MALAKHAI 3:16 - Mara Bible RV (BSI)

¹⁶ Chatawhcha Khazohpa a chipazy cha a chhohia raihrie ei ta, Abeipa ta ama biereipazy nathliepa ta thei ta. Chatanachata Abeipa a chipa nata a moh a pasâhsapazy atheithlâhna châbu cha a mohmô liata ropa a châ.

MALAKHAI 3:16 ပူးပေါင်းရင်းမြစ်များ

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

2 SAMUELA 7:1

Abei cha a o liata pahrâ ta, a chheipâh chariah zydua tawhta apahâna Abeipa ta a pie nahta,

1 ABEIZY 18:12

Ei cha puasaipa nahta, Abeipa Thlahpa ta ei pahno leina lâ châ chhi aw ta, Ahabâ cha kei chho aw na ta, a cha hmô thei tlôh vei khiahta cha, kei châ chakaotuhpa he ei thyutlia no tawhta Abeipa a chipa ei châpa chhao ta, eina thie thlâh ha aw mâh tâh.

1 ABEIZY 18:3

Ahabâ ta abei o liata hriatuhpazy hyutuhpa Ôbadia cha aw ta. Ôbadia cha Abeipa a chi kawpa chyhsa a châ.

2 THÂTIHZYRONA 6:7

Ei paw Dâvi khata Abeipa, Izarei Khazohpa moh châta o sa khona a palôh liata vaw hnei ta.

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

ESTHERI 2:23

A thâtih cha pasia ei ta, biedopa tlai a châ tahpa ama pahno papua nahta, ama pano ta ama paaosao haw. Cha thâtih cha, abei mohmô lia tlai ta, thâtihzy rona châbu liata ropa a châ.

ESTHERI 6:1

Cha zâ liata abei cha a mô thei leipa ta. Hmo ngia tlâhpazy rona, thâtihzy rona châbu vaw cheih awpa ta biepie ta. Châbu cha abei hmiakô liata reih ei ta.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 104:33

Ei hro chhôh zydua ta, Abeipa lâ hla sa aw na ta; Hrona ei hnei chhôh heta, Khazohpa reithaina hla ei sa aw.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 115:13

Abeipa a chituhpazy cha, A lai a chyh ta byhnâ a pie aw ei.

HLAZY 119:63

Kei cha nâma châ chituhpa zydua viasa châ na ta, Na pachuna bie a zyhpazy viasa ei châ.

HLAZY 139:4

Hy Abeipa, ei paleih liata bie a y hlâ chhao ta, Na pahno chhielie khai tyh.

HLAZY 147:11

Abeipa cha ano a chituhpazy vâta a palôh tlâh ta, A kyhpachâna hnabeiseihtuhpazy vâta a palôh a tlâh tyh.

HLAZY 16:3

Alei liata mopathaihpazy he, Chyhsa pha patluapazy châ ei ta, Âmo cha ei lyna chaipa ama châ tyh.

HLAZY 20:7

Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ.

HLAZY 33:18

Moh teh u, Abeipa mo cha ano a chituhpazy chô liata khaih ta, A kyhpachâna tleih beih leipa hnabeiseihtuhpazy chô liata a khaih tyh.

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

HLAZY 56:8

Ei viavinazy ngiapa ta, Ei mothlihzy na chhiehraôh liata ryh chi ta, Na châbu liata ropa a châ.

HLAZY 56:9

Ei cha padona noh liata, Ei chariahpazy hnôh a sy aw ei ta, Khazohpa cha ei chhâh a châ tahpa ei pahno aw.

HLAZY 66:16

Nâmo, Khazohpa a chipa zydua saih u, A vy u la, nathlie teh u; Ei hro châta a hmotaopazy ei cha chho aw ei.

HLAZY 94:19

Palôh tymâna hluhpi ei hnei nota, Na thlapalôhna ta ei hro tha a patlô heih tyh.

PUASAINA 32:32

Ngiachhiepa ta ama moleinazy rie a ngiahthai mah y. Nâ ngiahthai thei leipa khiahta cha, na châbu liata na ropa tawhna khata na thy ha mah y,” tah ta.

BIESOZY 13:20

Chyhsa sopa a pakyhpa cha ano chhao soh aw ta, Ahrupazy viasa deikua cha pasa a tao aw.

ISAI 26:3

Hy Abeipa, a palôh nâ liata a sohpa cha, Nâ a cha ngâpa vâta, Vaih chi ta thlalôhpa ta na paysa tyh.

ISAI 26:8

Hy Abeipa, na lâpi dopa liata cha hâ pi ta, Na moh nata na mohphana zy he, Eima hro ta a tlaichhaipazy cha a châ.

ISAI 4:3

Zaio liata siesaipa nata Zerusale liata a nguapa, Zerusale liata a hrohpa moh ropazy cha pathaihpa tahpa ama châ aw.

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

ISAI 65:6

Moh teh u, he bie he ei hmiakô liata ropa ta a y: “A chalih thlâh ha leipa aw na ta, Viari thô aw na ta, Ama kalachhôh lia tlai ta viari ei thô aw.

ZEREMIAH 31:18

“Epharai chapa ao hetana heta ei thei: ‘Na chhorei chi ta, Viahchao dawpa hriepa hawhta Eina chhorei chi. Paduapathipa ei châ thei nawpa ta, Nâ chhi pakhua heih mah y, Abeipa ei Khazohpa mah na châ tâh.

ZEREMIAH 8:6

A phapa ta nathlie na ta, Ama biereipa ei thei; Biedopa reih leipa ei ta, Ahy hmahta, ‘Khâpa ma ei vaw tao ha tly?’ Tahpa ta ama paraona ro a chhuah veih ei. Chyhsa to ta âmo lâpi lâ sai a heih ei ta, Adyuhna su liata arâ a thluah ngâpa ama lyu.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

LUKA 2:38

Cha daihti lia tlai ta, Anâ cha a vy ta, Khazohpa lâ alyna bie reih ta, Zerusale chatlaina a hâtuhpa zydua hnohta Zisu thâtih cha chho ta.

HMOTAOPAZY 1:13

O amâ ngia nahta, Pity, Zawhâna, Zâmie, Adaru, Phili nata Thawma, Bâthawlawmu nata Mathai, Alphu sawchapawpa Zâmie nata Saimaw, Zilô py liatapa nata Zâmie sawchapawpa Zudâh zy cha ama yna chhôhpadâhpa chô chaipa lâ khy ei ta.

HMOTAOPAZY 10:2

Kawnilia cha Khazohpa a pachâpa chyhsa châ ta, a chhôhkha zydua chhao Khazohpa a chipa châ ei ta, chyhsa rietheipazy riapha ngaitapa ta baona a pie tyhpa châ ta, Khazohpa lâ thlah khâ a chhâ tyhpa a châ.

HMOTAOPAZY 2:1

Pentikaws noh a vaw tlô nahta, ama zydua ta su kha liata y pakhy khai ei ta.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

EPHESI 5:19

Reithaina hlazy, Khazohpa hlazy, thlahpa hlazy ta bie a chho raihrie u la, nama pathipalôh ta Abeipa lâ hla sapa ta, totâ tô teh u.

1 THYSALAWNIKA 5:11

Chavâta nama tao tyhpa hawhta, a pasyu raihrie u la, tha a patlô raihrie tyh muh vy.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

HEBRAI 10:24

Kyhpachâna nata hmo pha taona liata kheihta ma tha eimâ pathyu raihrie thei aw tahpa pachâ tyh ei suh u.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

HEBRAI 3:13

Nama hry liata ahy hmah moleina ta dôveina liata kuhchhapa ta nama y lei nawpa ta, “tanoh” tahpa a châ chhôh zydua cha, noh chareih ta a pasyu raihrie teh u.

BIEPHUAH 15:4

Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.