MALAKHAI 3:10 - Mara Bible RV (BSI)

¹⁰ Ei o liata nie awpa a y thei nawpa ta, su hrawh su kha zydua cha thyupakhyna o liata vaw cheih teh u. Cha hawhta nama tao khiahta cha, nama châta vârâh opyzy pahypa ta, nama so nawpa a y khao leina taihta byhnâzy ei cha vaohei ei ma, vaohei veih ei ma, na pasia teh u,” Pheisaihzy Abeipa ta a tah.

MALAKHAI 3:10 ပူးပေါင်းရင်းမြစ်များ

ÂTHAONA 28:22

he alô, lôbô ta ei bôpa he Khazohpa o a châ aw. Chatanachata nâ ta eina piepa chi zydua tawhta su hrawh su kha â kipa ta ei cha pie lymâ aw,” tahpa ta bie a taih ta.

ÂTHAONA 7:11

Nôah hrona kô 600 a tloh kô, thla nona, noh hrawh hleisari noh, cha noh ta, Ti a thu ngaitapa hnawh zydua kaw pali ta, Avâ opy zydua â pahy khai haw.

2 ABEIZY 7:19

pheisaih hyutuhpa ta Khazohpa chyhsa cha a chhy ta, “Abeipa ta avâ opyzy a pahypa chhao ta, cha hawpa cha a y thei aw ma?” tah ta. Elaisâh ta, “Na mo tlai ta hmô aw chi ta, châhrasala nie aw va chi,” tah ta.

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

1 THÂTIHZYRONA 26:20

Livai pathla Ahiza cha Khazohpa sôh sopakhyna o nata hmo pathaihpa sopakhyna o vaituhpa a châ.

NEHEMIAH 12:44

Cha daihti liata, hmo sona chhôhpadâhpazy, thyunazy, thei hmiatuapazy nata su hrawh su khazy mohôhtuhpazy raopa châ ei ta. Âmo cha ryhpa ta â hnawpa hawhta, khih to lyuzy tawhta theihthaipazy nata Livai pathlazy tovyuh ama piepazy pahmaoh ta a mohôh awpazy ama châ. Zudâh mo cha theihthaipazy nata Livai pathlazy chakaona liata amâ ly ngaitapa vâta, theihthaipazy nata Livai pathlazy tovyuh ama pie tyh.

NEHEMIAH 12:47

Zerubâbe nata Nehemiah daihtizy liata cha, Izarei saw zydua ta hlasathaipazy nata chhikao vaituhpazy tovyuh noh chareih ta pie tyh ei ta, Livai pathlazy tovyuh chhao pananopa ei ta, Livai pathlazy ta Arawna pathlazy tovyuh awpa ama panano pachhuah tyh.

NEHEMIAH 13:5

niepa hlâna, ropahâhpa, hmobaohzy, sâh su hrawh su khazy, kresawhti nata sathaw so tyhna chhôhpadâhpa lai ngaitapa cha Tôbia y nawpa ta vaw pachhuahpanoh ta. Cha liata hmo sopazy cha Livai pathlazy, hlasathaipazy, chhikao vaituhpazy nata theihthaipazy châta thyuna zy châta hmâ awpa ta biepiepa kha châ ta.

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

HLAZY 78:23

Chatahrasala chô lâ avâzy khi biepiepa ta, Vârâh ochhizy pahy ta;

BIECHHOTUHPA 11:3

Meihdo cha vâsua ta a bie khiahta cha, Alei chô liata a za patlai tyh. Tho cha chho lâ tlyma, maw lâ tlyma a pao khiahta cha, A paona su liata â zawh tyh.

EZEKIA 34:26

Âmo nata ei tlâhthlôh chaby suzy cha byhnâ pachâsa aw na ta, a daihti ta avâ pasuasa tyh aw na ta, vâ byhnâzy a vaw suah aw.

EZEKIA 44:30

Thei hmiatuapazy hry liata a pha chaipa maih nata nama hmohlâpa to tawhta a pha chaipa maih cha theihthaipazy tovyuh a châ aw. Nama o liata byhnâ a y lymâ thei nawpa ta, viahdie pahlypa pha chaipa cha theihthaipazy hnohta nama pie awpa a châ.

HÔSIA 2:21

“Cha noh liata, Ei cha chyh-ei aw; Avâ chyh-ei aw na ta, Avâ ta alei a chyh-ei aw,” Abeipa ta a tah.

ZÔELA 2:19

Abeipa ta a phopi cha chyh-ei ta, Hetana heta â chhy ei: “Nathlie teh u, sâh vaw patlôsa aw na ta, Kresawhti nata sathaw zy ei vaw patlôsa aw; Chatanachata lôhrâtlôpa ta y aw ei chi ta, Phopizy hry liata Pahneiparâsaopa ta cha tao khao aw veih ei na.

ZÔELA 2:24

“Sawhri hmozy cha sâh ta bie aw ta, Biebuhzy liata kresawhti nata sathaw a khô pathlah aw.

THEIHTHAINA 26:10

Bohpi nama pasopa sâh hlôpazy nie aw ei chi ta, sâh thiehpa so nawpa ta sâh hlôpazy nama patly aw.

THEIHTHAINA 26:3

“Ei bieraopazy zipa ta, ei biepiepazy zyhpa ta nama tao khiahta cha,

THEIHTHAINA 27:30

“Râh tawhta a puapa su hrawh su kha zydua, alei tawhta sâh nata tho theilâpa zydua Abeipa eih châ khai ta, Abeipa châta pathaihpa a châ.

HÂKAI 2:19

Sawvâ liata chi a y chy ma? Hmeiseihta cha, Kre zôh, theiku kô, pawmikarânâ nata ôli kô zy pathei tlâ khao veih ei. Tanoh tawhta deikua cha, byhnâ ei cha pie aw ei,” tah ta.

MALUHREINA 18:21

Ahmaohna poh o liata chakaona rai ama hriana lymâ châta, Izarei râh liata su hrawh su kha zydua Livai chizy hnohta ama ryuto châta ei pie ei.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

RYHPACHANEINA 12:6

Cha liana chata nama raopa hlânazy, namâ theihnazy, nama su hrawh su khazy, nama chalopa hlânazy, nama bietaizy, nama lôhthai hlânazy, nama viahchao hri nata mietaku zaw hry liata a pataw tua chaipa zy nama vaw cheih awpa a châ.

RYHPACHANEINA 14:22

“Kô chareih nama lyu kôvei zydua tawhta su hrawh su kha nama pie tyh awpa a châ.

RYHPACHANEINA 14:29

Nâmo hawhta tovyuh nata ryuto a hnei leipa Livai chi nama khih liata a ypazy, mapaihpazy, paw hnei leipazy nata nôhmeizy a vy aw ei ta, nie aw ei ta, rihbiepa ta ama y aw. Chatanachata Abeipa nama Khazohpa ta nama ku raihria zydua liata byhnâ a cha pie aw ei.

RYHPACHANEINA 28:12

“Abeipa ta ryubyh phapa avâzy cha pahypa aw ei ta, a daihtita liata nama râh liata avâ pasuasa aw ta, nama ku raihria zydua byhnâ a pie aw. Chatanachata phopi hluhpi dyu pacheisa aw ei chi ta, nâmo deikua ta dyu chei aw veih ei chi.