MALAKHAI 3:13 - Mara Bible RV (BSI)

¹³ “Eina chakhiana ei chi biezy a pasa ngaita,” Abeipa ta a tah. “Châhrasala nâmo ta, ‘Kheihta ma nâma chakhiana biezy cha eima reih?’ nama tah.

MALAKHAI 3:13 ပူးပေါင်းရင်းမြစ်များ

ZAWBÂ 15:13

Na thlahpa ta Khazohpa chakhia chi ta, Cha hawhpa bie cha na pakah tawhta a pua tly?

ZAWBÂ 40:8

Kei hmâchhâh ma adoleipa ta eina soh aw chi? Nâma nâ do thei nawpa ta ma kei thailei eina pachâ aw chi?

HLAZY 10:11

A palôh liata, “Khazohpa my ha ta, A hmia nyukhâh ha ta, Khati hmahta hmô aw vei,” a tah tyh.

PUASAINA 5:2

Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.

ISAI 3:8

Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ISAI 46:12

“Nâmo, palôh kuhchhapazy saih u, Na nathlie u la; Nâmo, pahniena tawhta a hla kawpazy saih u, Na nathlie teh u:

ISAI 5:19

“Eima hmô thei nawpa ta, A para sala, A tao awpa cha a chatliepa ta tao mawh sy. Eima pahno thei nawpa ta, Izarei Pathaihpa ryhraona cha a vaw hnia sala vaw tlô mawh sy!” A tahtuhpazy cha ama hu a po na!

ZEREMIAH 44:18

Avâ beinô lâ ropahâhpazy rao khao leipa pi ta, ano lâ dopa hlânazy eima patlai khao vei rakha tawhna khata, ato tlao a phahla pi ta, zaozi nata chakâhna zy ta miah a pahleipadia hapa a châ,” tah ei ta.

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

EZEKIA 18:25

“Chatanachôta, ‘Abeipa lâpi cha a do vei,’ nama tah thlâh ha chy pyly. Hy Izarei pathlazy saih u, nathlie teh u: Ei lâpi cha a do vei ma? Nâmo lâpizy kha adoleipa tlao châ vei ma?

EZEKIA 35:13

Na pakah ta ei chô liata nâ palai thlupa ta, keima chakhiana bie hluhpi reih chi ta, ei thei khai haw.

HÔSIA 7:16

Kua ei ta, Châhrasala chô lâ kua veih ei, Dôvei thaipa libaw hawhta ama châ; Ama paleih a khotlâh tuna vâta, Ama beimachâzy zaozi ta ama thi aw. Cha cha Izi râh liata Pahneisaopa ta ama y nawpa a châ.

MALAKHAI 2:14

Chatanachôta, “A chhâpa khâpa ma a châ tly?” nama tah thlâh ha chy. A chhâpa cha, Abeipa cha nâ nata na thyutlia no lapinô likah bie pahnokheituhpa châ ta, na lapinô cha nâ kaolâhpa, biehrai na taokheipa châ ta, châhrasala ano châta ngâ nâ chhih khao leipa vâta a châ.

MALAKHAI 2:17

Nama biezy ta Abeipa rie nama pathei kaw tyh. Châhrasala nâmo ta, “Kheihta ma Abeipa rie cha eima pathei,” nama tah. “Moleina hmo a taopa zydua Abeipa mohmô liata la pha khai ei ta, Abeipa ta â ly kaw ei na,” tah ei chi ta, “Adona Khazohpa cha khataih liata ma a y?” nama tahpazy liana heta Abeipa rie nama pathei haw.

MALAKHAI 3:12

“Chatanachata râh zydua ta nohlaopa cha tah aw ei ta, râh khochhih ngaitapa nama châ aw,” Pheisaihzy Abeipa ta a tah.

MALAKHAI 3:14

‘Khazohpa chakaopa he hraoleipa dei a châ. A biepiepazy eima zyhpa nata mâchhiesapazy hawhta Pheisaihzy Abeipa hmiakô liata eima y tyhpa heta khâpa phahnaina ma a hnei tly?

MALAKHAI 3:8

Chyhsapa ta Khazohpa a hrao aw ma? Nâmo deikua ta cha eina hrao tyh ei chi. Châhrasala nâmo ta, ‘Kheih ta ma eima cha hrao tyh?’ nama tah. Su hrawh su kha nata thyunazy liata eina hrao tyh ei chi.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.