MALAKHAI 3:1 - Mara Bible RV (BSI)

¹ “Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MALAKHAI 3:1 ပူးပေါင်းရင်းမြစ်များ

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

PUASAINA 23:20

“Moh teh, lâpi liata châ vaih awpa nata su ei chhuahdypa châ tlôkhei awpa ta, na hmia lâta vâlyuhchâpa ei pasiesa.

PUASAINA 23:21

Na nah pachôhpa ta, a bie nathlie la, ano cha chakhia khah y. Ei moh ano liata y tlôh ta, chavâta nama paraonazy a ngiahthai aw vei.

ISAI 40:10

Moh teh u, Abeipa Zehôvâh cha, Hmotaotheina chhaota a vy ta, A bâh thatlôna hmâpa ta ryu a reih aw. Moh teh u, a lymâ a hnohta y ta, A viarithôna chhao a hmiakô liata a y.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

HÂKAI 1:13

Abeipa lyuhchâpa Hâkai ta, “Abeipa ta, ‘Nama hnohta ei y,’ a tah” tahpa ta Abeipa bietapa cha zawpi hnohta phuah ta.

MALAKHAI 2:4

Livai hnohta ei biehrai â dua lymâ thei nawpa ta, he biepiepazy he ei cha pie ei tahpa pahno teh u,” Pheisaihzy Abeipa ta a tah.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALAKHAI 4:5

Moh teh u, Abeipa noh rônahpa nata rarôh y ngaitapa a vaw tlô hlâta hrohsopa Elaizâh ei cha za tuapa tua aw ei.

MATHAI 11:14

Cha cha nama zo khoh khiahta cha, ano he Elaizâh a vy awpa cha a châ.

LUKA 1:76

Chavâta nâ, hawtipa y, Chônôchai hrohsopa tahpa na châ aw. Abeipa lâpizy a chhuahdy awpa ta, A hmia lâta sie aw chi ta,

LUKA 19:47

Noh chareih Achhyna o liata pachu tyh ta. Theihthai beizy nata ryhpa pachutuhpazy nata khihtlâh hyutuhpazy ta Zisu cha pahleipadia a chhuah ei ta.

LUKA 2:11

Tanoh he Dâvi khihpi liata nama châta Pachhatuhpa a pih haw, Beipa Krista cha!

LUKA 2:38

Cha daihti lia tlai ta, Anâ cha a vy ta, Khazohpa lâ alyna bie reih ta, Zerusale chatlaina a hâtuhpa zydua hnohta Zisu thâtih cha chho ta.

LUKA 2:46

Noh thôh ama tlua khai tawhta, Achhyna o liata hmô ei ta, pachutuhpazy hry liata a tyuh ta, ama biezy nathliepa ta, âmo lâta hiahrinazy a vaw tao ngâpa hmô ei ta.

HMOTAOPAZY 19:4

Pawla ta, “Zawhâna khata rona bâti pachâsa ta, a hnôhlâ ta a vy awpa Zisu a ngiapâ awpa ta chyhsazy a chho ei,” tah ta.

HMOTAOPAZY 7:38

Ano cha Sinai Tlâh liata ano bie â chhopa vâlyuhchâpa nata miah pathlatuhpazy chhaota râhchawhpa liata Izarei zawpi hnohta a ypa kha a châ. Miah pie pachhuah awpa ta bietapa hrohpazy a daotuhpa a châ.