, kei Abeipa ta ei reih haw,’ tah mah y,” tah ta.

EZEKIA 24:11

A pathaih leina zao sala, a upa a kâ khai ha nawpa ta, beih cha a ruapa ta meihei iapa chô liata khaih la, sah sala saih khai ha mawh sy.

EZEKIA 34:17

“Hy ei mietaku zawzy saih u, nâmo kyh liata, Abeipa Zehôvâh ta hetana heta a tah: Pachâ teh u, mietaku nata mietaku likah pachia aw na ta, mietaku tôhpazy nata mie tôhpazy likah ei pachia aw.

EZEKIA 7:10

“Moh teh, noh a vaw tlô hai! Na raona noh a vaw tlô haw. Chôchahrei a paw pakai ha ta, apalaina a paw a pabyuh haw.

ZÔELA 2:1

Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

AMÔSÂ 2:9

“Chatanachôta sidy tho hawhta a sâh ei ta, Ôkâ tho hawhta a chyupa Amawri mo Ama hmiakô liata a pahleipadiapa kha keima ei châ; Chô lâta a thei pahleipadia na ta, Ry lâta a tharizy ei pahleipadia khai haw.

ÔBADIA 1:18

Zakaw pathlazy cha, Mei châ aw ei ta; Zawsi pathlazy chhao, Meipaleih ama châ aw; Esaw pathlazy cha, Sawphao châ aw ei ta; Mei ta rao aw ei ta, Ama pakâ khai aw; Esaw pathlazy cha, Ahrohpa rai y aw veih ei,” Abeipa ta a tah.

NÂHU 1:10

Ahloh buh a chaviapa hawhta châ ei ta, Sahma doh ta a paripa ama lyu; Sâhkô raohpa hawhta pakâ khaipa ama châ.

ZEPHANIA 1:14

Abeipa noh rônahpa cha â hnia haw, A hnia ha ta, a vaw tlô daihmâ. Abeipa noh pyu rarôh yzie awpa cha, Pasaipha hmahta thata a sâh aw.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

ZEKARIA 14:1

Moh teh u, ama cha hraona hmozy nama hry liata amâ rai nawpa daihti Abeipa noh cha a vaw tlô hai.

MALAKHAI 3:15

Tahmâ cha apalaipazy nohlaopa tah pi ta, moleipazy hra ta ama hneirôhpa dei châ leipa ta, Khazohpa pasia ei ta amâ boh thlâh haw,’ nama tah.”

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

MALAKHAI 3:2

Châhrasala ahy ma â vyna noh liata pachyu thei aw ta, â vaw luah tita a duah thei aw? Ano cha patina mei hawhta châ ta, chysia pasutuhpa sâhbaw hawhta a châ.

MALAKHAI 3:3

Tâkâ pathaituhpa nata a thlipasohtuhpa hawhta a tyuh aw ta, Livai pathlazy cha pathaisa aw ta, ngôh nata tâkâ a thlipasohpa hawhta âmo cha a thlipasoh aw ta, siana ta Abeipa lâta hmohlâpazy ama hlâ aw.

MALAKHAI 4:5

Moh teh u, Abeipa noh rônahpa nata rarôh y ngaitapa a vaw tlô hlâta hrohsopa Elaizâh ei cha za tuapa tua aw ei.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

LUKA 19:43

Na chariahpazy ta diahsua cha dôhkhâhpa ta, cha chadô aw ei ta, su to tawhta ama châ dyuh nawpa nohzy a vaw tlô hai.

LUKA 21:20

“Zerusale khihpi cha pheisaihzy ta ama dôhpa nama hmô tita, roryhrapa ta a y nawpa â hnia haw tahpa pahno teh u.

LUKA 6:23

Cha noh liata a ly u la, thaphapa ta a thluah teh u. Pachâ teh u, vârâh liata nama lymâ hluhpi a y. Âmo pathlatuhpazy chhao khata, hrohsopazy chô liata, cha hawhta ama vaw tao tyh.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.