MALAKHAI 3:2 - Mara Bible RV (BSI)

² Châhrasala ahy ma â vyna noh liata pachyu thei aw ta, â vaw luah tita a duah thei aw? Ano cha patina mei hawhta châ ta, chysia pasutuhpa sâhbaw hawhta a châ.

MALAKHAI 3:2 ပူးပေါင်းရင်းမြစ်များ

ÂTHAONA 19:28

Sawdawmâ nata Kawmawrâ nata bypi râh zydua cha sai ta, râh tawhta meikhuh a kaw puapa hmô ta, meihôpi meikhuh hawh tlai ta a charih ngâ kaw ta.

ZAWBÂ 28:1

“Tâkâ khaoh y tlai ta, Ngôh pasiana su chhao a y.

HLAZY 130:3

Hy Abeipa, paraonazy a ngia khai hapa châ la, Hy Abeipa, ahy a duah thei aw?

HLAZY 2:7

Bieraopa ei phuah aw: Abeipa ta ei hnohta, “Ei sawchapawpa châ chi ta, Tanoh he na paw ei châ haw.

HLAZY 76:7

Nâ, nâma tlai cha chi awpa châ chi ta, Na pathi a ia ha khiahta cha, Ahy ma na hmiakô liata a duah thei aw?

BIESOZY 25:4

Tâkâ tawhta a saiiepazy la ha la, Syudaihpa ta hmobaoh tao nawpa chhaichhi phapa hnei aw ta;

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ISAI 4:4

Abeipa ta Zaio sawchanôzy thuhnyna cha pathai aw ta, Zerusale liata thisaih a kiahpazy cha pachiana thlahpa nata mei thlahpa ta a pasi aw.

ZEREMIAH 2:22

Lôiah ta a sipa ta sâhbaw hluhpi hmâh hra la, Na thaileichâna a baipa kha, Khâ ei hmô thlâh ha chy,” Abeipa Zehôvâh ta a tah.

EZEKIA 22:14

Na chô liata hmo ei taona nohzy liata, na riahphana pachyu theipa ta, ku thatlôpa ta na y thei aw ma? Kei Abeipa ta reih ha na ta, ei tao aw.

DÂNIAH 11:35

Daihti raopa a vaw tlô hlâ via cha, chyhsa sopa thokha chhao amâ chapia hra aw, daihti chhâna taihta pasiapa ta nata pathaisapa nata pangyuhpa ta ama y thei nawpa ta.

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 25:10

Chalei awpa ta ama vawh chhôh ta myuhneituhpa cha vaw tlô ha ta, a mâ chiehpazy cha ano nata kialao nie awpa ta a ngia ei ta, ochhi khaw ha ei ta.

MÂKA 9:3

A chysiazy cha a thlaraw vaw sie ta, alei chô liata chysia pasutuhpazy ta ama padiehsa theipa hlâ syulyu ta vaw dieh via ha ta.

LUKA 2:34

Simeôna ta âmo cha byhnâ awpa ta, a nô Mâri hnohta, “Pachâ teh, he hawti he Izarei hry liata chyhsa hluhpi paona nata thyuna châta raopa a châ. Ano cha ngiana châ aw ta, chyhsa hluhpi ta ama reipachhie aw.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

LUKA 3:17

A ku liata barah y ta, a sawhri sâh zie aw ta, a sâh cha pâh liata a ryh aw. Asihpa deikua cha mei pachhai thei leipa liata a rao aw,” tah ta.

LUKA 3:9

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw,” tah ta.

LUKA 7:23

Ei chô liata palôhchâ leina a hnei leipa chyhsa cha a nohlao na,” tah ta.

ZAWHÂNA 8:55

Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

BIEPHUAH 19:8

Poh rih dipa pathliepa nata pathaihpa A bu awpa pasaipa a châ,” vaw tah ta. Poh rih dipa cha mopathaihpazy siana hmotaopa a palâsa.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 6:17

Ama hiehâhna noh rarôh y ngaitapa vaw tlô ha ta, ahy ma a duah thei aw?” tah ei ta.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.

1 SAMUELA 6:20

Beseme khihsawzy ta, “He Khazohpa pathaihpa Abeipa hmiakô liana he ahy ma a duah thei aw? Keimo tawhna heta ahy lâ ma khy sala a pha aw tly?” tah ei ta.